کیا عورت کو مطمئن کیا جاسکتا ہے؟

[غزنوی]

کیا عورت کو مطمئن کیا جاسکتا ہے؟

بازار میں اک نئی دکان کھلی جہاں شوہر فروخت کیے جاتے تھے۔ اس دکان کے کھلتے ہی لڑکیوں اور عورتوں کا اژدہام بازار کی طرف چل پڑا ۔ سبھی دکان میں داخل ہونے کے لیے بے چین تھیں۔ دکان کے داخلہ پر ایک بورڈ رکھا تھا جس پر لکھا تھا ۔ "اس دکان میں کوئی بھی عورت یا لڑکی صرف ایک وقت ہی داخل ہو سکتی ہے " پھر نیچے ھدایات دی گئی تھیں ۔۔۔...
" اس دکان کی چھ منزلیں ہیں ہر منزل پر اس منزل کے شوہروں کے بارے میں لکھا ہو گا ، جیسے جیسے منزل بڑھتی جائے گی شوہر کے اوصاف میں اضافہ ہوتا جائے گا خریدار لڑکی یا عورت کسی بھی منزل سے شوہر کا انتخاب کر سکتی ہے اور اگر اسمنزل پر کوئی پسند نہ آے تو اوپر کی منزل کو جا سکتی ہے ۔مگر ایک بار اوپر جانےکے بعد پھر سے نیچے نہیں آ سکتی سواے باھر نکل جانے کے "
ایک خوبصورت لڑکی کو سب سے پہلے دکان میں داخل ہونے کا موقع ملا، پہلی منزل کے دروازے پر لکھا تھا ۔ " اس منزل کے شوہر برسر روزگار ہیں اور الله والے ہیں" لڑکی آگے بڑھ گئی۔دوسری منزل کے دروازہ پر لکھا تھا۔ " اس منزل کے شوہر برسر روزگار ہیں ' الله والے ہیں اور بچوں کو پسند کرتے ہیں " لڑکی پھر آگے بڑھ گئی۔تیسری منزل کے دروازہ پر لکھا تھا ۔ " اس منزل کے شوہر برسر روزگار ہیں ' الله والے ہیں بچوں کو پسند کرتے ہیں اور خوبصورت بھی ہیں " یہ پڑھ کر لڑکی کچھ دیر کے لئے رک گئی ' مگر پھریہ سونچ کر کہ چلو ایک منزل اور جا کر دیکھتے ہیں۔ وہ اوپر چلی گئی۔چوتھی منزل کے دروازہ پر لکھا تھا۔ " اس منزل کے شوہر برسر روزگار ہیں ' الله والے ہیں بچوں کو پسند کرتے ہیں ' خوبصورت ہیں اور گھر کےکاموں میں مدد بھی کرتے ہیں " یہ پڑھ کر اس کو غش سا آنے لگا ' کیا ایسے بھی مردہیں دنیا میں ؟ وہ سونچنے لگی کہ شوہرخرید لے اور گھر چلی جائے ، مگر دل نہ مانا وہ ایک منزل اوراوپر چلی دی۔وہاں دروازہ پر لکھا تھا ۔ " اس منزل کے شوہر برسر روزگار ہیں ' الله والے ہیں بچوں کو پسند کرتے ہیں ' بیحد خوبصورت ہیں ' گھر کےکاموں میں مدد کرتے ہیں اور رومانٹک بھی ہیں " اب اس عورت کے اوسان جواب دینے لگے – وہ خیال کرنے لگی کہ ایسے مرد سے بہتر بھلا اور کیا ہو سکتاہے مگر اس کا دل پھر بھی نہ مانا وہ اگلی منزل پر چلی آئی۔یہاں بورڈ پر لکھا تھا
" آپ اس منزل پر آنے والی ٣٤٤٨ ویں خاتوں ہیں – اس منزل پر کوئی بھی شوہر نہیں ہے – یہ منزل صرف اس لئے بنائی گئی ہے تا کہ اس بات کا ثبوت دیا جا سکے کہ"عورت کو مطمئن کرنا نا ممکن ہے"

ہمارے سٹور پر آنے کا شکریہ، سیڑھیاں باھر کی طرف جاتی ہیں۔

فیس بکس سے لی گئی تحریر

 

[Aamir]

یہ بات صرف عورت پر ہی نہیں بلکہ مرد اور عورت دونوں پر لاگو ہوتی ہے، یہ خواہشات میں سے ہے جس سے انسان کا دل کبھی نہیں بھرتا، انسان کبھی بھی اپنے پاس موجود وسائل سے خوش نہیں رہتا ہمیشہ آگے نکلنے کی سوچتا ہے

 

[Dua]

یہ بات صرف عورت پر ہی نہیں بلکہ مرد اور عورت دونوں پر لاگو ہوتی ہے، یہ خواہشات میں سے ہے جس سے انسان کا دل کبھی نہیں بھرتا، انسان کبھی بھی اپنے پاس موجود وسائل سے خوش نہیں رہتا ہمیشہ آگے نکلنے کی سوچتا ہے

متفق۔۔۔۔انسان کسی حال میں خوش نہیں۔

 

[نسرین فاطمہ]

متفق۔۔۔۔انسان کسی حال میں خوش نہیں۔

خوش رہے بھی تو کیسے اس کی زندگی اور خواہشات ایک دوسرے کی متضاد ہیں جیسے جیسے زندگی کم ہوتی ہے ویسے ویسے خواہشات برھتی ہیں۔

 

[سرفراز فیضی]

حالی نے اس انسانی فطرت کو اپنے اس شعر میں بیان کیا ہے

ہے جستجو کہ خوب سے ہے خوب تر کہاں
اب ٹھیرتی ہے دیکھئے جا کر نظر کہاں

 

[سرفراز فیضی]

اللہ کے نبی صلی اللہ علیہ وسلم نے انسان کی اس فطرت کو بیان کرتے ہوئے فرمایا:
لَوْ أَنَّ لِابْنِ آدَمَ وَادِيًا مِنْ ذَهَبٍ أَحَبَّ أَنْ يَكُونَ لَهُ وَادِيَانِ
اگر آدم کی اولاد کے پاس سونے کی ایک وادی ہو تو وہ چاہے گا کہ اس کے پاس دو وادیاں ہو
(البخاري: الرقاق،بَابُ مَا يُتَّقَى مِنْ فِتْنَةِ المَالِ)

 

[محمد آصف مغل]

اللہ کے نبی صلی اللہ علیہ وسلم نے انسان کی اس فطرت کو بیان کرتے ہوئے فرمایا:
لَوْ أَنَّ لِابْنِ آدَمَ وَادِيًا مِنْ ذَهَبٍ أَحَبَّ أَنْ يَكُونَ لَهُ وَادِيَانِ

اگر آدم کی اولاد کے پاس سونے کی ایک وادی ہو تو وہ چاہے گا کہ اس کے پاس دو وادیاں ہو
(البخاري: الرقاق،بَابُ مَا يُتَّقَى مِنْ فِتْنَةِ المَالِ)

رسول اللہ ﷺ کی بات کے بعد کوئی بات کرنا بھی آدابِ نبوی اور شان کے خلاف ہے۔
جہاں آپ ﷺ کی بات آئی۔
سر تسلیم خم ہو گیا۔
الحمد للہ۔