صحابہ کرام رضوان اللہ اجمعین کے اختلافات محفوظ کرنے والوں کیلئے حکم؟

[نسیم احمد]

محترم علماء کرام ،
السلام علیکم

میرا سوال یہ ہے کہ جب صحابہ کرام رضوان اللہ اجمعین کے اختلافات کے بارے میں کھوج کرنا ان پر بات کرنا ہی منع ہے ۔
تو جنہوں نے ان اختلافات کو جزیات کے ساتھ بیان کیا اور جنہوں نے اس کو محفوظ کیا ، ان کے بارے میں کیا حکم ہے ؟

اگر متاخرین علماء اس بات پر متفق تھے کہ اس موضوع کو نہیں چھیڑنا چاہیے تو انہوں نے اس کو کیوں محفوظ کیا ،
کیوں ایک فتنہ کو ہمارے لیے چھوڑ دیا۔
امید ہے کہ اس سوال کا جواب مدلل دیا جائے گا۔
@خضر حیات
@اسحاق سلفی

 

[خضر حیات]

وعلیکم السلام ورحمۃ اللہ وبرکاتہ
صحابہ کرام انبیاء کے بعد بہترین لوگ ہیں، انہوں نے براہ راست قرآن وسنت پر عمل کرکے دکھایا، اس لیے ان کے حالات زندگی کو محفوظ کرنا ضروری تھا، اور اس میں دیگر جزئیات بھی محفوظ ہوگئیں، مستقل صحابہ کرام کی لڑائیوں کو کسی مصنف نے موضوع سخن نہیں بنایا۔
پھر خود اختلافات میں بھی صحابہ کرام نمونہ ہیں، لیکن اس میں کون سی چیز ذکر کرنی، کون سی نہیں کرنی، اس کو الگ کرنا ممکن نہیں تھا۔ اس لیے سب کچھ مدون ہوگیا۔ واللہ اعلم۔