خانہ کعبہ کی توہین کرنے والا بدبخت بھارتی شہری گرفتار

[محمد عامر یونس]

خانہ کعبہ کی توہین کرنے والا بدبخت بھارتی شہری گرفتار

22 نومبر 2016 (11:02)

ریاض (مانیٹرنگ ڈیسک) بھارتی شہری دوسروں کی توہین کرنے کا کوئی بھی موقع ہاتھ سے نہیں جانے دیتے اور متعدد واقعات سامنے آتے رہتے ہیں لیکن اب سعودی عرب میں مقیم ایک بھارتی شہری نے ایسا کام کر دیا ہے کہ دنیا بھر کے مسلمانوں کا خون کھول اٹھا ہے۔

تفصیلات کے مطابق سعودی عرب میں مقیم ایک بھارتی شہری نے مبینہ طور پر خانہ کعبہ کی توہین کی جس پر سعودی پولیس نے کارروائی کرتے ہوئے اس بدبخت شخص کو گرفتار کر لیا ہے۔ مقامی میڈیا کے مطابق ملزم نے سوشل میڈیا ویب سائٹ فیس بک پر خانہ کعبہ کی تصویر پر بدھا کی تصویر لگا کر اس کی توہین کی جس پر اسے گرفتار کیا گیا۔

ریاض پولیس کے ترجمان کا کہنا ہے کہ ” تحقیقاتی اداروں نے 40 سالہ ملزم کو گرفتار کیا ہے جو زراعت کے شعبے میں کام کرتا ہے اور اس نے ہمارے مقدس مقام کی توہین کی ہے۔ ملزم نے خانہ کعبہ کی تصویر کے اوپر بدھا کی تصویر لگائی اور اسے سوشل میڈیا پر اپ لوڈ کیا۔“ ترجمان کے مطابق پولیس نے ملزم کا سراغ لگا کر اسے صوبہ ریاض کے شہر المجمعہ شہر میں واقع ایک فارم سے گرفتار کیا۔