- شمولیت
- فروری 21، 2012
- پیغامات
- 1,281
- ری ایکشن اسکور
- 3,232
- پوائنٹ
- 396
نحن انصار اللہ
سنو تم سب سے بہتر ہو
ایک خوبصورت آواز گونجی ؛۔۔۔۔۔۔۔۔۔۔۔۔
میں نے پلٹ کہ دیکھا۔۔۔۔۔۔۔۔۔۔۔۔۔۔۔۔میری روح سرشار ہوگئی
احساس تفاخر سے میرا سر بلند ہوگیا ۔۔۔۔۔۔
اتنی عظیم ہستی نے مجھے ان الفاظ سے پکارا
میرا انگ انگ جھوم اٹھا ۔۔۔۔۔۔۔۔۔ میں نے مجسم سوال بن کہ اسے دیکھا کہ وہ مجھ سے کیا چاہتا ہے ؟؟؟
میں کن سے بہتر ہوں ؟؟
کیوں ؟ ۔ ۔ کس لئے ؟ ؟
میری نگاہوں میں بے شمار سوال امنڈ آئے ،میں نے ہچکچا تے ہوئے اس کی جانب ایک قدم بڑھایا ۔اس سراپا محبت کی قربت نے میرے دل کو وہ تڑپ عطا کی جس سے میں بھی ناآشنا تھی وہ ہستی بہت محبت سے کہنے لگی اگر تم لبیک کہو اس آواز پر تو تم سب انسانوں سے بہتر ہو " کونو انصاراللہ "
مجھے اپنی سماعت پر یقین نہ آیا ۔۔۔۔۔۔۔۔۔ کیا میں مالک کائنات کی مددگار بن سکتی ہوں ۔۔۔۔۔۔۔۔؟
نہیں نہیں ،،،،،،،، یہ کیسے ہوسکتا ہے ۔۔۔۔۔۔۔۔ مجھ جیسی ناچیز ہستی کی قادر مطلق کو کیوں ضرورت ہے ۔۔۔۔۔۔۔؟
لیکن یہ عظیم ہستی اس قادر مطلق کی طرف سے ہی تو یہ پیغام پہنچارہی ہے ؛؛؛
سچ بالکل سچ مجھے اس آواز پر لبیک کہنا چاہیئے ، ایک سکوں آمیز ٹھنڈک میرے اندر اتر گئی مجھے بے اختیار اپنی اہمیت کا احساس ہوا بے پایاں شکر کے احساس سے میرا دل بوجھل ہوگیا ۔۔۔۔ اور میرا انگ انگ چیخ اٹھا ۔۔۔۔۔۔۔۔،
ہم سعادت کے بخشے جانے پر بے حد خوش ہیں ،اے خدا تو گواہ رہنا ۔۔۔۔۔۔ " نحن انصاراللہ "
میں نے اپنے ارد گرد نظر دوڑائی اتنے بے تحاشہ لوگوں نے اس پکار کو سن کر لبیک کہا تھا ۔
اللہ تیری شان تیری قدرت ۔ تونے مجھے ان سب میں سے منتخب کیا کہ میں تیری پکار کا جواب دوں تونے مجھے اس بات کی توفیق دی ،میں بے اختیاراس کے حضور سجدہ ریز ہو گئی ،
اے زمانے ہمیں پہچان کہ بیدار ہیں ہم
کفر کے واسطے اللہ کی تلوار ہیں ہم