پیٹھ پیچھے کسی کے بارے میں اچھے الفاظ کہنا

[محمد ارسلان]

السلام علیکم
کسی کی پیٹھ پیچھے برائی کرنا تو غیبت ہے جو کبیرہ گناہ ہے،لیکن اگر کسی کے بارے میں پیٹھ پیچھے اچھے الفاظ کہے جائیں تو کیا ثواب ملتا ہے،مثلا وہ اچھا آدمی ہے،اس کی شکل خوبصورت ہے،اس کی عادتیں اچھی ہیں۔وغیرہ وغیرہ

 

[ابوالحسن علوی]

جی ہاں کسی کی غیر موجودگی میں اس کی تعریف ایک طرح سے اس کے حق میں ایک دوسرے مسلمان کی گواہی ہے اور اس گواہی کی اللہ کے ہاں ایک خاص قدر ہے۔ ذیل میں ایک روایت نقل کی جا رہی ہے جو ایک مسلمان کی دوسرے مسلمان کے حق میں گواہی کی قدر و منزلت کو واضح کر رہی ہے۔

مختصر صحیح بخاری
جنازہ کے بیان میں
باب : لوگوں کا میت کی تعریف کرنا کیسا ہے؟
حدیث نمبر : 686
سیدنا انس بن مالک رضی اللہ عنہ کہتے ہیں کہ لوگ ایک جنازہ سامنے سے لے کر گزرے، صحابہ رضی اللہ عنہ نے اس کی تعریف کی تو نبی کریم صلی اللہ علیہ وسلم نے فرمایا: “ واجب ہو گئی۔” پھر لوگ دوسرا جنازہ لے کر گزرے تو انہوں نے اس کی برائی بیان کی، نبی کریم صلی اللہ علیہ وسلم نے فرمایا: “ واجب ہو گئی۔” تو سیدنا عمر بن خطاب رضی اللہ عنہ نے عرض کی کہ کیا چیز واجب ہو گئی تو آپ صلی اللہ علیہ وسلم نے فرمایا: “ جس کی تم نے تعریف کی اس کے لیے جنت اور جس کی تم لوگوں نے برائی بیان کی اس کے لیے دوزخ واجب ہو گئی اور تم لوگ زمین میں اللہ کی طرف سے گواہ ہو۔”

 

[محمد ارسلان]

جزاک اللہ خیرا