صنم کدے بسائے جا

[محمد آصف مغل]

سجادہ نشیوں کے نام

خطیب خود فروش کی زباں میں دندنائے جا
خدا کے گھر میں تیغ بے نیام آزمائے جا​

نبی ﷺ کا نام بیچ کر خدا کا خوف ہار کر
کامِ پاک بھیروں کی لَے میں گنگنائے جائے​

نکال کوئی اُسترا زبانِ ذکر و وعظ سے
فریب خوردہ قوم کی حجامتیں بنائے جا​

​

حنائی ریش سے ''زلیخا زادیاں'' شکار کر
کلاہِ طرّہ دار سے کرامتیں دکھائے جا​

مرید حال مست سے فقیہہ حالِ مست تک
سبھی تیرے چراغ ہیں بجھائے جا جلائے جا​

حدیث زلف یار کیا، نوائے دل فگار کیا؟
لٹی پٹی کہانیاں عوام کو سنائے جا سنائے جا​

یہی ترا نصیب ہے یہی تیرا کمال ہے
جہاں جہاں سے مل سکے حرام مال کھائے جا​

مجاورانہ سلسلوں کے حجرہ ہائے شوق میں
قلندروں کی سر برہنہ ٹولیاں نچائے جا​

بڑی عجیب قوم ہے بڑی غریب قوم ہے
اُسی کی جیب کاٹ کر صنم کدے بسائے جا​

سمن بروں کے ساتھ ربطِ خاص کی اساس پر
لگائے جا، بجھائے جائے، بجھائے جا، لگائے جا​

ہر ایک ایت وار کو خود اپنے ہی مکان پر
پری رُخوں کی کاکلوں سے کاکلیں لڑائے جا​

​

شاعر: آغا شورش کاشمیری: 6 مئی 1963​

 

[نسرین فاطمہ]

نکال کوئی اُسترا زبانِ ذکر و وعظ سے
فریب خوردہ قوم کی حجامتیں بنائے جا

بہت خوب وضاحت

 

[محمد آصف مغل]

بہت بہت شکریہ

 

[محمد شاہد]

​

مجاورانہ سلسلوں کے حجرہ ہائے شوق میں​

قلندروں کی سر برہنہ ٹولیاں نچائے جا​

بڑی عجیب قوم ہے بڑی غریب قوم ہے​

اُسی کی جیب کاٹ کر صنم کدے بسائے جا​

بہت خوب وضاحت

 

[ساجد تاج]

بہت خوب