بریلویوں کی غیر اللہ سے مدد مانگنے کی دلیل !!! آپ کی اس بارے میں کیا رائے ہیں ؟

[محمد عامر یونس]

معراج کے موقع پر موسی علیہ السلام نے نماز کم کرنے میں ھماری نبی صلی اللہ علیہ وسلم کی مدد کی -

آپ کی اس بارے میں کیا رائے ہیں ؟

 

[محمد ارسلان]

معراج کے موقعے پر نبی اکرم صلی اللہ علیہ وسلم کو موسی علیہ السلام نےاپنی امت کے لئے نمازیں کم کروانے کی تجویز دی تھی، اس میں مدد کرنے کی کون سی بات ہے؟ اگر بالفرض اسے مدد کرنا تسلیم کر لیا جائے تو یہ ماتحت الاسباب مدد ہے نا کہ مافوق الاسباب۔ اور ماتحت الاسباب مدد کرنا جائز ہے اور اس کا حکم قرآن میں بھی ہے۔ ارشاد باری تعالیٰ ہے:
وَتَعَاوَنُوا عَلَى الْبِرِّ وَالتَّقْوَىٰ۔۔۔المائده
ترجمه: نیکی اور پرہیزگاری میں ایک دوسرے کی امداد کرتے رہو
تو اس سے بریلویوں کا مقصد حاصل نہیں ہوتا جو وہ کرنا چاہتے ہیں، اول جو انہوں نے دلیل دی ہے اس سے غیراللہ سے مدد مانگنے کی کوئی بات ثابت نہیں ہوتی، بالفرض موسی علیہ السلام کی تجویز کو امتِ محمدیہ صلی اللہ علیہ وسلم کی مدد کرنا تسلیم کر لیا جائے تو یہ ماتحت الاسباب مدد ہے جو جائز ہے۔واللہ اعلم

 

[محمد ارسلان]

مزید رہنمائی کے لئے:
انس
خضر حیات

 

[انس]

یہ تو تب ہے جب نبی کریمﷺ نے سیدنا موسیٰ علیہ السلام سے نمازوں میں تخفیف کا مطالبہ کیا ہو اور انہوں نے نمازیں کم کی ہوں!!

نہ نبی کریمﷺ نے سیدنا موسیٰ علیہ السلام سے نمازوں کی تخفیف کیلئے مدد مانگی اور نہ سیدنا موسیٰ علیہ السلام نے نمازیں کم کیں اور نہ ہی انہیں اس قسم کا ذرّہ برابر بھی اختیار حاصل تھا۔

سیدنا موسیٰ علیہ السلام نے نبی کریمﷺ کو ایک مشورہ دیا جو وہ بالکل دے سکتے تھے اور کوئی بھی کسی کو کسی قسم کا مشورہ دے سکتا ہے اور نبی کریمﷺ نے اس مشورہ کے مطابق مدد تو اللہ رب العٰلمین سے مانگی ہے اور مدد اللہ تعالیٰ نے ہی کی ہے کہ نمازوں کی تعداد میں کمی کردی لیکن اجر وہی رہنے دیا۔

تو دعویٰ کچھ اور ہے اور دلیل کچھ اور! ۔۔۔ اسے کہتے ہیں سوال گندم جواب چنا!!!