نہیں اچھی

[شادباش عالم]

جب میں نے کہا امی سے میں لڑکا ہوں اچھا
امی نے کہا اپنی بڑائی نہیں اچھی
پٹ پٹ کے لڑائی میں جب آیا ہوں میں گھر پر
ابو نے کہا بیٹا! لڑائی نہیں اچھی
باجی نے کہا کھانے پہ کنٹرول کرو تم
ہر وقت کچن پر یہ چڑھائی نہیں اچھی
چھوٹو نے کہا قورمہ بازار سے لادو
گھر میں جو بنی ہے وہ کڑھائی نہیں اچھی
بہنا نے کہا سیکھنی مجھ کو ہے سلائی
لگتی ہے مجھے اپنی کڑھائی نہیں اچھی
جب علمی ذخیرہ مجھے گھر میں ہے میسر
اسکول میں پھر لگتی پڑھائی نہیں اچھی