![محدث فورم [Mohaddis Forum]](/styles/default/xenforo/Forum.jpg)
- شمولیت
- فروری 14، 2011
- پیغامات
- 9,748
- ری ایکشن اسکور
- 26,379
- پوائنٹ
- 995
فلم ’ فتنہ‘
آصف جاوید
شدید جھنجھلاہٹ کا شکار مغرب ان دنوں اخلاقی گراوٹ،تہذیبی پسماندگی اور فکر ی افلاس کی انتہا کو پہنچ چکا ہے ۔ اہل اسلام کی اجتہادی بصیرت،فکری بیداری اور ناقابل شکست جذبۂ جہاد اہل مغرب کو پریشان کیے ہوئے ہے ۔ اسی طرح اسلام کا چار ُسو بڑھتا ہوا پھیلاؤ بھی مغربی مفکرین کو بے کل کیے جا رہا ہے ۔مغربی میڈیا کی طرف سے اسلامی شعار کا استہزائ،نبیٔ رحمتﷺ کے توہین آمیز خاکے اور اسلام مخالف فلم ان دانشوروں کی ذہنی بے چینی کا عملی اظہار ہے،جو وہ وقتاً فوقتاً کرتے رہتے ہیں۔اسلام مخالف فلم ’’فتنہ‘‘کی صورت میں حالیہ شرانگیزی اسی باطنی نفرت،بغض،کینہ اور تعصب کا عملی ثبوت ہے جو اسلام کے بڑھتے ہوئے بہاؤ کو روکنے کی غرض سے چلائی جارہی ہے ۔
فلم کے ابتدا میں نبیٔ رحمت التحیۃ والتسلیم کا وہ خاکہ دکھایا گیا ہے جو اس سے پہلے مختلف ممالک کے اخبارات میں شائع ہوچکا ہے اور یہی وہ خاکہ ہے جو انتہائی حد تک توہین آمیز ہے اور مسلمانوں کو سب سے بڑھ کر اشتعال دلانے کا سبب بنا ۔پھر آیت
تلاوت کی جاتی ہے اور ساتھ ساتھ نائن الیون کا حادثہ دکھایا جاتا ہے تاکہ ناظرین کو یہ تأثر دیا جا سکے کہ یہ حادثہ اسی قرانی آیت کا نتیجہ ہے جو مسلمانوں کو جہاد کی تیاری پر برانگیختہ کرتی ہے ۔
اس کے بعد سورۃ محمد ﷺکی آیت
اور جہاد سے متعلقہ دیگر قرآنی آیات پڑھی جاتی ہیں اور ساتھ ساتھ تشدد آمیز مناظر دکھائے جاتے ہیں۔ اس کے بعد فلسطینیوں کے ہاتھ میں پکڑے یہودی مخالف پوسٹرز،خود کش حملے،جلی کٹی لاشیں،برطانیہ میں رونما ہونے والا ۷؍۷ حادثہ ،امریکی جاسوس کا مجاہدین کے ہاتھوں ذبح ہونا،مرتد کا حکم بتاتے ہوئے ایک عالم کا خطاب اور مسلم علماء کی طرف سے جہاد پر ابھارنے والی تقاریر دکھائی گئی ہیں اور بطور خاص اس حدیث کو فوکس کیا گیا ہے
پندرہ منٹ کی فلم میں یہ مواد ہے جس سے اسلام کی انتہائی غلط تصویر کشی کی گئی ہے ۔
آئیے ہم دیکھتے ہیں كہ کیا اسلام کا واقعی یہی مزاج ہے کہ وہ معاشر ے میں تشدد کو فروغ دینا چاہتا ہے ؟دنیا کے امن کو تباہ کرکے بقا حاصل کرنا چاہتاہے ؟تلوار کے زور پر دنیا کو حلقۂ اسلام میں لانا چاہتا ہے ؟کیا اسلام جارحیت کا قائل ہے یا جارحیت کے مقابلے میں مزاحمت کا؟ اسلام کا نظریۂ جہاد دہشت گردی کو فروغ دینے کے لیے ہے یا دہشت گرد کا ہاتھ روکنے کے لیے ؟
تو سنیے!اسلام نے مسلمانوں کو جہاد(قتال)کی اس وقت اجازت دی جب ان پر جارحیت ہورہی تھی،ظلم وستم کے پہاڑ توڑے جارہے تھے ،ان کی جائیدادوں پر قبضہ کیا جا رہا تھا۔
ارشاد باری تعالیٰ ہے:
اس آیت میں صراحت ہے کہ جہا د اسلام میں ضابط اس وقت بنا جب مسلمانوں پہ تعلق باللہ کی وجہ سے ظلم وستم کیے گئے ،ان کو ان کے گھروں سے بے دخل کر دیا گیا تو اس مظلومانہ کیفیت میں ان کو اجازت ملی کہ اب وہ ظلم کے مقابلے میں مزاحمت کرسکتے ہیں،کیونکہ اب جارح اور دہشت گرد کا ہاتھ پکڑنا اور دہشت گردی کو روکنا ہے۔
