سلام کی دین میں اہمیت :

[محمد عامر یونس]

السلام علیکم ورحمتہ اللہ وبرکاتہ

​

کیا اپنے گھرمیں سلام کہ کر داخل ہونے والے کے ضامن اللہ تعالیٰ ہیں ؟

آپ صلی اللہ علیہ وسلم نے فرمایا !

تین انسانوں کی حفاظت کرنا اللہ کے ذمہ ہے ،

١
- وہ انسان جو اللہ کے راستہ میں جہاد کے لئے نکلا ،اللہ اس کا ضامن ہے یہاں تک کہ اس کو فوت کرے گا ،
٢​

- وہ انسان جو مسجد (کی جانب ) گیا ، اللہ اس کا ضامن ہے اور

٣​

- وہ انسان جو اپنے گھر میں السلام و علیکم کہتا ہوا داخل ہوا ،اس کا بھی اللہ ضامن ہے .

صیح ابو داؤد #٢١٧٨

 

[محمد عامر یونس]

السلام علیکم ورحمتہ اللہ وبرکاتہ

​

رخصت ہوتے وقت بھی سلام کہیں

آپ صلی اللہ علیہ وسلم نے فرمایا !

جب تم میں سے کوئی شخص مجلس میں پہنچے تو السلام و علیکم کہے ،اگر وہاں بیٹھنا چاہے تو بیٹھ جائے ، پھر وہاں سے اٹھے تو ،، السلام و علیکم ،، کہے اس لئے کے پہلا سلام آخری سلام سے ز یادہ ضروری نہیں ہے .

صیح الترمذی #٢١٧٧ ..​

 

[محمد عامر یونس]

السلام علیکم ورحمتہ اللہ وبرکاتہ

​

مومنو جنت میں داخل ہونا چاہتے ہو تو آپس میں محبت کرو اس کا طریقہ کیا ہے ؟

رسول کریم صلی اللہ علیہ وسلم نے فرمایا !

تم جنت میں داخل نہیں ہو سکتے حتیٰ کہ ایمان لے آؤ ، اور تم ایمان (مکمل ) نہیں لا سکتے جب تک ایک دوسرے سے محبت نہ کرو ، کیا تمہیں وہ چیز نہ بتا دوں ،اگر تم اسے کرے تو آپس میں محبت کرنے لگو گے ؟
السلام (السلام و علیکم ) کو اپنے درمیان پھیلا دو .

صحیح مسلم : ٥٤/٩٣ دارالسلام : ١٩٤​

 

[محمد عامر یونس]

السلام علیکم ورحمتہ اللہ وبرکاتہ

​

سلام سے پہلے کلام شروع کرنے والے کو جواب نہ دیں

نبی اکرم صلی اللہ علیہ وسلم نے فرمایا :

"سوار پیدل چلنے والے کو سلام کہے اور چلنے والا بیٹھنے والے کواور کے تعداد والے بڑی جماعت کو سلام کریں"

صحیح بخاری و مسلم
​

مزید آپ صلی اللہ علیہ وسلم نے فرمایا:

" فرشتے اس مسلمان پر تعجب کرتے ہیں جو مسلمان کے پاس سے گزرتا ہے ،مگر اسے سلام نہیں کہتا"


اور آپ صلی اللہ علیہ وسلم نے ارشاد فرمایا :

"پہچاننے والے اور نہ پہچاننے والے سب کو سلام کہ"

صحیح بخاری و مسلم
​

ایک اور جگہ آپ صلی اللہ علیہ وسلم نے ارشاد فرمایا:

" جو دو مسلمان ملتے ہیں اور مصحافہ کرتے ہیں تو ان کے جدا ہونے سے پہلے انہیں معاف کر دیا جاتا ہے "

رواہ ابوداؤد، ابن ماجہ و ترمزی
​

مزید آپ صلی اللہ علیہ وسلم نے فرمایا :

جو شخص سلام سے پہلے کلام شروع کر دے ، اس کا جواب نہ دو ،جب تک کہ وہ سلام کے ساتھ ابتدا نہ کرے "

رواہ الطبرانی و ابونعیم و فی سندہ لین​

 

[محمد عامر یونس]

