حکومت طالبان مذاکرات کی کامیابی کا نسخہ

[عبدہ]

محترم بھائیو جیسا کہ خبر آئی ہے کہ پھر مذاکرات کے لئے ایک چار رکنی کمیٹی بنائی گئی ہے اس پر میں اپنی بھی رائے دوں گا اور آپ لوگوں سے بھی رائے چاہئے مگر مندرجہ ذیل بات کاخیال رکھا جائے جزاکم اللہ
موضوع
محترم بھائیو میرا موضوع یہ ہے کہ اگر مذاکرات کریں تو کامیابی حاصل کرنے کے لئے بہترین طریقہ کیا ہو سکتا ہے
پس بات کو دوسری طرف نہ لے جایا جائے کہ مذاکرات ہونے چاہئے یا نہیں وغیرہ-تاکہ موضوع کی افادیت کم نہ ہو جزاکم اللہ
قابل عمل ہونا
بہترین طریقہ وہ ہو گا جو قابل عمل بھی ہو یعنی حکومت اور طالبان کو قبول ہو کیونکہ جب قبول ہو گا تو عمل یا کامیابی مشکل نہیں ہو گی
میرا نسخہ
میرے خیال اس نسخہ کی تیاری کے لئے ہمیں یہ دیکھنا ہو گا کہ اس میں رکاوٹیں کون سی ہیں اور ان میں سے کون سی ایک رکاوٹ کو ختم کرنے سے باقی رکاوٹیں ختم ہو سکتی ہیں تو میرے خیال میں تین بڑی رکاوٹیں ہیں
1-طالبان کا شریعت کا مطالبہ
2-حکومت کا رٹ کا مطالبہ
3-امریکہ کی مداخلت
میرے خیال میں اگر آخری بات کو ختم کر دیا جائے تو پہلی دو باتوں پر کمرومائز اور ایڈجسٹمنٹ کی جا سکتی ہے
کیونکہ طالبان بھی سارے پاکستان پر شریعت کا مطالبہ کو چھوڑتے ہوئے اپنے علاقے تک محدود ہو سکتے ہیں
حکومت بھی انکو اپنے علاقے میں ایمانداری کے ساتھ شریعت کی اجازت دے سکتی ہے جیسے کہ غالبا پاکستان بننے کے بعد بھی وہاں پر شریعت کے وعدے کیے گئے تھے اور میرے پاس ایک اور دلیل بھی ہے کہ دیکھیں ہمارے کچھ قبائلی علاقے ہیں جہاں قانون انکے جرگوں کا چلتا ہے اور حکومت وہاں کچھ نہیں کر سکتی مگر وہاں حکومت کی رٹ موجود ہے یعنی فوج وہاں جا کر کچھ کر سکتی ہے تو جب جرگوں کو فیصلے کے اختیار دے کر حکومت اپنی رٹ وہاں قائم رکھ سکتی ہے تو میرے خیال میں اگر انکو خالی عدالتی فیصلوں کا اختیار دے دیا جائے تو طالبان وہاں حکومت کا مطالبہ بھی شاہد نہ کریں اور حکومت کا یہ فائدہ ہو گا کہ اسکی رٹ وہاں فوج کے بغیر بھی پہلے سے زیادہ مضبوط ہو جائے گی جب عوام انکے ساتھ ہو جائے گی
البتہ مسئلہ امریکہ کا ہے جو یہ بات برداشت نہیں کرے گا کیونکہ جب ایک اسلامی ریاست کے تحت فیصلے ہونا شروع ہوں گے اور لوگوں کو افغانستان والا امن نظر آئے گا تو وہ اسکو پسند کرنے لگیں گے جو امریکہ کی موت ہو گی
استادِ محترم حافظ طاہر اسلام عسکری اور محترم خضر حیات بھائی سے اصلاح کی درخواست ہے

 

[علی بہرام]

میرے خیال سے تو مذکرات کرنے ہی نہیں چاہئے کیونکہ ہم جس امریکہ کوصبح شام گالیاں دینے سے تھکتے جب اس کے یہاں صرف ایک مسجد کی بے حرمتی پر وہ اپنے شہری اور وہ بھی سابق فوجی کو سزا دیتا ہے نہ کہ اس سے مذکرات کرتا ہے پھر ہم ان لوگوں سے مذکرات کی بات کیوں کرتے ہیں جو پاکستان میں کئی مساجد کی بے حرمتی میں ملوث ہیں !!! کیا ہم پاکستانی امریکیوں سے بھی گئے گذرے ہیں ؟؟؟؟
http://english.alarabiya.net/en/News/world/2013/04/17/Ex-Marine-gets-20-years-in-US-mosque-fire.html

 

[یوسف ثانی]

امریکہ اور اس کے کھلے و درپردہ ہمنوا کی تو خواہش ہی یہی ہے کہ:

