تفسیر احسن البیان (تفسیر مکی)

[محمد نعیم یونس]

فَمَا لَهُ مِن قُوَّةٍ وَلَا نَاصِرٍ‌ ﴿١٠﴾
تو نہ ہوگا اس کے پاس کچھ زور نہ مددگار۔ (۱)
۱۰۔۱یعنی خود انسان کے پاس اتنی قوت نہ ہوگی کہ وہ خدا کے عذاب سے بچ جائے نہ کسی اور طرف اس کو کوئی ایسا مددگار مل سکے گا جو اس کو اللہ کے عذاب سے بچا دے۔

 

[محمد نعیم یونس]

وَالسَّمَاءِ ذَاتِ الرَّ‌جْعِ ﴿١١﴾
بارش والے آسمان کی قسم (١)
١١۔١ عرب بارش کو رجع کہتے ہیں اس لئے بارش کو رَجْع کہا اور بطور شگون عرب بارش کو کہتے تھے تاکہ وہ بار بار ہوتی رہے۔

 

[محمد نعیم یونس]

وَالْأَرْ‌ضِ ذَاتِ الصَّدْعِ ﴿١٢﴾
اور پھٹنے والی زمین کی قسم (١)
١٢۔١ یعنی زمین پھٹتی ہے تو اس سے پودا باہر نکلتا ہے، زمین پھٹتی ہے تو اس سے چشمہ جاری ہوتا ہے اور اسی طرح ایک دن آئے گا کہ زمین پھٹے گی، سارے مردے زندہ ہو کر باہر نکل آئیں گے۔ اس لیے زمین کو پھٹنے والی اور شگاف والی کہا۔

 

[محمد نعیم یونس]

إِنَّهُ لَقَوْلٌ فَصْلٌ ﴿١٣﴾
بیشک یہ (قرآن) البتہ دو ٹوک فیصلہ کرنے والا کلام ہے۔ (۱)
۱۳۔۱یہ جواب قسم ہے، یعنی کھول کر بیان کرنے والا ہے جس سے حق اور باطل دونوں واضح ہو جاتے ہیں۔

 

[محمد نعیم یونس]

وَمَا هُوَ بِالْهَزْلِ ﴿١٤﴾
یہ ہنسی کی (اور بےفائدہ) بات نہیں (١)
١٤۔١ یعنی کھیل کود اور مذاق والی چیز نہیں ہے (قصد اور ارادہ) کی ضد ہے، یعنی ایک واضح مقصد کی حامل کتاب ہے، لہو و لعب کی طرح بےمقصد نہیں۔

 

[محمد نعیم یونس]

إِنَّهُمْ يَكِيدُونَ كَيْدًا ﴿١٥﴾
البتہ کافر داؤ گھات میں ہیں (١)
١٥۔١ یعنی نبی صلی اللہ علیہ وسلم جو دین حق لے کر آئے ہیں، اس کو ناکام کرنے کے لئے سازشیں کرتے ہیں، یا نبی صلی اللہ علیہ وسلم کو دھوکا اور فریب دیتے ہیں اور منہ پر ایسی باتیں کرتے ہیں کہ دل میں اس کے برعکس ہوتا ہے۔

 

[محمد نعیم یونس]

وَأَكِيدُ كَيْدًا ﴿١٦﴾
اور میں بھی ایک چال چل رہا ہوں (١)
١٦۔١ یعنی میں ان کی چالوں اور سازشوں سے غافل نہیں ہوں، میں بھی ان کے خلاف تدبیر کر رہا ہوں یا ان کی چالوں کا توڑ کر رہا ہوں، جو برے مقصد کے لئے ہو تو بری اور مقصد نیک تو بری نہیں۔

 

[محمد نعیم یونس]

فَمَهِّلِ الْكَافِرِ‌ينَ أَمْهِلْهُمْ رُ‌وَيْدًا ﴿١٧﴾
تو کافروں کو مہلت دے (١) انہیں تھوڑے دن چھوڑ دے۔
١٧۔١ یعنی ان کے لئے جلدی عذاب کا سوال نہ کر بلکہ انہیں کچھ مہلت دے دے۔

 

[محمد نعیم یونس]

سورة الأعلى

(سورة الأعلى ۔ سورہ نمبر ۸۷ ۔ تعداد آیات ۱۹)​

بِسْمِ اللّٰهِ الرَّحْمٰنِ الرَّحِيْمِ
شروع کرتا ہوں میں اللہ تعالٰی کے نام سے جو بڑا مہربان نہایت رحم والا ہے
سَبِّحِ اسْمَ رَ‌بِّكَ الْأَعْلَى ﴿١﴾
اپنے بہت ہی بلند اللہ کے نام کی پاکیزگی بیان کر (١)
١۔١ یعنی ایسی چیزوں سے اللہ کی پاکیزگی اس کے لائق نہیں ہے حدیث میں آتا ہے کہ نبی صلی اللہ علیہ وسلم اس کے جواب میں پڑھا کرتے تھے، سُبْحَانَ رَبَّیَ ا لاَّعْلَیٰ (مسند احمد ٢٣٢۔١)

 

[محمد نعیم یونس]

الَّذِي خَلَقَ فَسَوَّىٰ ﴿٢﴾
جس نے پیدا کیا اور صحیح سالم بنایا۔ (۱)
۲۔۱دیکھیے سورۃ انفطار کا حاشیہ نمبر ۷

وَالَّذِي قَدَّرَ‌ فَهَدَىٰ ﴿٣﴾
اور جس نے (ٹھیک ٹھاک) اندازہ کیا اور پھر راہ دکھائی (١)
٣۔١ یعنی نیکی اور بدی کی، ضروریات زندگی، اشیا کی جنسوں کی، ان کی انواع و صفات اور خصوصیات کا اندازہ فرما کر انسان کی بھی ان کی طرف رہنمائی فرما دی تاکہ انسان ان سے استفادہ حاصل کرے۔