کیا غیر محرم کو دیکھنا اور اس کی تعریف کرنا حرام ہے؟ (علماء کی رہنمائی چاہئے)

[بنات خدیجہ]

کچھ لڑکیاں کرکٹ، فٹبال کے کھلاڑیوں اور ڈیبلو ڈیبلو ای کے ریسلرس کی فین ہوتیں ہیں۔ ان کا نام لیتی ہیں ان کی تعریف میں زمین آسمان ایک کردیتی ہیں، ان کے جسم کی تعریف ان کے چہرے کی تعریف ان کے بالوں کی تعریف ان کے انداز کی تعریف، چلنے کے اسٹائل کی بات کرنے کے سٹائل کی، اور ان کے بارے میں معلومات حاصل کرتیں ہیں، اور ان کی زندگی کے احوال ، انکی ہائٹ، ان کی زندگی کے معاملات، انکے دوست، ان کے رشتہ دار انکے خاندان کے معلومات اپنی دوستوں میں بیان کرنے میں فخر محسوس کرتیں ہیں۔
سوال ہے کہ
1۔غیر محرم پر نگاہ ڈالنا بار بار ڈالنا ، اس کو ہم کیا کہیں؟ مکروہ، ناجائز یا حرام؟
2۔غیر محرم کی تعریف کرنے کا حکم کیا ہے؟ (مکروہ، ناجائز یا حرام؟)
3۔غیر محرم کے بارے میں معلومات کرنا، اس کی خبریں ڈھونڈ کر پڑھنا کیسا ہے؟
اور جب ایک دین دار لڑکی یہ کام کرے تو اس کو کیسے نصیحت کرنی چاہئے؟؟

 

[طاہر اسلام]

مولانا سید ابوالاعلیٰ صاحب مودودیؒ لکھتے ہیں:

قرآن و حدیث میں مرد اور عورت دونوں کو غض بصر کا حکم دیا گیا ہے جس کا منشا یہ ہے کہ نگاہ میں آوارگی پیدا نہ ہونے پائے؛اگر صنف مقابل پر ایک نگاہ احیاناً پڑ جائے تو وہ معاف ہے لیکن گھور کر اور نظر جماکر دیکھنا اور بارباردیکھناجس کا مقصد یہ ہو کہ مدمقابل کی شکل و صورت کیسی ہے،یہ امر ممنوع ہے۔برقع میں اگر عورت صرف اتنا دیکھ لے کہ سامنے کوئی مرد ہے تو اس میں کوئی مضائقہ نہیں،البتہ وہ مرد کے خدوخال کو بہ نظر غائر دیکھنا شروع کر دے تو یہ ناجائز ہوگا لیکن برقعے سے بڑھ کر عورت کی آنکھ پر پٹی باندھ دینا اور اسے بالکل گھر میں مقید کردیناممکن نہیں۔

(شش ماہی الایام،کراچی،شمارہ 9،جنوری تا جون2014ء،ص262)

 

[یوسف ثانی]

خواتین کی جانب سے پروفیشنل (اگر پیشہ یا ٍفن غیر اسلامی نہ ہو تو) مردوں اور ان کے کارہائے نمایاں کو دیکھنا، ان کے فن کی تعریف کرنا اور ان کا تذکرہ کرنا ممنوع یا معیوب نہیں۔ کیونکہ خود نبی کریم صلی اللہ علیہ وسلم نے نامحرم بدوؤں کے کرتب بی بی عائشہ رضی اللہ تعالیٰ عنہا کو دکھلائے تھے اور انہوں نے جی بھر کر ان نامحرم مردوں کے فن کو دیکھا تھا۔آج ہم ایسے پیشہ ور لوگوں میں سیاستدان، سرجن، سوشیل ورکرز، انجینئرز، سائنسدان، کرکٹ، فٹبال یا دیگر جائز اسپورٹس وغیرہ کو بھی شامل کرسکتے ہیں۔ تاہم ننگ دھڑنگ ریسلرز، شو بز کے رومانٹک ہیروز، اور فن کے نام پر فحاشی و بے حیائی پھیلانے والے نا محرم مردوں کے نام نہاد کمالات کو دیکھنا یقیناً جائز اور مستحسن نہیں ہوسکتا۔
واللہ اعلم بالصواب

 

[ابن حلبی]

کیا ٹی وی پر کسی شخص پر نگاہ ڈالنے پر بھی غض البصر کے حکم کا اطلاق ہو گا؟

 

[یوسف ثانی]

کیا ٹی وی پر کسی شخص پر نگاہ ڈالنے پر بھی غض البصر کے حکم کا اطلاق ہو گا؟

میرا خیال ہے کہ غض البصر، کسی نامحرم کو شہوت کی نگاہ سے دیکھنے کو کہتے ہیں۔ ویسے تو قدم قدم پر نامحرم کو دیکھنے سے واسطہ پڑتا ہی رہتا ہے۔
واللہ اعلم بالصواب