1. طالبان اور طالبان کی آڑ میں امریکی سی آئی اے، بھارتی را، ایرانی مداخلت کار ایجنٹس وغیرہ مل جل کر پاکستان بھر میں مسلح کاروائیاں کرتے رہیں
2. پاکستان آرمی، رینجرز، ایف سی اور صوبائی پولس ان مسلح کاروائیاں کرنے والوں سے لڑتے اور مرتے رہیں
3. امریکہ براہ راست بھی پاکستان میں ڈرون حملوں کے ذریعہ انتقامی جذبہ سے سرشار نئے نئے طالبان پیدا کرتا رہے
4. پاکستان میں جاری یہ خانہ جنگی اتنی شدت پکڑ جائے کہ اقوام متحدہ کے امن فوج کی آڑ میں امریکہ براہ راست پاکستان پر قبضہ کرکے گروہ منافقین کو یہاں کی باگ ڈور دے دے، جیسا کہ اس نے عراق میں کیا ہے

لیکن واضح رہے کہ پاکستان اور عراق میں زمین آسمان کا فرق ہے۔ یہاں گروہ منافقین خانہ جنگی کی حالت میں پاکستان کے محب وطن اور محب اسلام عوام کی اکثریت کے سامنے ایکسپوز ہوگئے تو ہمیشہ کے لئے فنا ہوجائیں گے۔ پھر انہیں یہود و نصاریٰ یا ایران اور امریکہ مل کر بھی نہیں بچا سکے گا۔
واللہ اعلم بالصواب

 

[علی بہرام]

امریکہ اور اس کے کھلے و درپردہ ہمنوا کی تو خواہش ہی یہی ہے کہ:

1. طالبان اور طالبان کی آڑ میں امریکی سی آئی اے، بھارتی را، ایرانی مداخلت کار ایجنٹس وغیرہ مل جل کر پاکستان بھر میں مسلح کاروائیاں کرتے رہیں
2. پاکستان آرمی، رینجرز، ایف سی اور صوبائی پولس ان مسلح کاروائیاں کرنے والوں سے لڑتے اور مرتے رہیں
3. امریکہ براہ راست بھی پاکستان میں ڈرون حملوں کے ذریعہ انتقامی جذبہ سے سرشار نئے نئے طالبان پیدا کرتا رہے
4. پاکستان میں جاری یہ خانہ جنگی اتنی شدت پکڑ جائے کہ اقوام متحدہ کے امن فوج کی آڑ میں امریکہ براہ راست پاکستان پر قبضہ کرکے گروہ منافقین کو یہاں کی باگ ڈور دے دے، جیسا کہ اس نے عراق میں کیا ہے

لیکن واضح رہے کہ پاکستان اور عراق میں زمین آسمان کا فرق ہے۔ یہاں گروہ منافقین خانہ جنگی کی حالت میں پاکستان کے محب وطن اور محب اسلام عوام کی اکثریت کے سامنے ایکسپوز ہوگئے تو ہمیشہ کے لئے فنا ہوجائیں گے۔ پھر انہیں یہود و نصاریٰ یا ایران اور امریکہ مل کر بھی نہیں بچا سکے گا۔

واللہ اعلم بالصواب

1۔ جب یہ ساری کاروائیاں امریکی سی آئی اے، بھارتی را، ایرانی مداخلت کار ایجنٹس وغیرہ کررہی ہے تو مذکرات تو امریکی سی آئی اے، بھارتی را، ایرانی مداخلت کار ایجنٹس وغیرہ سے ہونے چاہئے پھر طالبان سے مذکرات کی بات کیوں کی جارہی ہے ؟

2۔ کیا یہ اس بات کااعتراف نہیں کہ پاکستان آرمی، رینجرز، ایف سی اور صوبائی پولیس کو شہید کرنے والے طالبان ہے ؟

3۔ امریکی ڈورن حملوں کے نتیجے میں نئے طالبان پیدا ہوتے ہیں لیکن طالبان کے خود کش حملوں کے نتیجے میں انتقامی جذبہ سے سرشار نئے نئے طالبان مخالف کیوں پیدا نہیں ہوتے؟؟؟ جبکہ خودکش حملوں میں شہید ہونے والوں کی تعداد ڈرون حملوں میں ہلاک ہونے والوں سے کہیں زیادہ ہے !!!

