• الحمدللہ محدث فورم کو نئےسافٹ ویئر زین فورو 2.1.7 پر کامیابی سے منتقل کر لیا گیا ہے۔ شکایات و مسائل درج کروانے کے لئے یہاں کلک کریں۔
  • آئیے! مجلس التحقیق الاسلامی کے زیر اہتمام جاری عظیم الشان دعوتی واصلاحی ویب سائٹس کے ساتھ ماہانہ تعاون کریں اور انٹر نیٹ کے میدان میں اسلام کے عالمگیر پیغام کو عام کرنے میں محدث ٹیم کے دست وبازو بنیں ۔تفصیلات جاننے کے لئے یہاں کلک کریں۔

کچھ سوچ کے آیا ہوں، بڑی دیر سے چپ ہوں

مظاہر امیر

مشہور رکن
شمولیت
جولائی 15، 2016
پیغامات
1,426
ری ایکشن اسکور
409
پوائنٹ
190
کچھ سوچ کے آیا ہوں، بڑی دیر سے چپ ہوں
در پر ترے بیٹھا ہوں، بڑی دیر سے چپ ہوں

کیا جانئے کیا جی میں ہے، لب پر نہیں آتا
بس ’حرف تمنا ہوں، بڑی دیر سے چپ ہوں ‘

تو اوج فلک، اوجِ ثریا سے بھی اونچا
میں خاک کا ذرہ ہوں بڑی دیر سے چپ ہوں

ہر سمت ترا دست کرم ہے، یہاں میں بھی
دست طلب آسا ہوں بڑی دیر سے چپ ہوں

تو سبع سماوات میں ہے بزم سجائے
میں ٹوٹتا تارہ ہوں بڑی دیر سے چپ ہوں

جلوے ہیں ترے ارض و سماوات میں، اور میں
ٹوٹا ہوا شیشہ ہوں بڑی دیر سے چپ ہوں

مانگوں بھی تو کیا مانگوں، تجھے سب کی خبر ہے
گونگا ہوں نہ بہرا ہوں، بڑی دیر سے چپ ہوں

اتنا سا کوئی چھیڑ دے، بس آگ لگا دوں
گو راکھ کا ذرہ ہوں بڑی دیر سے چپ ہوں

یہ موج ہوا جانے مجھے کب اُڑا لے جائے
بس آخری پتا ہوں، بڑی دیر سے چپ ہوں
شاعر : اعجاز عبيد
 
Top