حسد اور ایک مشہور ضعیف روایت

[گڈمسلم]

حسد اور ایک مشہور ضعیف روایت

سیدنا ابوہریرہ رضی اللہ عنہ سے منسوب ایک روایت میں آیا ہے کہ رسول اللہ ﷺ نے فرمایا

’’ اياكم والحسد فان الحسد ياكل الحسنات كما تاكل النار الحطب‘‘(سنن ابی داؤد:4903)
حسد سے بچو کیونکہ حسد نیکیوں کو اس طرح کھا جاتا ہے جیسے آگ (خشک) لکڑیوں کو کھا جاتی ہے۔

یہ روایت بلحاظ سند ضعیف ہے۔اس کی سند میں ایک راوی جد ابراہیم (ابراہیم بن ابی اسید کا دادا) مجہول ہے۔
حافظ ابن حجر نے کہا

’’لایعرف‘‘(تقریب التہذیب:8503) یہ پہنچانا نہیں جاتا۔

ایسی ایک روایت سنن ابن ماجہ میں (سیدنا) انس رضی اللہ عنہ سے بھی مروی ہے۔(ح4210)
اس روایت کا راوی عیسی بن ابی عیسی الحناظ : متروک ہے۔(تقریب التہذیب:5317)

اس راوی پر یحیٰ بن سعید القطان، یحیٰ بن معین، ابوحاتم الرازی، عمروبن علی الفلاس، احمد بن حنبل اور دار قطنی وغیرہم رحمہم اللہ اجمعین نے شدید جرح کی ہے۔دیکھیئے کتاب الجروح والتعدیل( ج6 ص 289) وسوالات البرقانی للدار قطنی (387) اور عام کتب اسماء الرجال۔
یادر ہے کہ حسد کرنا حرام ہے اور حسد کا رد قرآن وحدیث سے ثابت ہے لیکن درج بالا روایت ثابت نہیں ہے لہذا اسے بغیر جرح کے بیان نہیں کرنا چاہیے۔

 

[محمد ارسلان]

جزاک اللہ خیرا

 

[عزیر ادونوی]

مذکورہ بالہ روایت سندا ضعیف ہے لیکن معنوی اعتبار سے متناَ صحیح ہے کیونکہ حسد حقیقتاَ ایسا ہی ہوتا ہے حسد انسان کو کہیں کا نہیں چھوڑتا کتاب و سنت میں حسد سے متعلق واقعات پڑھ لیجئے پھر ہم اسی نتیجہ پر پہنچیں کے کہ حسد کا معاملہ کچھ ایسا ہی ہے خلاصہ یہ کہ چونکہ یہ روایت سنداَ صحیح نہیں ہے اس لئے اس کو حدیث رسول کے طور پر پیش نہیں کیا جا سکتا ہے ہاں مقولہ کی حد تک اسمیں جو بات بتائی گئی ہے ہو صحیح ہے.
واللہ اعلم

Sent from my vivo 1816 using Tapatalk

 

[عزیر ادونوی]

حديث: إياكم والحسد، فإن الحسد يأكل الحسنات
https://www.alukah.net/sharia/0/55260/

Sent from my vivo 1816 using Tapatalk

 

[عزیر ادونوی]

سنن ابي داود, حدیث نمبر 4903, باب: حسد کا بیان۔

https://islamicurdubooks.com/hadith/hadith-.php?hadith_number=4903&bookid=3&tarqeem=1