مستدرک حاکم؟

[عبدالخالق]

السلام علیکم۔
مستدرک حاکم جو اک کتب حدیث ہے،
میں جانا چاہتاہوں کہ اس لفظ مستدرک کے معنی کیا ہیں، اور اس کتاب میں کس قسم کے احادیث جمع کیےہیں امام حاکم ٌنے۔
جزاک اللہ ۔۔

 

[خضر حیات]

السلام علیکم۔
مستدرک حاکم جو اک کتب حدیث ہے،
میں جانا چاہتاہوں کہ اس لفظ مستدرک کے معنی کیا ہیں، اور اس کتاب میں کس قسم کے احادیث جمع کیےہیں امام حاکم ٌنے۔
جزاک اللہ ۔۔

و علیکم السلام ورحمۃ اللہ
’’ استدراک ‘‘ کے مختلف معانی ہیں ، یہاں عام فہم معنی یہ ہوسکتا ہے کہ ’’ کمی ، کوتاہی کا ازالہ کرنا ، نقص مکمل کرنا ‘‘ ۔
امام حاکم نے کتاب کا نام ’’ المستدرک علی الصحیحین ‘‘ اس وجہ سے رکھا ہے کیونکہ ان کے نزدیک بہت سی ایسی روایات تھیں جو امام بخاری و مسلم کو اپنی کتابوں میں ذکر کرنا چاہیے تھا ، لیکن انہوں نے ان کو ذکر نہیں کیا ۔
امام حاکم نے کتاب کے شروع میں اُس وقت کی صورت حال بیان کی ہے کہ آج بہت سارے لوگ یہ سمجھتے ہیں کہ صحیح احادیث وہی ہیں جو بخاری و مسلم نے اپنی کتابوں میں ذکر کردی ہیں ، ان کے علاوہ اور احادیث صحیح نہیں ہیں ، لہذا میں یہ کتاب تصنیف کر رہا ہوں اور اس میں ان احادیث کو ذکر کروں گا جو اگرچہ ’’ صحیحین ‘‘ میں نہیں ہیں لیکن صحیح ہیں ۔ تاکہ اس غلط فہمی کا ازالہ ہوسکے کہ ’’ صحیحین ‘‘ میں ذکر کردہ احادیث کے علاوہ سب ضعیف ہیں ۔
اس بنیاد پر انہوں اپنی کتاب کا نام ’’ المستدرک علی الصحیحین ‘‘ رکھا ہے ۔ یہ تو وضاحت تھی وجہ تسمیہ کی ۔
ایک اہم بات یہ ذہن میں رکھنی چاہیے کہ مستدرک حاکم میں بہت ساری ضعیف بلکہ موضوع روایات بھی موجود ہیں ، جس کی مختلف وجوہات ہیں ایک بنیادی وجہ جس کا ذکر حافظ ابن حجر رحمہ اللہ نے کیا ہے وہ یہ ہے کہ :
امام حاکم رحمہ اللہ کتاب کا مسودہ تیار کرچکے تھے ، لیکن نظر ثانی مکمل نہ ہوسکی اور وفات پاگئے ۔
لہذا مستدرک کی روایات کی تحقیق کرنا اور دیگر اہل علم کا ان پر کی گئی تنقید کو مدنظر رکھنا ضروری ہے ۔ جیساکہ حافظ ذہبی نے اس پر کام کیا ہے اور بہت ساری روایات جن کو امام حاکم نے صحیح سمجھا ہے حافظ ذہبی ان کا ضعیف اور من گھڑت ہونا واضح کیا ہے ۔ حافظ ذہبی کی کتاب ’’ تلخیص المستدرک ‘‘ کے نام سے معروف ہے ۔
لیکن حافظ ذہبی نے بھی مکمل احادیث پر کام نہیں کیا بلکہ کئی احادیث رہ گئی ہیں ۔ لہذا ان احادیث کےسلسلے میں دیگر علماء سے رہنمائی لینا ضروری ہے ۔ عصر حاضر اور ماضی قریب میں کئی ایک کتابیں اس سلسلے میں منظر عام پر آ بھی چکی ہیں ۔ واللہ اعلم ۔

 

[عبدالخالق]

جزاک اللہ خیرا۔

 

[محمد فیض الابرار]

بلکہ ایسی احادیث بھی ہیں جن میں صرف صحیح احادیث کی شروط کا مکمل ہونا ہی کافی سمجھا گیا
اور کچھ احادیث تو ایسی بھی ہیں جن کے بارے میں خود امام حاکم بھی ان کی تصحیح کے حوالے سے متذبذب تھے جیسا کہ کتاب البیوع کی کچھ احادیث ہیں
بلکہ مجھے اپنے ایک مذکرے کی تفصیلات جو یاد اآ رہی ہیں وہ صرف یاد داشت کے سہارے لکھ رہا ہوں

