قرآن پاک کی تفسیر کے بیان میں

[محمد زاہد بن فیض]

الرحمن الرحيم اسمان من الرحمة‏.‏ الرحيم والراحم بمعنى واحد كالعليم والعالم‏.‏

الفاظ الرحمن الرحیم (اللہ تعالیٰ کی) یہ دو صفتیں ہیں جو لفظ الرحمۃ سے نکلے ہیں۔ الرحیم اور الراحم دونوں کے ایک ہی معنیٰ ہیں، جیسے العلیم اور العالم جاننے والا دونوں کا ایک ہی معنیٰ ہے۔

صحیح بخاری
کتاب التفسیر

 

[Aamir]

تشریح : بعضوں نے کہا ہے رحمن میں مبالغہ ہے اور اسی لیے کہتے ہیں۔ رحمن الدنیا ورحیم الآخرۃ کیونکہ دنیا میں اس کی رحمت سب پر عام ہے اور آخرت میں خاص مومنوں پر ہوگی مگر صحیح روایت میں ہے۔ رحمن الدنیاوالآخرۃ ورحیمہما بعضوں نے کہا رحم میں مبالغہ ہے۔ حافظ نے کہا دونوں میں ایک ایک وجہ سے مبالغہ ہے۔ حضرت عبد اللہ بن مبارک رحمہ اللہ علیہ نے کہارحمن وہ ہے جو مانگے پر دے ، رحیم وہ ہے جس سے نہ مانگیں تو وہ نا خوش ہو۔ یہ اللہ کی بڑی بھا ری مہربانی ہے کہ وہ مانگے سے خوش ہوتا ہے اور نہ مانگنے سے ناراض۔ آیت شریفہ ادعونی استجب لکم احج افراد ن الذین یستکبرون عن عبادتی سید خلون جہنم داخرین ( مومن : 60 ) کا یہی مطلب ہے۔ اللہ تعالیٰ ہماری دعائیں قبول کرے اور ہمیں توفیق دے کہ ہم ہر وقت اس کے سامنے اپنے ہاتھ پھیلاتے ہی رہا کریں۔