معروف زمانہ متنازعہ فلم ”دی میسج“ عید پر سعودی سینما گھروں میں

[رامش راقم]

معروف زمانہ متنازعہ فلم ’دی میسج‘ جس پر سعودی عرب کے اتحادی کویت سمیت متعدد اسلامی ممالک نے پابندی عائد کر رکھی ہے، اسے اسلامی بادشاہت میں ریلیز کرنے کی اجازت دے دی گئی۔
مصطفیٰ عکاد کی ہدایت کاری میں بننے والی فلم ’دی میسج‘ کو سعودی عرب میں رواں ماہ 14 جون کو عیدالفطر کے موقع پر ریلیز کیا جائے گا۔
نشریاتی ادارے ’دی نیشنل‘ نے اپنی رپورٹ میں بتایا کہ سعودی عرب کے سینسر بورڈ ’جنرل کمیشن فار آڈیو وژوئل میڈیا‘ (جی سی اے ایم) نے فلم کو ملک میں ریلیز کرنے کی اجازت دے دی۔
حیران کن بات یہ ہے کہ سعودی عرب ماضی میں اسی فلم پر پابندی عائد کر چکا ہے، ساتھ ہی اس فلم پر کویت سمیت متعدد اسلامی ممالک نے تاحال پابندی عائد کر رکھی ہے۔
’دی میسج‘ کو سعودی عرب کے 5 سینما گھروں میں نمائش کے لیے پیش کیا جائے گا، جن میں سے ریاض کا ووکس سینما بھی شامل ہے۔
فلم کو 4 کے ویڈیو میں ریلیز کیا جائے گا، امکان ہے کہ فلم دیگر فلموں کے مقابلے میں اچھی کمائی کرے گی۔
خیال رہے کہ اس فلم کو 1976 میں بنایا گیا تھا، اس فلم میں ظہور اسلام کے وقت کی عکاسی کی گئی۔
فلم میں آخری نبی حضرت محمد مصطفیٰ ﷺ کے احکامات اور ان کی جانب سے بتائے گئے طرز زندگی کو دکھایا گیا ہے۔
فلم میں اگرچہ حضرت محمد مصطفیٰ ﷺ کا کردار ادا کرنے والے کو بھی نہیں دکھایا گیا، تاہم ان کے دیگر ساتھیوں اور صحابہ اکرام کو فلم میں دکھایا گیا ہے۔

 

[عمر اثری]

خبر مصدقہ ہے؟

 

[رامش راقم]

خبر مصدقہ ہے؟

جی، بلکل۔

 

[اسحاق سلفی]

خبر مصدقہ ہے؟

سينما السعودية تعرض فيلم "الرسالة" لأول مرة منذ تصويره

قالت صحيفة "ديالاين" الهوليوودية إن دور العرض التابعة لـ"فوكس سينما" في الرياض ستعرض، خلال عطلة عيد الفطر، للمرة الأولى، فيلم "الرسالة" الذي أثار ضجة كبيرة بعدما أطلقه مخرجه الراحل مصطفى العقاد، عام 1976.

ووفقاً لما نقلت صحيفة "عكاظ" السعودية، الثلاثاء، أوضحت ديالاين أن الفيلم سمح به في السعودية، الأسبوع الماضي.

 

[مظاہر امیر]

اسی طرح کی ایک ٹی وی سیریر "عمر" کے نام سے قطر ٹی وی سے دکھائی جاچکی ہے ، جس میں 6 قبل رسالت سے لے کر سیدنا عمر کی شہادت تک کے تمام واقعات اور تاریخ کو کو فلم بند کیا گیا ہے ۔ اس فلم میں حضور ﷺ کے علاوہ تمام اصحاب کو دکھایا گیا ہے۔

 

[اسحاق سلفی]

اہل عرب نے کچھ عرصہ سے الٹی چال اپنالی ہے
اب دیکھیں یہ سفر کس منزل تک پہنچاتا ہے ،

 

[رامش راقم]

اہل عرب نے کچھ عرصہ سے الٹی چال اپنالی ہے
اب دیکھیں یہ سفر کس منزل تک پہنچاتا ہے ،

ویسے محترم شیخ انبیاء اور صحابہ پر تو فلمیں اور ڈرامے بننا ناجائز ہے لیکن آئمہ کرام پر فلمیں اور ڈرامے بنانے کے بارے میں کیا احکام ہیں؟ کیونکہ کچھ ہی عرصہ قبل کویت نے امام احمد بن حنبل رحمہ اللہ کی زندگی پر ٹی وی سیریز بنائی ہے اور اس سے کافی عرصہ قبل امام ابن تیمیہ رحمہ اللہ پر بھی ٹی وی سیریز بنائی جاچکی ہے۔