1. ایسی احادیث جن کے بارے میں خود حاکم نے کہا ہو کہ ھذا علی شرط الشیخین ولم یخرجا تو وہ اپنی بات میں صحیح ہوں گے
2. اسی طرح وہ احادیچ جن کے بارے میں لکھا ہو کہ یہ بخاری رحمہ اللہ کی شرط کے مطابق ہیں تو یہ بھی صحیح ہوں گی
3. ایسی احادیث جن کے بارے میں لکھا گیا ہو کہ یہ مسلم رحمہ اللہ کی شرط کے مطابق ہوں تو وہ بھی صحیح ہیں
4. ایسی احادیث جن کے بارے میں لکھا گیا ہو کہ یہ شیخین کی شرط کے مطابق ہے لیکن انہوں نے روایت نہیں کی اور یہ حدیث بطور شواہد بیان کی گئی ہے
5. اسی طرح بخاری رحمہ اللہ کی شرط کے مطابق لیکن شواہد کے باب میں بیان کی گئی ہے
6. اسی طرح مسلم رحمہ اللہ کی شرط کے مطابق لیکن شواہد کے باب میں بیان کی گئی ہے
7. ایسی احادیث جو کہ شیخین کی شرط کے مطابق ہیں لیکن اس میں سند کے حوالے کوئی اشارہ نہ پایا جائے جیسا کہ سابقہ دو نکات میں ہے
8. ایسی احادیث جو کہ بخاری کی شرط کے مطابق لیکن کوئی اشارہ نہ پایا جائے
9. ایسی احادیث جو مسلم کی شرط کے مطابق ہوں لیکن کوئی اشارہ نہ پایا جائے
10. ایسی احادیث جو ان شیخین میں سے کسی کی شرط کے مطابق نہیں اور ان کے بارے میں حاکم نے لکھا ہو کہ صحیح الاسناد
11. ایسی احادیث جو بخاری پر استدراک ہیں
12. ایسی احادیث جو مسلم پر استدراک ہیں
13. ایسی احادیث جو حسن ہوں اور حسن صحیح کی قسم میں گردانی گئی ہو جیسا کہ کچھ محدثین ابن خزیمہ ، ابن حبان حسن کو صحیح کی قسم سمجھتے ہیں
14. ایسی احادیث جس پر خود انہوں نے ضعف کا شک ظاہر کیا ہو
15. ایسی احادیث جو شدید ضعیف ہیں
16. ایسی احادیث جو موضوع ہیں تقریبا 100 احادیث جنہیں امام ذہبی نے مستقل ایک کتاب میں جمع کیا ہے
17. امام ذہبی کا تو یہ کہنا کہ صرف ایک تہائی احادیث کے بارے میں یہ کہا جا سکتا ہے کہ وہ صحیحین کی شرط یا ان پر استدراک ہیں
18. مستدرک حاکم پر جو کتب لکھی گئی ہیں ان میں سے مشہور درج ذیل ہیں: تلخیص مستدرک حافظ الذہبیئ، النکت اللطائف فی بیان الاحادیث الضعاف المخرجہ فی مستدرک الحافظ النیسابوری ۔۔ ابن الملقلن، المستخرج علی المستدرک ۔۔ حاٍفظ عراقی، اتحاف المہرہ ابن حجر کے کچھ ابواب، تلخیص المستدرک ابن العجمی، توضیح المدرک فی تصحیح المستدرک ۔۔سیوطی، بغیۃ الحازم۔۔ البانی، رجال الحاکم فی المستدرک ۔۔ مقبل بن ھادی الوداعی رحمہم اللہ جمیعا

 

[siddique]

السلام علیکم۔
مستدرک حاکم جو اک کتب حدیث ہے،
میں جانا چاہتاہوں کہ اس لفظ مستدرک کے معنی کیا ہیں، اور اس کتاب میں کس قسم کے احادیث جمع کیےہیں امام حاکم ٌنے۔
جزاک اللہ ۔۔

السلام علیکم
مستدرک حاکم پر تفصیلی بحث محدث خبیب احمد اثری نے کی ہے۔اردو زبان میں اس کتاب پر اتنی تفصیل آج تک نہیں آئی۔یہ رہا کتاب کا لنک
http://kitabosunnat.com/kutub-library/maqalat-e-as-aria.html

 

[ابوبکر میر]

السلام علیکم
مستدرک حاکم پر تفصیلی بحث محدث خبیب احمد اثری نے کی ہے۔اردو زبان میں اس کتاب پر اتنی تفصیل آج تک نہیں آئی۔یہ رہا کتاب کا لنک
http://kitabosunnat.com/kutub-library/maqalat-e-as-aria.html

السلام و علیکم و رحمتہ اللہ
بھائی یہ لنک شاید غلط ھے اس لنک میں اس نام کی کوئی کتاب نہیں ھے

 

[عمر اثری]

السلام و علیکم و رحمتہ اللہ

وعلیکم السلام ورحمۃ اللہ وبرکاتہ

بھائی یہ لنک شاید غلط ھے اس لنک میں اس نام کی کوئی کتاب نہیں ھے

لیجۓ اس لنک سے ڈاؤنلوڈ کر لیں یہ لنک درست ھے:
مقالات اثریہ

 

