بچوں کو وہی دیں جو انہیں پسند ہو

[مشکٰوۃ]

بسم اللہ الرحمٰن الرحیم​

السلام علیکم ورحمۃ اللہ وبرکاتہ​

بچے عمومی طور پر لنچ ٹائم کو کھیل کود کا وقفہ سمجھتے ہیں ۔"میں اس وقت کو اس بور لنچ باکس کو کھول کر دیکھنے میں کیوں ضائع کروں جبکہ میں جھولے لینے میں دوسروں سے آگے ہو سکتاہوں یادوستوں کے ساتھ کسی اور کھیل میں حصہ لے سکتا ہوں ۔"اس خیال کی وجہ سے بہت سارے بچے لنچ باکس کو کھول کر نہیں دیکھتے۔​

آج ہم آپ کو اس سلسلے میں کچھ باتیں بتاتے ہیں کہ جن پر عمل کرکے آپ اپنے بچوں کو لنچ کھانے پر مائل کرنے کے ساتھ ساتھ انہیں کھانے کی اہمیت سمجھانے میں بھی کامیاب ہو سکتی ہیں۔​

بچوں کو ہمیشہ وہ کھانا دیں جو ان کی پسند کاہو ۔دھیان رکھیں کہ آپ کے بچے کس چیز کو زیادہ پسند کرتے ہیں ۔وہی چیز ان کے لنچ باکس میں شامل کریں اور ہر گز وہ چیز ان کو مت دیں کہ جو انہیں ناپسند ہو ۔بڑوں کی طرح بچے بھی لگی بندھی روٹین کے عادی ہو تے ہیں ۔اگر آپ روز روز ان کے لنچ میں نئی نئی چیزیں ڈال دیں گی تو وہ ا س سے پریشان ہو کر کھانا نہیں کھائیں گے۔جب وہ اس روٹین سے تھک جائیں تو انہیں نیا کھانا دیں ۔اس بات کا دھیان رکھیں کہ کھا ناہمیشہ ایساہو کہ جس سے انہیں گھر کی یا دآئے ،کھانے کو خوبصورت دکھائی دینا چاہیئے ۔یاد رکھیں بچوں کے لئے کھانوں کی شکل ،سائز،رنگ کے ساتھ ساتھ ذائقے کی بھی بہت اہمیت ہوتی ہے ۔ا س کے علاوہ ٹفن یا جس بھی چیز میں آپ کھانا پیک کرتے ہیں اس کی بھی بہت اہمیت ہے ۔اگر آپ کا بچہ کسی خاص کارٹون والے ٹفن باکس کو پسند کرتا ہے تو انہیں اس ٹفن باکس میں کھانے دیں جب تک کہ وہ اس سے بور نہ ہو جائے ۔یاد رکھیں بچے کھانے کی ظاہری ترتیب سے بھی بہت متاثر ہوتے ہیں ۔اگر انہیں چوکور سینڈوچ پسند نہیں تو ٹرائینگل میں سینڈوچ بنا دیں ۔​

آج کی جنریشن کے پاس وقت نہیں ہے وہ اپنے لنچ کو دس منٹ میں ختم کرنا چاہتی ہے ۔سو اس بات کو مدِنظر رکھیں اور اس بات کو یقینی بنائیں کہ لنچ ایساہو کہ آپ کے بچے اسے فوری طور پر کھا سکیں ۔کھانا کھانے میں آسانی پیدا کریں ،سادگی سے پیک کریں ،چمچ سے کھانے والا کھاناہو تو پلاسٹک کا چمچ ضرور ساتھ دیں ،اگر آپ نے سینڈوچ بناکر بھیجے ہیں تو ان کا سائز چھوٹااور سینڈوچ آسانی سے کھانے والا ہو ،اگر چپاتی ہے تو اس کا رول بنادیں تا کہ بچے فوری کھا سکیں۔​

