کیا سنی لڑکی شیعہ لڑکے سے شادی کر سکتی ہے؟

[نوائے دل]

کیا سنی مسلک کی لڑکی شیعہ سے نکاح کر سکتی ہے؟

السلام علیکم میرا سوال یہ ہے کہ کیا ایک سنی مسلک کی لڑکی شیعہ آدمی سے نکاح کر سکتی ہے؟
جواب:
اگر کوئی شخص قرآن پاک میں تحریف کا قائل نہ ہو بلکہ قرآن کریم کو محفوظ اور خدا کا کلام مانتا ہو۔ صحابہ کرام رضی اللہ عنہم اور ازواج مطہرات کا گستاخ نہ ہو۔ حضرت عائشہ صدیقہ رضی اللہ عنہا پر تہمت نہ لگاتا ہو۔ امہات المؤمنین کو بھی اہل بیت میں شمار کرتا ہو۔ چاروں خلفائے راشدین کو برحق مانتا ہو اور ان کے جنتی ہونے کا عقیدہ رکھتا ہو۔ حضرت علی علیہ السلام کو حضرت عثمان غنی علیہ السلام کے بعد چوتھا خلیفہ مانتا ہو۔ حضرت امیر معاویہ رضی اللہ عنہ کو صحابی رسول صلی اللہ علیہ وآلہ وسلم مانتا ہو اور ان کو گالی گلوچ نہ کرتا ہو۔ تو ایسے شخص سے سنی لڑکی نکاح کر سکتی ہے۔ اگر اس کے عقائد مذکورہ بالا عقائد کے برعکس ہوں تو وہ مسلمان کہلانے کا حق دار نہیں ہے اور مسلمان لڑکی کا نکاح غیر مسلم سے نہیں ہو سکتا۔
واللہ و رسولہ اعلم بالصواب۔

 

[ضدی]

تو پھر وہ شیعہ کہاں ہوا یہ عقیدہ تو اہلسنت والجماعت کا ہے