4۔ پھرطالبان امریکی منصوبے کی مخالفت کرتے ہوئے ہتھیار کیوں نہیں ڈال دیتے کہیں ایسا تو نہیں کہ طالبان خودکش حملوں اور پاکستان میں خانہ جنگی کرکے امریکہ کو اپنے منصوبے کو پایہ تکمیل تک پہنچانے میں اس کی مدد کررہے ہو؟

 

[عبدہ]

علی بہرام صاحب ذرا پہلی پوسٹ میں میری التجاء پڑھ لیں اور مذاکرات ہونے یا نہ ہونے پر یہاں بحث کر کے اس ہٹ دھرمی کا ثبوت تو نہ دیں جس کا ذکر ابن سباء کے آباء کے پس منظر میں قرآن بغیا بینھم کہ کر بیان کرتا ہے
اگر مذاکرات کے ہونے نہ ہونے پر بحث کرنی ہے تو آپ علیحدہ موضوع بنا لیں وہاں بات کر لیتے ہیں شکریہ

 

[یوسف ثانی]

 

[عبدہ]

قابل عمل ہونا
بہترین طریقہ وہ ہو گا جو قابل عمل بھی ہو یعنی حکومت اور طالبان کو قبول ہو کیونکہ جب قبول ہو گا تو عمل یا کامیابی مشکل نہیں ہو گی

محترم بھائیو میں نے اکثر تبصرہ نگاروں کو دیکھا ہے کہ جب میری اوپر بات کی طرح حکومت کو مذاکرات میں سنجیدہ ہونے کا مشورہ دیا جاتا ہے تو جاہل لوگ یہ الزام لگاتے ہیں کہ آپ طالبان کو مشورہ کیوں نہیں دیتے تو بھائیو میں اس پوسٹ میں اس اعتراض کا جواب لکھوں گا ان شاءاللہ
یہاں یہ بتاتا چلوں کہ میں نے اگرچہ طالبان کی نیت پر کبھی بات نہیں کی مگر ان کے غلبہ دین کے حصول کے منہج سے میرا اختلاف جا بجا پوسٹوں میں موجود ہے اب میں ایک مثال سے طالبان کو ڈاکوؤں پر قیاس کرتے ہوئے سمجھاتا ہوں کہ میرے مشورے حکومت کے لئے کیوں ہیں طالبان کے لئے کیوں نہیں-
فرض کہ میرا ایک بھائی سے ڈاکو اسلحہ کے زور پر بٹوا چھین رہے ہیں اور مجھے معلوم ہے کہ بٹوا میں کچھ نہیں تو میں اپنے دوست کو کہتا ہوں کہ یار تم صبر کرو اور اسکو بٹوا دے دو تمھارا نقصان نہیں ہو گا تو وہ بھائی مجھ سے کہنے لگ جائے کہ آپ ڈاکو کو مشورہ کیوں نہیں دیتے تو میرا اس جاہل بھائی سے سوال ہے کہ ڈاکو میرے مشورے کا پابند ہوتا تو آپ اسکو ڈاکو ہی کیوں کہتے میں تو مشورہ آپ کو ہی دے سکتا ہوں اور جب آپ کا کوئی نقصان ہی نہیں بلکہ الٹا فائدہ ہی ہے تو بٹوا دے دو کیونکہ وہ خالی ہے
اسی طرح ایک تو ہم طالبنا کو مشورہ نہیں دے سکتے دوسرا یہ بھی ذہن میں رکھیں کہ طالبان کی بات ماننے سے ہمارا بٹوا سے کچھ نہیں نکلے گا اسکی وضاحت مندرجہ ذیل ہے
اگر طالبان کو دیکھا جائے تو وہ اپنی بات پر اتنے سخت ہوتے ہیں کہ سب کچھ قربان کر سکتے ہیں کہ بات سے پیچھے نہیں ہٹ سکتے اسی وجہ سے برطانیہ بھی اس علاقے پر اس طرح کنٹرول نہیں کر سکی اور امریکہ بھی ابھی تک افغانستان پر کنٹرول نہیں کر سکا اسی وجہ سے ہماری حکومت بھی ان کی اس آزاد روش کو قبول کرتی ہے اور آذاد قبائل میں حکومت انکو اپنی مرضی سے فیصلے کرنے دیتی ہے پس میرا سوال یہ ہے کہ جب وہ آزاد قبائل اپنے فیصلوں کی آزادی حاصل کرنے کے باوجود حکومت کے بٹوے سے کچھ نہیں نکال سکے تو طالبان کے علاقوں میں انکو آزادی دینے پر حکومت کا کیا نقصان ہو گا (یاد رکھیں یہ بات خالص دنیاوی لحاظ سے ہے ورنہ دینی لحاظ سے تو اس سے بڑا گناہ نہیں ہو گا کہ دنیاوی جرگہ لگانے والوں کو تو حکومت کی رٹ سے نکلنے دیا جائے اور اللہ کے حکم کے تحت جرگہ لگانے والوں کو اجازت نہ دی جائے)
اس سے یہ بھی فائدہ ہو گا کہ پنجاب میں بھی انکے بہی خواہ فساد نہیں کر سکیں گے تو حکومت کی رٹ یہاں بھی مضبوط ہو گی بلکہ پولیس کو فراغت ہونے کے بعد ڈاکوؤں پر گرفت بھی مضبوط ہو گی