• الحمدللہ محدث فورم کو نئےسافٹ ویئر زین فورو 2.1.7 پر کامیابی سے منتقل کر لیا گیا ہے۔ شکایات و مسائل درج کروانے کے لئے یہاں کلک کریں۔
  • آئیے! مجلس التحقیق الاسلامی کے زیر اہتمام جاری عظیم الشان دعوتی واصلاحی ویب سائٹس کے ساتھ ماہانہ تعاون کریں اور انٹر نیٹ کے میدان میں اسلام کے عالمگیر پیغام کو عام کرنے میں محدث ٹیم کے دست وبازو بنیں ۔تفصیلات جاننے کے لئے یہاں کلک کریں۔

كاش انساں كے دِل ميں غمِ انساں ہوتا

کلیم حیدر

ناظم خاص
رکن انتظامیہ
شمولیت
فروری 14، 2011
پیغامات
9,748
ری ایکشن اسکور
26,379
پوائنٹ
995
كاش انساں كے دِل ميں غمِ انساں ہوتا

ذکر تیرا مری تسکیں کا ساماں ہوتا
کاش یوں دردِ دلِ زار کا درماں ہوتا

میں کچھ اس طرح تری راہ میں قرباں ہوتا
جو مجھے دیکھتا انگشت بدنداں ہوتا

دیکھ کر شوقِ مدینہ میں تڑپتا میرا
کوئی خنداں، کوئی حیراں، کوئی گریاں ہوتا

اہلِ دولت جو ادا کرتے حقوقِ فقراء
فقرِ دولت سے نہ یوں دست و گریباں ہوتا

بوئے الفت سے ملک اُٹھتا چمن زارِ حیات
کاش انساں کے دل میں غمِ انساں ہوتا

یوں الجھتا نہ مسلماں سے مسلماں کوئی
گر مسلمان حقیقت میں مسلماں ہوتا

یہ فسادات کے طوفان نہ اُٹھتے ہرگز
تو اگر وقفِ رہِ سنت و قرآن ہوتا

ہوتی سو جان سے دنیا ترے قدموں پہ نثار
یوں نہ دنیا پہ اگر دل ترا قرباں ہوتا

آج بھی ہوتی جہاں بانی ترے قدموں میں
تو اگر طارقؒ و خالدؓ سا مسلماں ہوتا

یاد ہوتا تجھے اے دل، جو کہیں یومِ حساب
زندگی بھر نہ کبھی مائل عصیاں ہوتا

سامنے ہوتا اگر موت کا نقشہ عاجزؔ!
آدمی شوکتِ دنیا پہ نہ نازاں ہوتا،
 
Top