 

[بنات خدیجہ]

خواتین کی جانب سے پروفیشنل (اگر پیشہ یا ٍفن غیر اسلامی نہ ہو تو) مردوں اور ان کے کارہائے نمایاں کو دیکھنا، ان کے فن کی تعریف کرنا اور ان کا تذکرہ کرنا ممنوع یا معیوب نہیں۔ کیونکہ خود نبی کریم صلی اللہ علیہ وسلم نے نامحرم بدوؤں کے کرتب بی بی عائشہ رضی اللہ تعالیٰ عنہا کو دکھلائے تھے اور انہوں نے جی بھر کر ان نامحرم مردوں کے فن کو دیکھا تھا۔آج ہم ایسے پیشہ ور لوگوں میں سیاستدان، سرجن، سوشیل ورکرز، انجینئرز، سائنسدان، کرکٹ، فٹبال یا دیگر جائز اسپورٹس وغیرہ کو بھی شامل کرسکتے ہیں۔ تاہم ننگ دھڑنگ ریسلرز، شو بز کے رومانٹک ہیروز، اور فن کے نام پر فحاشی و بے حیائی پھیلانے والے نا محرم مردوں کے نام نہاد کمالات کو دیکھنا یقیناً جائز اور مستحسن نہیں ہوسکتا۔
واللہ اعلم بالصواب

جزاک اللہ خیرا

 

[بنات خدیجہ]

ایک حدیث جس کی صحت نہیں جانتے۔ نہ ہی ڈھونڈنے پر مل رہی ہے۔ نبی کی زوجہ محترمہ نبی کے پاس بیٹھی تھیں، اتنے میں حضرت ابن ام مکتوم (جو نابینا تھے) آگئے۔ نبی نے ام المومنین سے کہا کہ پردہ کریں ، انہوں نے کہا کہ وہ تو مجھے نہیں دیکھ سکتے ، نبی نے فرمایا : وہ تمہیں نہیں دیکھ سکتے لیکن تم تو انہیں دیکھ سکتی ہو۔
واللہ اعلم
اگر کسی کے علم میں اس حدیث کا حوالہ ہو تو دیجئے۔ جزاک اللہ خیرا۔​

 

[بنات خدیجہ]

بعض علما کے نزدیک مردوں کے لئے عورتوں کو دیکھناممنوع ہے اور اسی طرح عورتوں کے لئے مردوں کو دیکھنا مطلقاً ممنوع ہے۔ اور بعض نے اس حدیث کی طرف استدلال کرتے ہوئے جس میں حضرت عائشہ رضی اللہ عنہا کا حبشیوں کا کھیل دیکھنے کا ذکر ہے، مردوں کی طرف دیکھنے کی عورتوں کو اجازت دی ہے۔

 

[Dua]

میں نے فقہ میں مفہوم احادیث سے متعلق ایک اہم نقطہ پڑھا ہے۔وہ یہ کہ جس طرح حبشیوں کے کھیل دیکھنے والی حدیث کو خواتین کے سپورٹس ، کھلاڑی دیکھنے سے مراد لیا جاتا ہے، تو اس میں دائما بھی دیکھا جاتا ہے ، یعنی کسی ایک چیز کو زندگی میں ایک بار کرنا اور اس چیز کو بار بار کرنا ایک الگ بات ہے۔کیونکہ اسے معمول بنا لیا گیا۔

 

[یوسف ثانی]

ایک حدیث جس کی صحت نہیں جانتے۔ نہ ہی ڈھونڈنے پر مل رہی ہے۔ نبی کی زوجہ محترمہ نبی کے پاس بیٹھی تھیں، اتنے میں حضرت ابن ام مکتوم (جو نابینا تھے) آگئے۔ نبی نے ام المومنین سے کہا کہ پردہ کریں ، انہوں نے کہا کہ وہ تو مجھے نہیں دیکھ سکتے ، نبی نے فرمایا : وہ تمہیں نہیں دیکھ سکتے لیکن تم تو انہیں دیکھ سکتی ہو۔
واللہ اعلم
اگر کسی کے علم میں اس حدیث کا حوالہ ہو تو دیجئے۔ جزاک اللہ خیرا۔​

اس حدیث میں بظاہر تو ایک نامحرم کو ”دیکھنے“ سے منع کرنے کی بات کی جارہی ہے۔ لیکن ”عملاً“ محفل کو ”مخلوط“ ہونے سے بچانے کے لئے یہ ہدایت کی جارہی ہے۔
واللہ اعلم بالصواب