سماع موتی پر دیوبندی حیاتی کا عقیدہ درکار ہے

[عامر عدنان]

السلام علیکم ورحمتہ اللہ وبرکاتہ

اہل علم سے گزارش ہے کہ مجھے اسکا جواب دیں کہ سماع موتی کے مسئلے پر دیوبندی حیاتی کا کیا عقیدہ بیان کیا گیا ہے انکی کتب میں

جزاک اللہ خیراً

 

[ابن قدامہ]

السلام علیکم ورحمتہ اللہ وبرکاتہ

اہل علم سے گزارش ہے کہ مجھے اسکا جواب دیں کہ سماع موتی کے مسئلے پر دیوبندی حیاتی کا کیا عقیدہ بیان کیا گیا ہے انکی کتب میں

جزاک اللہ خیراً

الجواب حامداً ومصليا
:::::::::::::::::::::::::::::::::::::::::::::::::::::::::
مذکورہ مسئلہ کے بارے میں ایسی بحث و تمحیص جس سے مسلمانوں میں انتشار وافتراق کی صورت پیش آئے ہر گز مناسب نہیں ، بلکہ اس مسئلہ کے بارے میں اجمالی عقیدہ ہی کافی ہے ،خصوصاًعوام کے ذہنوں کو ان مسائل کی تفصیلات میں الجھانابالکل بھی مناسب نہیں ، جب کہ عوام کو اسلام کے ضروری احکام ،فرائض وواجبات اور حلال وحرام تک کی خبرنہیں ۔اس ضروری تمہید کے بعدمذکورہ سوال کا جواب مندرجہ ذیل ہے:
سماعِ موتیٰ یعنی مردےمرنے کے بعد سنتے ہیں یا نہیں ؟یہ مسئلہ صحابہ کرام رضوان اللہ علیہم اجمعین کے زمانے سے مختلف فیہ ہے ،لیکن اکثر علمائے امت کا مسلک یہ ہے کہ سماعِ موتیٰ نہ بالکلیہ ثابت ہے اور نہ بالکلیہ اس کی نفی ہے بلکہ مردوں کا (قریب سے نہ کہ دور سے بھی )سننا فی الجملہ ثابت ہے،چنانچہ علامہ ابنِ کثیر نے اپنی تفسیر میں ،علامہ جلال الدین سیوطی نے شرح الصدور میں ،علامہ غزالی نے احیاءالعلوم میں اور امام شعرانی نے مختصر تذکرۃ القرطبی میں اسی کو ثابت کیا ہے،مفتیٔ اعظم پاکستان مفتی محمد شفیع صاحب رحمہ اللہ فرماتے ہیں کہ:
’’یہی حق ہے اور قابلِ قبول ہے،قرآن کریم کے الفاظ اور شانِ نزول سے اسی طرف اشارہ ہوتا ہے۔حضوراکرم ﷺاور صحابہ کرام رضوان اللہ علیہم اجمعین سے اس سلسلے میں جو مختلف روایات منقول ہیں اس قول سے سب کی تصدیق ہوجاتی ہےاور ہمارے مشائخ(علمائےدیوبند)کا یہی مسلک ہے۔‘‘
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
أحكام القرآن للتهانوي ( 1/ 163 إدارة القرآن ) :
اعلم أن مسئلة سماع الموتى وعدمه من المسائل التي وقع الخلاف فيها بين الصحابة رضي الله عنهم فهذا عبد الله بن عمر رضي الله عنهما يثبت السماع للموتى وهذه أم المؤمنين عائشة رضي الله عنها تنفيه وإلى كل مالت طائفة من علماء الصحابة والتابعين
واللہ اعلم بالصواب
لنک

2 (د) سماع موتی کا مسئلہ صحابہٴ کرام رضوان اللہ علیہم اجمعین کے دور سے مختلف فیہ ہے، جو حضرات سماع کے قائل ہیں ان کے نزدیک مردے سننے اور جواب دیتے نیز پہچانتے ہیں۔ حدیث میں ہے جو شخص بھی اپنے کسی جاننے والے (مسلمان) کی قبر پر گذرتا ہے اور اس کو سلام کرتا ہے وہ میت اس کو پہچان لیا ہے اور اس کو سلام کا جواب دیتا ہے۔ (بہشتی جوہر بحوالہ کنزالعمال)