ضروری نہیں کہ آپ بچوں کو پکاہو اکھانا ہی دیں بلکہ آپ موسم کے مطابق ان کو ابلا ہو اانڈا ،بادام،اخروٹ ،پستہ یا تازہ پھل وغیرہ دے سکتی ہیں جن سے پروٹین بھی حاصل ہو ۔بچوں کو پینے کےلئے ضرور کوئی چیز دیں کہ جس سے کھانافور اہضم ہو جائے ۔ضروری نہیں کہ یہ سوفٹ ڈرنک ہو ،بلکہ کوشش کریں کہ فریش اورنج جوس یا کوئی اور فریش جوس ،لسی یا ملک شیک غرض کہ جو بھی انہیں پسند ہو ،ساتھ ضرور دیں ،کوشش کریں کہ کھانے کو ہلکا اور مزیدار بنائیں ۔پنیر کی بجائے مکھن کا استعمال کریں۔۔​

تحریر: رعنا جاوید​

ماہنامہ خواتین میگزین​

 

[محمد شاہد]

بسم اللہ الرحمٰن الرحیم​

السلام علیکم ورحمۃ اللہ وبرکاتہ​

بچوں کو ہمیشہ وہ کھانا دیں جو ان کی پسند کاہو ۔دھیان رکھیں کہ آپ کے بچے کس چیز کو زیادہ پسند کرتے ہیں ۔وہی چیز ان کے لنچ باکس میں شامل کریں اور ہر گز وہ چیز ان کو مت دیں کہ جو انہیں ناپسند ہو ۔

وعلیکم السلام ورحمۃ اللہ وبرکاتہ
اگر بچوں کوصحت افزا کھانوں کی بجائے دہی بھلے اوربازاری برگرپسندہوں تو؟

 

[مشکٰوۃ]

وعلیکم السلام ورحمۃ اللہ وبرکاتہ
اگر بچوں کوصحت افزا کھانوں کی بجائے دہی بھلے اوربازاری برگرپسندہوں تو؟

ابتسامہ۔۔۔یہ تو سوچنا پڑے گا کہ ہم بچپن میں کیا کھاتےرہے اور کھارہے ہیں اور بچوں کو کس چیز کی عادت ڈالی ہے؟؟؟
گھر میں دہی بھلے بھی بن جاتے ہیں اور برگر بھی ۔۔۔۔بس تھوڑی سی محنت کرنے پڑے گی بچوں کو سمجھانے کے لئے

 

[خنساء]

سچ میں بچوں کو وہی چیز دینی چاہیے جو ان کو پسند ہو):

 

[Aamir]

پریشانی کی بات تو یہ ہے بچے اس چیز کی ضد کرتے ہیں جو انھیں نہیں کھانی چاہیے،،

 

[کنعان]

السلام علیکم

کچھ بچے ایسے بھی ہوتے ہیں جنہیں کھانے میں کچھ بھی پسند نہیں ہوتا جتنے دن چاہیں بھوکا رہ لیں، اس پر ڈاکٹر سے رابطہ کریں کہ بھوک لگانے والا شربت لکھ دے، اس کی دو بوتلیں بچے کو پلائیں پھر دیکھیں بچہ کیسے ہر وہ چیز کھائے گا جو اسے پسند نہ بھی ہو۔

والسلام

 

[مشکٰوۃ]

سچ میں بچوں کو وہی چیز دینی چاہیے جو ان کو پسند ہو):

آگئیں مطلب کی بات پر۔۔):
یہ بھی پڑھو ذرا۔۔۔۔۔

پریشانی کی بات تو یہ ہے بچے اس چیز کی ضد کرتے ہیں جو انھیں نہیں کھانی چاہیے،،

اور علاج بھی:)

کچھ بچے ایسے بھی ہوتے ہیں جنہیں کھانے میں کچھ بھی پسند نہیں ہوتا جتنے دن چاہیں بھوکا رہ لیں، اس پر ڈاکٹر سے رابطہ کریں کہ بھوک لگانے والا شربت لکھ دے، اس کی دو بوتلیں بچے کو پلائیں پھر دیکھیں بچہ کیسے ہر وہ چیز کھائے گا جو اسے پسند نہ بھی ہو۔