چنانچہ آج کی صورت اس سے مختلف نہیں بلکہ پہلے سے بھی بد تر ہے ۔کیا آج مسلمانوں سے ان کے گھر نہیں چھین لیے گئے؟ان کے وسائل کو قبضے میں لینے کی کوشش نہیں ہورہی؟ ان کے بچوں کو نشانہ بازی کی مشق سمجھ کر ہدف نہیں بنایا جارہا؟ ان کی بہنوں ،بیٹیوں کے ساتھ اجتماعی زیادتی نہیں کی جارہی ؟ ان کے قیدیوں پر کتے نہیں چھوڑے جارہے؟ ان کے سامنے ان کی مقدس کتاب کی توہین نہیں ہورہی؟ کیا اس صورتحال میں اسلام مسلمانوں کو پھول نچھاور کرنے کا کہیں یاامن پسندی کے نام پر غلامی اختیار کرنے کی تلقین کرے ؟
تمام مظالم کے باوصف اسلام مسلمانوں سے کہتا ہے
دوسری جگہ فرمایا:
پھر تاریخ کی ورق گردانی کر کے دیکھئے کہ قرون وسطیٰ میں جب صلیبی بیت المقدس میں داخل ہوئے تو ۷۰ہزار مسلمانوں کو ذبح کیا اورصلیبی کمانڈر نے تفاخرانہ انداز میں پاپائے روم کو مژدہ سنایا کہ گھوڑوں کے پاؤں مسلمانوں کے خون میں ڈوبے ہوئے ہیں جبکہ اسی بیت المقدس کو فتح کرنے والے مجاہد صلاح الدین ایوبی نے اسلام کے درس عاطفت اور احسان کو سامنے رکھتے ہوئے عام معافی کا اعلان کردیا اور اپنے دشمنوں کو وہاں سے بحفاظت جانے کی اجازت دے دی۔
اس کے باوجود اسلام تشدد پسنداورمغرب امن پسند؟اور پھر آج بھی مغربی فوجیوں کے جھنڈوں پر صلیب بنی ہوتی ہے جو قربانی کی علامت ہے ۔
چنانچہ فتنہ باز فلمساز کو اس بات سے بہت دکھ پہنچا کہ اسلام {واعدوا لہم ما استطعتم من قوۃ}کہہ کر مسلمانوں کو جنگ کی تیاری کا کیوں کہتا ہے ؟جبکہ مغرب کے اسلحے کے ذخائر اسے دکھائی نہیں دیے؟ کیا یہ اسلحہ جنگ کی تیاری کے لیے نہیں تو محبت بڑھانے کے لیے ہے یایہ مسلمانوں کے بجائے کسی خلائی مخلوق کے خلاف ہے؟
قرآن کے یہ الفاظ {ترہبون بہ عدواللہ وعدوکم}ابلیس فطرت فلم ساز کے سینے میں کانٹا بن کے چبھے کہ قرآن دشمنوں کو دہشت زدہ کرنا چاہتا ہے، لیکن دوسری طرف روز بروز مغرب کی طرف سے کیے جانے والے ایٹمی ہتھیاروں کے تجربات نظروں سے اوجھل ہیں۔کیا یہ دشمن کو دہشت زدہ کرنے اور رعب ڈالنے کے لیے نہیں؟
اس میں تعجب کی کیا بات ہے کہ لڑائی میں یہی کچھ تو ہوتا ہے ۔آج کا مغرب تو شک کی بناء بستیوں اور شہروں پر میزائل گرادیتا ہے فوجی یا غیر فوجی کی کوئی تمیز نہیں کرتا ۔اس کے جنگی اصولوں میں بچے، بوڑھے اور عورتیں سب برابر ہیں۔یہ پھر بھی امن پسند جبکہ اسلام شرائط وضوابط اور حدود وقیود میں رہ کر لڑائی کرے وہ پھر بھی تشددپسند ہے؟
شرم تم کو مگر نہیں آتی
بہر صورت مذکورہ فلم اسی طویل منصوبہ بندی کا حصہ ہے جو ایک تحریک کی شکل میں اختیار کیے ہوئے ہے اور ہر قیمت پر اسلام کا راستہ روکنا چاہتی ہے۔ اسی لیے آج ضرورت اسی امرکی ہے کہ مسلمان متحد ہو کر اس نازک صورت حال کا ادراک کریں اور فتنے باز یہودیوں کی سازش کا مقابلہ کرتے ہوئے قرآن کریم کی ان آیات کو عملی جامہ پہنانے کی کوشش کریں جو ان کے لیے پریشانی کا باعث ہیں ۔(اللہ تعالیٰ ہمیں توفیق عطا فرمائے)
’رشد‘مارچ،اپریل2008