[محمد نعیم یونس]

السلام و علیکم و رحمتہ اللہ
بھائی یہ لنک شاید غلط ھے اس لنک میں اس نام کی کوئی کتاب نہیں ھے

وعلیکم السلام ورحمۃ اللہ وبرکاتہ!
محترم ابوبکر میر بھائی اور فورم کے دیگر محترم اراکین!
کتاب و سنت ڈاٹ کام کا اگر کوئی لنک اس طرح کا ملے کہ اُس کے آخر میں "ڈاٹ ایچ ٹی ایم ایل" لکھا ہو، مثلا۔۔
http://kitabosunnat.com/kutub-library/maqalat-e-as-aria.html
تو اس لنک سے مذکورہ الفاظ ہٹا دیا کریں تو لنک اس طرح بن جائے گا۔۔

http://kitabosunnat.com/kutub-library/maqalat-e-as-aria
اور آپ ان شاء اللہ درست صفحہ پر پہنچ جائیں گے۔

 

[ابن داود]

السلام علیکم ورحمۃ اللہ وبرکاتہ!
@محمد نعیم یونس میاں! ہمیں اتنی دیر خواہ مخواہ پریشانی میں رکھا!

 

[محمد عثمان بن خاور]

و علیکم السلام ورحمۃ اللہ
’’ استدراک ‘‘ کے مختلف معانی ہیں ، یہاں عام فہم معنی یہ ہوسکتا ہے کہ ’’ کمی ، کوتاہی کا ازالہ کرنا ، نقص مکمل کرنا ‘‘ ۔
امام حاکم نے کتاب کا نام ’’ المستدرک علی الصحیحین ‘‘ اس وجہ سے رکھا ہے کیونکہ ان کے نزدیک بہت سی ایسی روایات تھیں جو امام بخاری و مسلم کو اپنی کتابوں میں ذکر کرنا چاہیے تھا ، لیکن انہوں نے ان کو ذکر نہیں کیا ۔
امام حاکم نے کتاب کے شروع میں اُس وقت کی صورت حال بیان کی ہے کہ آج بہت سارے لوگ یہ سمجھتے ہیں کہ صحیح احادیث وہی ہیں جو بخاری و مسلم نے اپنی کتابوں میں ذکر کردی ہیں ، ان کے علاوہ اور احادیث صحیح نہیں ہیں ، لہذا میں یہ کتاب تصنیف کر رہا ہوں اور اس میں ان احادیث کو ذکر کروں گا جو اگرچہ ’’ صحیحین ‘‘ میں نہیں ہیں لیکن صحیح ہیں ۔ تاکہ اس غلط فہمی کا ازالہ ہوسکے کہ ’’ صحیحین ‘‘ میں ذکر کردہ احادیث کے علاوہ سب ضعیف ہیں ۔
اس بنیاد پر انہوں اپنی کتاب کا نام ’’ المستدرک علی الصحیحین ‘‘ رکھا ہے ۔ یہ تو وضاحت تھی وجہ تسمیہ کی ۔
ایک اہم بات یہ ذہن میں رکھنی چاہیے کہ مستدرک حاکم میں بہت ساری ضعیف بلکہ موضوع روایات بھی موجود ہیں ، جس کی مختلف وجوہات ہیں ایک بنیادی وجہ جس کا ذکر حافظ ابن حجر رحمہ اللہ نے کیا ہے وہ یہ ہے کہ :
امام حاکم رحمہ اللہ کتاب کا مسودہ تیار کرچکے تھے ، لیکن نظر ثانی مکمل نہ ہوسکی اور وفات پاگئے ۔
لہذا مستدرک کی روایات کی تحقیق کرنا اور دیگر اہل علم کا ان پر کی گئی تنقید کو مدنظر رکھنا ضروری ہے ۔ جیساکہ حافظ ذہبی نے اس پر کام کیا ہے اور بہت ساری روایات جن کو امام حاکم نے صحیح سمجھا ہے حافظ ذہبی ان کا ضعیف اور من گھڑت ہونا واضح کیا ہے ۔ حافظ ذہبی کی کتاب ’’ تلخیص المستدرک ‘‘ کے نام سے معروف ہے ۔
لیکن حافظ ذہبی نے بھی مکمل احادیث پر کام نہیں کیا بلکہ کئی احادیث رہ گئی ہیں ۔ لہذا ان احادیث کےسلسلے میں دیگر علماء سے رہنمائی لینا ضروری ہے ۔ عصر حاضر اور ماضی قریب میں کئی ایک کتابیں اس سلسلے میں منظر عام پر آ بھی چکی ہیں ۔ واللہ اعلم ۔

کیا مستدرک حاکم مکمل تحکیم کے ساتھ اردو ترجمہ کے ساتھ موجود ہے؟