"کبھی اے حقیقتِ منتظر نظر آ لباسِ مجاز میں"

[ابوحتف]

کبھی اے حقیقتِ منتظر، نظر آ لباسِ مجاز میں
کہ ہزاروں سجدے تڑپ رہے ہیں مری جبینِ نیاز میں

طرب آشنائے خروش ہو تو نوائے محرمِ گوش ہو
وہ سرود کیا کہ چھُپا ہوا ہو سکوتِ پردۂ ساز میں

تو بچا بچا کے نہ رکھ اسے، ترا آئینہ ہے وہ آئینہ
جو شکستہ ہو تو عزیز تر ہے نگاہِ آئینہ ساز میں

دمِ طوف کرمکِ شمع نے یہ کہا کہ وہ اثَرِ کہن
نہ تری حکایتِ سوز میں، نہ مری حدیثِ گداز میں

نہ کہیں‌ جہاں ‌میں‌ اماں ملی، جو اماں ملی تو کہاں‌ ملی
مرے جرمِ خانہ خراب کو، ترے عفوِ بندہ نواز میں

نہ وہ عشق میں رہِیں گرمیاں، نہ وہ حسن میں رہِیں‌ شوخیاں
نہ وہ غزنوی میں تڑپ رہی، نہ وہ خَم ہے زلفِ ایاز میں

جو میں سر بسجدہ ہوا کبھی، تو زمیں ‌سے آنے لگی صدا
ترا دل تو ہے صنم آشنا، تجھے کیا ملے گا نماز میں

(ڈاکٹر علامہ محمد اقبالؔ)

​

 

[allahkabanda]

کبھی اے حقیقتِ منتظر، نظر آ لباسِ مجاز میں
کہ ہزاروں سجدے تڑپ رہے ہیں مری جبینِ نیاز میں
(ڈاکٹر علامہ محمد اقبالؔ)
​

توحید یا شرک ؟

 

[محمد شاہد]

ابو حتف بھائی اس کی تشریح کردیں۔ کیونکہ مجھے اقبال کے یہ اشعار ڈوٹ ایبل لگ رہے ہیں۔

 

[ابوحتف]

السلام علیکم و رحمۃ اللہ ۔
یقینا اللہ سب سے بڑی حقیقت اور سچائی ہے اور اسکا دیدار بھی حق ہے ۔
اس نظم میں شاعر ، اللہ تعالی کو مخاطب کرکے اسکے دیدار کی التماس کر رہا ہے ۔
شاعر نے اگر اللہ تعالی سے اسکے دیدار کا مطالبہ کیا تو اس میں کونسا شرک آگیا
یا اس میں کیا ڈاوَٹ ہے ؟
آپ لوگوں کو جس شعر میں شرک یا ڈاوَٹ نظر آ رہا ہے اسکی نشان دہی کر دیں ۔
جزاکم اللہ خیرا

 

[allahkabanda]

کبھی اے حقیقتِ منتظر، نظر آ لباسِ مجاز میں
کہ ہزاروں سجدے تڑپ رہے ہیں مری جبینِ نیاز میں
​

کیا لباس مجاز میں کا مطلب انسانی شکل نہیں ؟

 

[ابوحتف]

السلام علیکم و رحمۃ اللہ :
شاعر یقینا یہ بات جانتا ہے کہ باری تعالی کا گقیقی دیدار اس دنیا میں تو ممکن نہیں ، لیکن مجازی طور پر دیدار ہو سکتا ہے ۔
نشانات قدرت میں بھی خالق کی جھلک نظر آتی ہے ؛ و فی انفسکم افلا تبصرون ؛
اگر دیکھیں تو ؛ فلما تجلی ربہ للجبل جعلہ دکا و خر موسی صعقا ؛ میں بھی کچھ نہ کچھ دیدار تو ہوا ہو گا ؟
باقی ، ماشاء اللہ اس فورم میں اہل علم کی کثیر تعداد موجود ہے اگر میری غلطی پر مجھے آگاہ کریں گے تو تسلیم کرنے کے ساتھ ساتھ ممنون بھی ہونگا ۔
جزاکم اللہ خیرا

 

[allahkabanda]

سرفراز فیضی حفظہ اللہ سے درخواست ہے کہ اپنی عالمانہ رائے دیں

 

[محمد ارسلان]

سرفراز فیضی

 

[سرفراز فیضی]

کبھی اے حقیقتِ منتظر، نظر آ لباسِ مجاز میں

اللہ کے لیے لباس مجاز کا لفظ استعمال کرنا ہی صریح گستاخی ہے ۔
پھر ہندووں میں اوتار اور عیسائیوں میں حضرت عیسیٰ کے انسانی شکل میں نزول کا بھی یہی مفہوم بیان کیا جاتا ہےکہ خدا انسانی شکل میں اس زمین پر ظہور پذیر ہوا۔
عیسائی اقبال کے اس شعر کو کیسے استعمال کرتے ہیں دیکھیے:

اگرچہ شاعرِ مشرق علامہ اقبال بہت دیر بعد آئے لیکن لگتا ہے کہ وہ ساری نسلِ انسانی کے دِل کی بات کرتے ہوئے خُدا سے مخاطب ہوتے ہوئے اُس سے درخواست کرتے ہیں کہ …….

کبھی اے حقیقتِ مُنتظر نظر آ لباسِ مجاز میں…….. کہ ہزاروں سجدے تڑپ رہے ہیں تیری جبینِ نیاز میں

میرے کہنے کا مطلب یہ ہے کہ ہرزمانہ کے لوگ خُدا کو دیکھنے کے آرزُو مند رہے ہیں۔اور بالآخر خُدا لباسِ مجاز میں انسان کو اپنا دیدار کروانے آ جاتا ہے۔ اسی لئے تو یہ کہا گیا کہ‘‘خُدا کو کسی نے کبھی نہیں دیکھا۔اکلوتا بیٹا جو باپ کی گود میں ہے اُسی نے ظاہر کیا’’ (یوحنا 1:18)۔ہم حضور المسیح میں خُدا کو دیکھتے ہیں کیونکہ الوہیت کی ساری معموری اُن ہی میں مجسّم ہو کرسکونت کرتی ہے۔حضورالمسیح نے بذاتِ خود بھی فرمایا کہ جس نے مجھے دیکھا اُس نے باپ کو دیکھااور اس طرح کا دعویٰ کِسی دُوسرے نے نہیں کیا۔

 

[احمد فرید]

خرد کے پاس خبر کے سوا کچھ اور نہیں​

ترا علاج نظر کے سوا کچھ اور نہیں۔۔۔۔۔۔​