نصرانى عورت سے شادى كى اور بچہ پيدا ہوا تو بيوى اسے چرچ ميں بپتسمہ كرانا چاہتى ہے

[کلیم حیدر]

نصرانى عورت سے شادى كى اور بچہ پيدا ہوا تو بيوى اسے چرچ ميں بپتسمہ كرانا چاہتى ہے

ميں سنى مسلمان ہوں اور لبنان ميں ايك عيسائى عورت سے شادى كر ركھى ہے جو اپنے ملك ميں رہتى ہے، اللہ تعالى نے ہميں ايك بيٹا عطا فرمايا ہے جو اپنى ماں كے ساتھ رہتا ہے اس كى عمرہ دو ماہ ہے، بيوى نے مجھ سے مطالبہ كيا ہے كہ ہمارا بيٹا عيسائى ہو اور وہ اسے چرچ ميں لےجا كر بپتسمہ كرانا چاہتى ہے، مجھے بتائيں كہ ميں كيا كروں، اور اسے كيا جواب دوں ؟

ڈاؤنلوڈ پی ڈی ایف
ڈاؤنلوڈ یونیکوڈ

 

[خضر حیات]

حاضر العالم الإسلامی کے استاد محترم دکتور عبد الرزاق بن حبیب الحمامی حفظہ اللہ نے دوران سبق ایک واقعہ بتایاتھا جو اس کے برعکس ہے ۔
ایک عیسائی عورت اپنے چھوٹے بیٹے (عمر غالبا دس سال ) کو لے کر کسی مسلمان عالم کے پاس گئی اور اس کہنے لگی کہ اس کو کلمہ پڑھادو میں اسے مسلمان کرناچاہتی ہوں ۔
عالم دین نے کہا کہ ملک ( جس میں وہ رہتے تھے ) کے قوانین کچھ ایسے ہیں کہ میں ایسا نہیں کر سکتا ۔ بحث و تکرار شروع ہوا تو عورت سے دریافت کیا گیا کہ آپ اپنے بیٹے کو مسلمان کیوں بنانا چاہتی ہیں ؟
تو اس نے دو باتیں بتائیں ۔
١۔ غیر مسلم ( عیسائی وغیرہ ) کے جب ماں باپ بوڑھے ہوتے ہیں تو وہ ان کی دیکھ بھال نہیں کرتے بلکہ ان کو گھر سے باہر ( اولڈ ہاوس وغیرہ میں ) چھوڑ آتے ہیں جب کہ مسلمان اپنے بوڑھے والدین کی خدمت کرنا اپنا فرض سمجھتا ہے ۔
٢۔ ہمارے ساتھ ایک مغربی (موریطانیہ وغیرہ) خاندان رہتا جوکہ مسلمان ہیں میرا بچہ ان کے بچوں کے ساتھ کھیلتا ہے جب وہ مجھ سے ملتے ہیں تو میرا بہت احترام کرتے ہیں اور ان کی عادات و اطوار بہت اچھے ہیں میں چاہتی ہوں کہ میرا بچہ بھی ایسا ہی بن جائے ۔

 

[کنعان]

السلام علیکم

اس پر بہت سی معلومات فراہم کر سکتا ہوں مگر پہلے اس دھاگہ کو چلنے دیتے ہیں تاکہ دھاگہ کا اصل مقصد حاصل ہو سکے۔

والسلام

 

[جمشید]

اس پر توہم صرف اتناہی کہہ سکتے ہیں کہ

اس طرح توہوتاہے اس طرح کے کاموں میں​

اولاتونصرانی خواتین سے شادی کرناصرف جواز کی حد تک ہے ۔
پھراگردل کے ہاتھوں مجبور ہوکر شادی کرہی لی تواپنی بیوی کو اسلام سے قریب کرناچاہئے تھا۔یہ ایک عام المیہ ہے کہ لوگ یوروپ اورامریکہ اوراسی طرح دوسرے ممالک میں عیسائیوں سے شادی کرلیتے ہیں اوربیوی کو اسلام سے قریب کرنے کی جانب دھیان نہیں دیتے۔ جب بچہ ہوتاہے توپھر کشاکش اورکشمکش شروع ہوجاتی ہے۔

ایماں مجھے روکےہے توکھینچے ہے مجھے کفر
کعبہ مرے پیچھے ہے کلیسامرے آگے​

اس میں میاں بیوی دونوں کے اندردین کا حقیقی درد نہیں ہوتا۔شوہرمسلم ہے توسوچتاہے کہ اگراس کا بچہ عیسائی بن گیاتو وہ اپنے خاندان اورواقف کاروں کو کیسے منہ دکھائے گا۔ بیوی بھی یہی بات سوچتی ہے۔ اس کاآسان ساحل یہ ہے بیوی کو ہی شادی کے بعد اسلام سے قریب کیاجائے۔
جوصورت حال پیداہوگئی ہے۔ اس کاآسان ساحل تویہ ہے کہ اس کو حکمت سے ٹالنے کی کوشش کی جائے اورکہہ دیاجائے کہ
ہم اسلام کے تعلق سے اورتم عیسائیت کے تعلق سے بچہ کو بتائو
بچہ جس کو پسند کرے اسی کے مطابق اس کو مذہبی تعلیم دی جائے۔
یہ اس حدیث سے مستفاد ہے کہ
کل مولود یولد علی الفطرہ
بعض نکتہ شناس محدثین وشارحین نے فطرت سے مراد اسلام کوبھی لیاہے۔ویسے بھی اسلام کی صاف سیدھی اوربے غل وغش تعلیمات عیسائیت سے زیادہ انسانی ذہن کو اپیل کرتی ہیں۔ والسلام