خاموشی میں نجات

[نصر اللہ خالد]

السلام علیکم ورحمۃ اللہ وبرکاتہ۔

خاموشی میں نجات ہے۔!
ملکی حالات بڑے گھمبہیر ہیں کچھ سمجھ نہیں آرہا ہے کہ ہو کیا رہا ہے۔کون سچا ہے کون جھوٹا ہے۔ایک طرف طالبان اور دوسری طرف فوج، اسی رسہ کشی میں بہت سے بے قصور بھی حیوانیت کی بھینٹ چڑھ گئے،بہت سے خاندانوں کے معصوم جوان غائب ہوئے جن کا کوئی اتا پتا نہیں،بہرحال میں یہ بات سوچ ہی رہا تھاکہ یہ ہو کیا رہاہے۔۔؟تو اسی کشمکش میں رسول اللہ ﷺ کا یہ فرمان یادآیاسنن ابن ماجہ حدیث نمبر 841
عمران بن موسیٰ لیثی، عبدالوارث بن سعید، محمد بن حجادہ، عبدالرحمن بن ثروان ہذیل بن شرحبیل، حضرت ابوموسی اشعری ؓ فرماتے ہیں کہ رسول اللہ ﷺ نے فرمایا قیامت کے قریب فتنے ہوں گے سیاہ تاریک شب کے حصوں کے مانند ان فتنوں میں مرد صبح ایمان کی حالت میں کرے گا تو شام کفر کی حالت میں اور کوئی شام ایمان کی حالت میں کرے گا تو صبح کفر کی حالت میں۔ ان فتنوں میں بیٹھنے والا کھڑے ہونے والے اور کھڑا ہونے والا چلنے والے سے اور چلنے والا دوڑنے والے سے بہتر ہوگا (اسوقت) اپنی کمانیں توڑ دینا اور کمانوں کے چلے کاٹ دینا اپنی تلواریں پتھروں پر مار کر کند کر لینا اگر تم میں سے کسی کے پاس کوئی گھس آئے اور (مارنے لگے) تو وہ سیدنا آدم علیہ السلام کے دو بیٹوں (ہابیل اور قابیل) میں سے بہتر کی طرح ہو جائے ۔
اس حدیث کا یہ حصہ کہ بیٹھنے والا کھڑے سے بہتر ہو گا۔۔۔۔الخ​

حدیث کے اس حصہ کی جو سمجھ مجھے آئی ہے وہ یہ ہی ہے کہ جو بندہ بہت حالات شناس بہت تیز اور بہت زیادہ باتیں کرنے والا ہے وہ سب سے زیادہ آزمائش میں ہے وہ نہیں جانتاکہ وہ کس کی حمائت کس وجہ سے کر رہا ہے وہ نہیں جانتا کہ وہ انجانے میں باطل کو حق کہہ رہا ہے یا حق کو باطل۔۔۔!
پتہ نہیں حقیقت کیا ہے کہیں ایسے نہ ہو کہ ہم انجانے میں باطل کو حق اور حق کو باطل کہہ جائئیں۔۔۔
اسلئے ان حالات میں خاموشی سب سے بہتر ہے میں تو یہ ہی محسوس کر رہاہوں۔
واللہ اعلم۔
آپ اس بارہ میں کیا کہیں گے۔۔۔؟
کیا خاموش رہنابہترہے یا کسی کی حمائت کرنا۔۔؟

 

[محمد ارسلان]

اہم بات کی طرف توجہ دلائی ہے آپ نے
@ابوالحسن علوی
@خضر حیات

 

[Dua]

وعلیکم السلام ورحمتہ اللہ ،
بہت اصلاحی موضوع ہے۔اللہ تعالی آپ کو اجر و ثواب سے نوازے۔آمین
نہ خاموش رہنا بہتر ہے اور نہ حمایت کرنا۔۔۔تحقیق کرنا سب سے بہتر ہے۔حق کی جستجو کرنے والے کو اللہ تعالی حق کا رستہ دکھاتا ہے۔ان شاء اللہ!
نبی کریم صلی اللہ علیہ وسلم کی ایک حدیث کا قریب قریب مفہوم ہے کہ فتنوں کے وقت میں خود کو دور رکھنا یہاں تک کہ پتے کھا کر بھی گزارا کرنا پڑے۔اسی طرح فتنوں کے وقت میں حتی الامکان اپنے ایمان کو بچانے کی کوشش بھی کرنی ہے۔
لہذا تحقیق کی لگن ضرور رہنی چاہیئے کہ عند اللہ نیک ارادوں کا اجر حاصل ہوتا ہے۔

 

[خضر حیات]

جس پس منظر میں آپ نے بات کی ہے ان حالات میں خاموش رہناہی بہتر ہے ۔ واللہ اعلم ۔

 

[نصر اللہ خالد]

جزاکم اللہ خیرا۔۔
تحقیق کےلئے سورسز ہوتے ہیں اگر سورسز ہی جھوٹ پر مبنی ہوجائیں تو کیسے تحقیق پایہ تکمیل کو جا سکتی ہے۔۔؟
مثال کے طورپر ہمارے اخبارات اور جرائد وہ بھی جھوٹ ہمارا میڈیا ہمیں وہ ہی دیکھاتا ہے جو حکومت چاہتی ہے۔یہ ہی تو سورسز ہیں اب ان پر کیسے اعتبار کریں۔میں بس یہ سمجھ رہا ہوں کہ ایسی باتوں سے بچنا چاہئے۔
کی خیال اے۔۔؟

 

[Dua]

اگر آپ موجودہ مسائل کا اسلامی حل دیکھنا چاہتے ہیں ، تو یہ تحقیق اسلامی کتب سے کی جائے گی۔
تاہم جس طرح آپ کا موضوع ہے ، طالبان ، داعش ، حکمران ، افواج ، پالیسیز کے متعلق تو اس معاملے میں ہمیں صبر کرنا چاہیئے۔یہاں تک کہ اللہ کوئی راستہ دکھا دے۔

 

[نصر اللہ خالد]

یہ پوسٹ کی ہی موجودہ حالات کے تناظر میں ہے۔