 

[ابن قدامہ]

(۱)کیا مردے سنتے ہیں؟ یہاں پر ایک فرقہ کہتاہے کہ مردے سنتے ہیں مگر دوسرا فرقہ ہے جو مفتی عزیزالرحمن صاحب کا فتوی دارالعلوم دیوبند کا حوالہ دیتاہے کہ مفتی صاحب نے جگہ جگہ پر بتایا ہے کہ مردے نہیں سنتے۔ برائے کرم سائل کو دلیل کے ساتھ وضاحت فرماویں۔
May 11,2009
Answer: 12120

فتوی: 691=691/م


یہ مسئلہ شروع سے اہل حق کے ما بین مختلف فیہ چلا آرہا ہے، سماع موتی کے قائلین اور عدم قائلین ہردو حضرات کے پاس دلائل و توجیہات ہیں، فیصلہ کن بات تحریر کرنا دشوار ہے، بہتر یہ ہے کہ اس بحث و تحقیق میں نہ پڑیں کیونکہ اس سے کوئی عمل متعلق نہیں۔

واللہ تعالیٰ اعلم
دارالافتاء، دارالعلوم دیوبند

 

[عامر عدنان]

جزاک اللہ خیرا بھائی

 

[عامر عدنان]

بھائی ایک دیوبندی بھائی نے اپنا عقیدہ یوں بیان کیا کہ اللہ نے قرآن میں فرمایا کہ اللہ جسے چاہے سنا دیتا ہے اور جسے چاہے نہیں سناتا

اس آہت سے اس بھائی نے یہ استدلال کیا ہے کہ ہم مردوں کو پکارتے ہیں اب اللہ چاہے تو انھیں سنا دے اور نہ چاہے تو نہ سنائے


کیا ایسا عقیدہ درست ہے؟؟؟؟؟

 

[ابن قدامہ]

بھائی ایک دیوبندی بھائی نے اپنا عقیدہ یوں بیان کیا کہ اللہ نے قرآن میں فرمایا کہ اللہ جسے چاہے سنا دیتا ہے اور جسے چاہے نہیں سناتا

اس آہت سے اس بھائی نے یہ استدلال کیا ہے کہ ہم مردوں کو پکارتے ہیں اب اللہ چاہے تو انھیں سنا دے اور نہ چاہے تو نہ سنائے


کیا ایسا عقیدہ درست ہے؟؟؟؟؟

کیا مردے سنتے ہیں؟

الجواب بعون الوهاب بشرط صحة السؤال
وعلیکم السلام ورحمة اللہ وبرکاته الحمد لله، والصلاة والسلام علىٰ رسول الله، أما بعد!
مردہ بے جان کو کہتے ہیں، اور بے جان میں سننے کی صلاحیت نہیں ہے، قرآن مجیدمیں ہے إِنَّكَ لَا تُسْمِعُ الْمَوْتَىٰآ مردوں کو نہیں سنا سکتے ہیں حدیث میں جہاں سننے کا ثبوت ملتا ہے اس کا مطلب یہ ہے کہ جب اللہ تعالی چاہتا ہے ان کی روح کو سنا دیتا ہے

(اخبار اہلحدیث دہلی جلد نمبر ۹ شمارہ نمبر ۲۳ )


فتاوی علمائے حدیث
جلد 10 ص 49
محدث فتویٰ

 

[عامر عدنان]

جزاک اللہ خیرا

 

[علی معاویہ بھائی بھائی]

اکابرین علماء دیوبند اور جمھور احناف کا مسلک عدم سماع موتٰی ہی ہے
اکابرین علماء دیوبند کا مصدقہ فتوی کشف المغالطات در مسئلہ سماع اموات

 

[علی معاویہ بھائی بھائی]

یہ بات جو کہی اور لکھی جاتی ہے کہ صحابہ کرام کے دور سے یہ مسئلہ اختلافی چلا آرہا ہے ۔ یہ بات بلا دلیل ہے
اس پوسٹ پر کوئی صاحب بطور دلیل سند صحیح کے ساتھ اُن صحابہ کرام رضی اللہ عنھم کے نام اور عبارت نقل کر دے جو قبروں میں دفن مردوں کے سننے کے قائل ہوں؟

 

[عامر عدنان]

جزاک اللہ خیراً بھائی