٭٭٭٭ مہمانی ٭٭٭٭

[محمد عامر یونس]

٭٭٭٭ مہمانی ٭٭٭٭​

سیدنا ابوہریرہ رضی اللہ عنہ نے بیان کیا کہ ایک آدمی رسول اللہ صلی اللہ علیہ وسلم کے پاس آیا اور کہا کہ مجھے (کھانے پینے کی) بڑی تکلیف ہے۔ آپ صلی اللہ علیہ وسلم نے اپنی کسی زوجہ مطہرہ کے پاس کہلا بھیجا تو وہ بولیں کہ قسم اس کی جس نے آپ صلی اللہ علیہ وسلم کو سچائی کے ساتھ بھیجا ہے ، میرے پاس تو پانی کے سوا کچھ نہیں ہے ۔ پھر آپ صلی اللہ علیہ وسلم نے دوسری زوجہ کے پاس بھیجا تو انہوں نے بھی ایسا ہی کہا، یہاں تک کہ سب ازواج مطہرات سے یہی جواب آیا کہ ہمارے پاس پانی کے سوا کچھ نہیں ہے ۔ آپ صلی اللہ علیہ وسلم نے فرمایا:
’’ آج کی رات کون اس کی مہمانی کرتا ہے؟ اللہ تعالیٰ اس پر رحم کرے۔‘‘
تب ایک انصاری اٹھا اور کہنے لگا کہ یارسول اللہ (صلی اللہ علیہ وسلم)! میں کرتا ہوں ۔ پھر وہ اس کو اپنے ٹھکانے پر لے گیا اور اپنی بیوی سے کہا کہ تیرے پاس کچھ ہے؟ وہ بولی کہ کچھ نہیں البتہ میرے بچوں کا کھانا ہے ۔ انصاری نے کہا کہ بچوں سے کچھ بہانہ کر دے اور جب ہمارا مہمان اندر آئے تو چراغ بجھا دینا اور اس پر یہ ظاہر کرنا کہ ہم بھی کھا رہے ہیں، جب وہ کھانے سے فارغ ہو جائے تو اٹھ کر چراغ جلا دینا ۔ (راوی) نے بیان کیا کہ وہ بیٹھے اور مہمان کھاتا رہا ، جب صبح ہوئی تو وہ انصاری رسول اللہ صلی اللہ علیہ وسلم کی خدمت میں حاضر ہوا تو آپ صلی اللہ علیہ وسلم نے ان سے فرمایا:
’’اللہ تعالی اس سے خوش ہوا جو تم نے رات کو اپنے مہمان کے ساتھ کیا۔ ‘‘

-------------------------

صحیح مسلم ، كتاب الأشربة : 2054 (5100)​