کیا نبی صلی اللہ علیہ وسلم کی تمام بیویاں نکاح سے پہلے مسلمان تھیں؟

[محدث میڈیا]

رسول اللہ ﷺ کی تمام بیویاں مسلمان اور مومن تھیں، اللہ تعالیٰ نے انہیں اپنے نبی ﷺ کے لیے منتخب فرمایا تھا اور انہیں مومنوں کی مائیں بنایا۔

اللہ تعالیٰ کا فرمان ہے:
النَّبِيُّ أَوْلَى بِالْمُؤْمِنِينَ مِنْ أَنْفُسِهِمْ وَأَزْوَاجُهُ أُمَّهَاتُهُم (الأحزاب: 6)
’’یہ نبی مومنوں پر ان کی جانوں سے زیادہ حق رکھنے والا ہے اور اس کی بیویاں ان کی مائیں ہیں۔‘‘

• سیدہ صفیہ بنت حیی رضی اللہ عنہا بھی مسلمان ہو گئی تھیں، پھر رسول اللہ صلی اللہ علیہ وسلم نے ان سے شادی کی تھی۔ (دیکھیں: الاصابہ از ابن حجر، جلد 8 ، صفحہ 211)​
• خدیجہ رضی اللہ عنہا سے نبی ﷺ کا نکاح بعثت سے پہلے ہوا تھا، جب آپ کو نبوت ملی تو وہ سب سے پہلے ایمان لانے والوں میں سے تھیں۔​

والله أعلم بالصواب.