راستوں میں نماز پڑھنے کے بارے میں حکم

[ساجد]

راستوں میں نماز پڑھنے کے بارے میں حکم

وہ راستہ جس پر لوگ چلتے ہیں اور اسے اپنے پاؤں سے پامال کرتے ہیں وہ بھی ان سات مقامات میں داخل ہے جن میں نماز پڑھنے سے نبی کریم ﷺ نے منع فرمایا ہے، چنانچہ ابن ماجہ نے ’’سنن‘‘ میں حضرت ابن عمرؓ سے روایت کیا ہے کہ نبی کریمﷺ نے فرمایا:
سَبْعُ مَوَاطِنَ لَا تَجُوزُ فِيهَا الصَّلَاةُ ظَاهِرُ بَيْتِ اللَّهِ وَالْمَقْبَرَةُ وَالْمَزْبَلَةُ وَالْمَجْزَرَةُ وَالْحَمَّامُ وَعَطَنُ الْإِبِلِ وَمَحَجَّةُ الطَّرِيقِ(سنن ابن ماجہ:747)
’’سات مقامات ایسے ہیں جن میں نماز جائز نہیں ۔(1)بیت اللہ شریف کی چھت(2)قبرستان(3)کوڑے کرکٹ کا ڈھیر(4)مذبح خانہ (5)حمام (6)اونٹوں کا باڑہ (7) راستہ۔‘‘
اس حدیث کی سند اگرچہ ضعیف ہے لیکن کچھ اور احادیث بھی ہیں جن میں ان مقامات کا ذکر ہے جن میں نمازپڑھنا ممنوع ہے ۔ اور ان میں اور حضرت جابر بن عبداللہ ؓ سے مروی ہےمیں کہ رسول اللہ ﷺ نے فرمایا:
وَجُعِلَتْ لِي الْأَرْضُ مَسْجِدًا وَطَهُورًا وَأَيُّمَا رَجُلٍ مِنْ أُمَّتِي أَدْرَكَتْهُ الصَّلَاةُ فَلْيُصَلِّ حَیْثُ أَدْرَکَتْہُ (صحیح بخاری:438 /صحیح مسلم:521)

’’ میرے لیے زمین کو پاک اور سجدہ گاہ بنادیا گیاہے ۔ آدمی کے لیے جہاں نماز کا وقت ہو جائے ، وہ وہاں نماز پڑھ لے۔‘‘
تطبیق اس طرح ہوگی کہ حدیث جابر وغیرہ جن میں ہرجگہ نماز پڑھنے کی اجازت ہے ، عام ہیں اور وہ احادیث خاص ہیں جن میں کچھ مقامات میں نماز پڑھنے کی ممانعت آتی ہے ۔ لہذا ان احادیث سے ہر جگہ نماز پڑھنے کی اجازت والی احادیث کے عموم کو خاص کردیا جائے گا۔ جیساکہ بظاہر متعارض احادیث میں تطبیق کا معروف قاعدہ ہے ، ہاں البتہ بوقت حاجت و ضرورت کسی ممنوع جگہ پر نماز ادا کرنا بھی جائز ہے۔
(فتاویٰ اسلامیہ ج4/ص 30)

 

[انس]

ساجد بھائی! جزاکم اللہ خیرا!
یہ فتاویٰ شیئر کرنے کا بہت اچھا سلسلہ شروع کیا ہے آپ نے، اللہ آپ کو خوش رکھیں!
میرا خیال ہے کہ یہاں یہ فتاویٰ شیئر کرتے ہوئے آپ سے کچھ عبارت مس ہو گئی ہے، کیونکہ لکھا ہے کہ

لیکن کچھ اور احادیث بھی ہیں جن میں ان مقامات کا ذکر ہے جن میں نماز پڑھنا ممنوع ہے

لیکن پھر یہ روایات بیان نہیں کی گئیں۔

سَبْعُ مَوَاطِنَ لَا تَجُوزُ فِيهَا الصَّلَاةُ ظَاهِرُ بَيْتِ اللَّهِ وَالْمَقْبَرَةُ وَالْمَزْبَلَةُ وَالْمَجْزَرَةُ وَالْحَمَّامُ وَعَطَنُ الْإِبِلِ وَمَحَجَّةُ الطَّرِيقِ(سنن ابن ماجہ:747)
’’سات مقامات ایسے ہیں جن میں نماز جائز نہیں ۔(1)بیت اللہ شریف کی چھت(2)قبرستان(3)کوڑے کرکٹ کا ڈھیر(4)مذبح خانہ (5)حمام (6)اونٹوں کا باڑہ (7) راستہ۔‘‘
اس حدیث کی سند اگرچہ ضعیف ہے لیکن کچھ اور احادیث بھی ہیں جن میں ان مقامات کا ذکر ہے جن میں نمازپڑھنا ممنوع ہے ۔ اور ان میں اور حضرت جابر بن عبداللہ ؓ سے مروی ہےمیں کہ رسول اللہ ﷺ نے فرمایا:
وَجُعِلَتْ لِي الْأَرْضُ مَسْجِدًا وَطَهُورًا وَأَيُّمَا رَجُلٍ مِنْ أُمَّتِي أَدْرَكَتْهُ الصَّلَاةُ فَلْيُصَلِّ حَیْثُ أَدْرَکَتْہُ (صحیح بخاری:438 /صحیح مسلم:521)
’’ میرے لیے زمین کو پاک اور سجدہ گاہ بنادیا گیاہے ۔ آدمی کے لیے جہاں نماز کا وقت ہو جائے ، وہ وہاں نماز پڑھ لے۔‘‘

 

[شاکر]

جی انس بھائی نے بالکل درست کہا۔ اس سوال و جواب کی بنیاد تو ایک ضعیف حدیث پر رکھی گئی ہے۔ نیز اگر اس کی تائید میں دیگر احادیث موجود ہیں اور وہ صحیح یا حسن ہیں تو اصولاً تو انہیں استشہاداً پیش کیا جانا چاہئے تھا اور تائیداً اس ضعیف حدیث کو پیش کیا جاتا۔