السلام علیکم ورحمتہ اللہ وبرکاتہ

​

غایبانہ سلام بھیجنے کا طریقہ کیا ھم غیر موجود احباب کو سلام بھیج سکتے ہیں ؟

عائشہ رضی اللہ عنہ سے روایت ہے کھ مجھ سے رسول صلی اللہ علیہ وسلم نے فرمایا :

یہ جبرئیل علیہ السلام ہیں جو تجھے سلام عرض کرتے ہیں ،، عائشہ رضی اللہ عنہ فرماتی ہیں ،، میں نے جواب میں کہا وعلیکم السلام ورحمتہ اللہ و برکاته ،،

صیح بخاری # ٦٢٥٣
​

ایک اور روایت میں سیدہ عائشہ کا جواب اس طرح ہے اے اللہ کے نبی آپ صلی اللہ علیہ وسلم پر اور جبرائیل پر سلام ، اللہ کی رحمت اور برکت ہو..

 

[محمد عامر یونس]

السلام علیکم ورحمتہ اللہ وبرکاتہ

​

باہم ملاقات کے وقت جو آداب دین اسلام نے بیان کیے ہیں ، دوسرے کسی مذہب میں ایسے سنہرے اور پیارے اصولوں کا تذکرہ نہیں ملتا۔

قرآن مجید اور احادیث صحیحہ میں ہے کہ جب مسلمان آپس میں ملاقات کریں تو آغاز سلام سے کریں، سلام کہنا اور جواب دینا لازمی و ضروری ہے ۔ جو مسلمان ہونے کے باوجود [[السلام علیکم ]] نہ کہے اور سلام سننے والا جواب میں [[و علیکم السلام]] نہ دے تو دونوں اللہ اور اس کے رسول ﷺ کے نافرمان ہیں۔

قرآن کریم میں ارشادِ ربانی ہے:


اور جب تمہیں سلام کیا جائے تو تم اس سے اچھا جواب دو یا انہی الفاظ کو لوٹا دو بلاشبہ اللہ تعالٰی ہرچیز کا حساب لینے والا ہے۔

(النساء:86)
​

اسی طرح رسول اکرم صلی اللہ علیہ وسلم نے فرمایا :

سلام کو عام کرو۔

(کتاب صحیح الجامع)
​

آج ہمارے معاشرے میں اول سلام کرنے کا رواج نہیں اگر کوئی سلام کردے تو اس کے جواب دینے کا طریقہ نہیں معلوم۔ شریعت میں جو ہمیں سلام کے جواب دینے کا طریقہ بتایا ہے جہ جب تمہیں کوئی سلام تو اسے جواب میں و علیکم السلام و رحمۃ اللہ کہو، اور اگر کوئی السلام علیکم ورحمۃ اللہ کہے تو جواباً و علیکم السلام ورحمۃ اللہ و برکاتہ کہو،

 

[محمد عامر یونس]

السلام علیکم ورحمتہ اللہ وبرکاتہ

​

حالت نماز میں سلام کا جواب اشارے سے دو ؟

رسول صلی اللہ علیہ وسلم حالت نماز میں تھے صہیب رضی اللہ عنہ آپ کو سلام کہا رسول صلی اللہ علیہ وسلم نے ہاتھ کے اشارے سے جواب دیا .

جامع ترمزی # ٣٤٩
​

ابن عمر رضی اللہ عنہ نے بلال رضی اللہ عنہ سے پوچھا کھ رسول اللہ صلی اللہ علیہ وسلم حالت نماز میں سلام کا جواب کس طرح دیا کرتے تھے ؟

تو انہوں نے بتایا کہ ہاتھ کے اشارے سے ........................

صیح ابو داؤد #١٨٢٠ حسن صیح .

=======​

 

[محمد عامر یونس]

السلام علیکم ورحمتہ اللہ وبرکاتہ

​

سر راہ ملاقات اور معمولی جدائی پر دوبارہ سلام کہنا چاہیے ؟

نبی کریم صلی اللہ علیہ وسلم نے فرمایا جب تم میں سے کوئی شخص اپنے بھائی سے ملاقات کرے تو اسے چاہیے کھ وہ سلام کہے اگر درمیان میں کوئی درخت ، دیوار یا پتھر آ جائے پھر اس سے ملاقات ہو تو اسے چاہیے کھ پھر سلام کہے .

