قطع رحمی کا انجام

[عبد الرشید]

وعن جبير بن مطعم رضي الله عنه قال :قال رسول الله ﷺ :((لا يدخل الجنة قاطع ))يعني قاطع رحم .متفق عليه .
’’حضرت جبیر بن مطعم رضی اللہ عنہ سے روایت ہے کہ رسول اللہ ﷺ نے فرمایا’’جنت میں قطع رحمی کرنے والا داخل نہیں ہو گا۔‘‘ (بخاری ومسلم)
اس حدیث میں قطع رحمی کے انجام سے خبردار کیا گیا ہے کہ ایسا آدمی جنت میں داخل نہیں ہو گا۔قطع رحمی کبیرہ گناہ ہے اور جنت میں داخل نہ ہونے کا مفہوم یہ ہے کہ اس جرم کا مرتکب فی الفور جنت میں نہیں جائے گا بلکہ اپنے اس گناہ کی سزا کے بعد ہی جنت میں جائے گا۔
ہمارے معاشرے میں اس پر کوئی توجہ نہیں دیتا حالانکہ اس کی سزا کتنی بڑی ہے اور ہمیں پتہ تک نہیں ۔اللہ ہمیں اس سے بچنے کی توفیق دے ـآمین