تاریخ وہابیت حقائق کے آئینے میں

[عبد الرشید]

کتاب کا نام

تاریخ وہابیت حقائق کے آئینے میں

مصنف کا نام

ڈاکٹر محمد بن سعد الشویعر

ناشر

مکتبہ دارالسلام،لاہور

تبصرہ

سلفی تحریک کو ابتداء سے لے کر موجودہ دور تک مختلف قسم کے الزامات و اتہامات اور دشنام طرازیوں کا سامنا ہے ۔ علماء سوء کی تمام تر توانائیاں اس نکتے پر کھپ رہی ہیں کہ اس تحریک کا راستہ کیسے روکا جائے ۔اس لیے کہ اس تحریک کی کامیابی اصل میں ان سیم و زر کے پجاریوں کی ناکامی ہے جنہوں نے دین کو بطور پیشہ کے اپنایا ہوا ہے ۔چنانچہ ان جضرات نے اللہ کے خوف کو بالائے طاق رکھتے ہوئے تحریک اور بانیان تحریک کے لیے ہر طرح کی گالی کو جائز قرار دے لیا بلکہ لوگوں کو اس سے متنفر کر نے کے لیے تحریک کے نام کو ہی گالی بنادیا اور اس مقدس تحریک کے ڈانڈے دوسری صدی ہجری کی ،رستمی وہابیت ،سے جاملائے پھر زور و شور سے یہ پروپیگنڈہ شروع کر دیا کہ شیخ محمد کی یہ تحریک در اصل خارجیوں کی اباضی تحریک وہابیت کی صدائے بازگشت ہے ،تاکہ علماء سلف کے فتاوی اور عوام الناس کی نفرت کا رخ اباضی تحریک سے سلفی تحریک کی جانب موڑ دیا جائے۔اس تاریخی غلطی کی اصلاح اور الزامات و اتہامات کے مسکت جواب کے لیے ڈاکٹر محمدبن سعد الشویعر کی یہ تالیف نہایت ہی عمدہ کاوش ہے ۔موصوف مفتی اعظم سعودی عرب کے مشیر اور مستند عالم دین ہیں ۔سلفی تحریک سے آگاہی اوراس پر اعتراضات کے مسکت اور شافی جوابات کے لیے شاید اس سے بہتر کتاب دستیاب نہیں ہے۔ (ناصف)
اس کتاب تاریخ وہابیت حقائق کے آئینے میں کو آن لائن پڑھنے یا ڈاؤن لوڈ کرنے کے لیے یہاں کلک کریں