کیا ہیوئی ذی پوزٹ پر مکان لینا اور دینا جائز ہے؟

[عبدالرحیم رحمانی]

السلام علیکم رحمۃ اللہ و برکاتہ
کیا ہیوئی ذی پوزٹ پر مکان لینا اور دینا جائز ہے؟
برائے مہربانی مدلل جواب دیں
اللہ آپ کو جزائے خیر دے۔
و السلام علیکم

 

[کنعان]

السلام علیکم

بھائی مثال کے طور پر اگر پراپرٹی 5 لاکھ کی ھے تو اس پر ڈپازٹ/بیعانہ 3 لاکھ ادا کرنا اس پر نقصان کا خدشہ بھی ہو سکتا ھے جیسے آپ مقرر کی گئی مدت تک 2 لاکھ اکٹھا نہیں کر سکے یا آپ نے اس پراپرٹی پر پٹواری سے جانچ کروائی ھے اور وہ زمین اس کی ملکیت نہیں اور کاغذات کاپی ہیں، یا آپکو بیچ میں گھریلو کوئی ایسا مسئلہ کھڑا ہو گیا ھے یا کوئی بھی ناگہانی صورت پیدا ہو گئی ھے تو یہ رقم ڈوب جائے گی۔ اس لئے بیعانہ اس لئے ہوتا ھے کہ آپ کے ساتھ سودا ہو گیا ھے اور اب کسی دوسرے کی ضرورت نہیں۔

بیعانہ 3 سے 10 فیصد تک ہوتا ھے اب آپ دیکھ لیں کہ کیا کرنا ھے۔

باقی اھل علم والوں کی طرف سے جواب کا انتظار فرمائیں۔

والسلام

 

[کفایت اللہ]

عبدالرحیم بھائی اگر آپ کی مراد یہ ہے کہ ایک ساتھ مالک مکان کو زیادہ پیسہ مثلا دو لا کھ دے دو اور پھر پورے سال بغیرکرایہ ادا کئے اس کے مکان میں رہو ، اور سال پورا ہونے کے بعد اپنے دو لاکھ بھی پورا کا پورا واپس لے لو ۔جیسا کہ ممبئی میں لوگ کرتے ہیں۔
تو یہ بھی سود خوری ہی ہے۔ مجھے اس کے سود ہونے میں ذرا بھی شک نہیں واللہ اعلم۔

اورجب یہ سود ہے تو سود کی حرمت سے متعلق قرآن واحادیث کے دلائل آپ کے علم میں ہوں گے۔

 

[کنعان]

السلام علیکم

پاکستان میں اسے گروی رکھنا کہتے ہیں اپنی کسی بھی ضرورت کے لئے کسی سے رقم لینا اور اسے ذمانت کے طور پر تہہ شدہ مدت کے لئے اپنی کوئی چیز دینا، مقرر کی مدت سے پہلے رقم واپس لوٹائی جاتی ھے تاخیر پر بھی کاغذات میں لکھا جاتا ھے کہ اس پر اتنا جرمانہ یا جو چیز و مکان گروی رکھوایا ھے وہ اس کی ملکیت ہو جائے گا۔

یہ والا سودا تو وہی کرتا ھے جسے رقم کی ضرورت ھے، 2 لاکھ ایک سال کے لئے مجھے دے دو اور میری فلاں چیز یا گھر گروی رکھ لو، ایک سال بعد میں اپنی وہ چیز یا گھر چھڑوانے کے لئے تمہیں یہ دو لاکھ واپس کر دوں گا۔

2 لاکھ لینے والے کو اگر فائدہ حاصل ہوا تو درست ورنہ ڈوبنے کی صورت میں مکان ہاتھ سے گیا۔ اور مکان لینے والا اس میں خود رہے یا کرایہ پر دے دے۔

محدث کے فتوی کے رو سے یہ جائز ھے اس مکان میں ایک سال تک رقم دینے والا رہ سکتا ھے

گروی اشیاء سے فوائد اٹھانے کی شرعی حیثیت

1۔ گروی شدہ چیز کی آمدنی، اجرت، محصول وغیرہ رہنے رکھوانے والے (راہن) کی ملکیت ہے۔

2۔مرتھن (جس کے پاس چیز رہن رکھی گئی ہے) اس چیز میں تصرف کا مجاز نہیں ہے إلا کہ جو نص سے ثابت ہے یعنی جس طرح حدیث میں آیا ہے۔

آپ ﷺ نے فرمایا:
" الظھر یرکب بنفقة إذا کان مرھونا ولبن الدر یشرب بنفقتہ إذا کان مرھونا وعلی الذی یرکب و یشرب النفقة "
(صحیح بخاری کتاب الرھن باب الرھن مرکوب و محلوب)
''رہن رکھے ہوئے جانور پر مصارف و اخراجات کے بدلے سواری کی جاسکتی ہے او ردودھ دینے والے جانور کا دودھ مصارف کے بدلے پیا جاسکتا ہے جبکہ وہ رہن ہو اور جو آدمی سواری کرتا ہے اور دودھ پیتا ہے اس کے اخراجات کا ذمہ دار بھی وہی ہوگا۔''

والسلام