{صیح ابی داؤد حدیث #٤٣٣٢ }​

 

[کنعان]

السلام علیکم

سلام سے پہلے کلام شروع کرنے والے کو جواب نہ دیں

آپ صلی اللہ علیہ وسلم نے ارشاد فرمایا :

"پہچاننے والے اور نہ پہچاننے والے سب کو سلام کہ"
صحیح بخاری و مسلم

ایک اور جگہ آپ صلی اللہ علیہ وسلم نے ارشاد فرمایا:

" جو دو مسلمان ملتے ہیں اور مصحافہ کرتے ہیں تو ان کے جدا ہونے سے پہلے انہیں معاف کر دیا جاتا ہے "
رواہ ابوداؤد، ابن ماجہ و ترمزی

مزید آپ صلی اللہ علیہ وسلم نے فرمایا :

جو شخص سلام سے پہلے کلام شروع کر دے ، اس کا جواب نہ دو ،جب تک کہ وہ سلام کے ساتھ ابتدا نہ کرے "
رواہ الطبرانی و ابونعیم و فی سندہ لین

بھیا آپ نے احادیث مبارکہ سے "سلام" پر 8 مراسلے پیش کئے ہیں جس پر کسی بھی مراسلہ کی ابتدا پر آپ نے سلام پیش نہیں کیا، کیا آپ نہیں سمجھتے کہ ان احادیث مبارکہ کا آپ پر کوئی اثر نہیں ہوا تو دوسرے اس سے کیا حاصل کریں گے؟ ایک بھید آپ کا بھی کھل ہی گیا۔

والسلام

 

[محمد عامر یونس]

السلام علیکم




بھیا آپ نے احادیث مبارکہ سے "سلام" پر 8 مراسلے پیش کئے ہیں جس پر کسی بھی مراسلہ کی ابتدا پر آپ نے سلام پیش نہیں کیا، کیا آپ نہیں سمجھتے کہ ان احادیث مبارکہ کا آپ پر کوئی اثر نہیں ہوا تو دوسرے اس سے کیا حاصل کریں گے؟ ایک بھید آپ کا بھی کھل ہی گیا۔

والسلام

وعلیکم السلام ورحمۃ اللہ وبرکاتہ

بھائی شکریہ آپ کا اصلاح کرنا کا حق بات کسی سے بھی ملے ھم اس کو قبول کر لیتے ہیں پھر تو آپ اپنے ہیں -

ہھائی میری آپ کو ایک نصیحت ہیں کہ آپ جس کی بھی اصلاح کریں اس میں تنذ کا پہلو نہ ہو۔

کیوں کہ پچھلی پوسٹ میں آپ نہ مجھے قرآن اور نماز کے مطالق جو نصیحت کی کیا اس میں تنذ کا پہلو نہ تھا ۔

کنعان نہ کہا ہے
اگر آپ نے قرآن مجید ترجمہ کے ساتھ نہیں پڑھا ہوا تو میں آپ کو قرآن سے ذکر اللہ پر آیات پیش کر دوں۔

کنعان نہ کہا ہے
بھائی آپ پانچ وقت کی نماز پڑھیں اور اس پر تھوڑا سا وقت نکال سکتے ہیں تو گھر میں ہی ذکر اللہ روزانہ کیا کریں اور پھر کچھ عرصہ بعد بتائیں کہ آپ کے اندر کیا تبدیلیاں رونما ہوتی ہیں آپ خود ہی جان جائیں گے اگر نہیں تو آپ کے شہر میں کہیں ایسا ہوتا ہو گا آپ وہاں شامل ہو سکتے ہیں آپ کچھ نہ کریں ایک کونے میں بیٹھ جائیں اور پھر دیکھیں خود ہی جان جائیں گے۔

کنعان نہ کہا ہے

بھیا میں نے آپکو پانچ وقت کی نماز پڑھنے کا لکھا تھا مگر آپ نے اپنے بارے میں اس پر جواب نہیں دیا اور پوری اھلحدیث جماعت پر لکھ دیا یہ تو کوئی جواب نہیں مخاطب آپ میرے ساتھ ہیں اور ون ٹو ون سے گروپس؟