کیا یہ الزام صحیح ہے؟۔۔۔۔۔۔۔۔۔

[عبدالعلام]

شیخ ہمارے یہاں دیوبندیوں نے ایک ویڈیو بنا کر بہیجی ہے -جس میں شیخ ابو زید ضمیر کے دو کلپ ہیں -ایک میں شیخ ترک رفع الیدین پر ابن مسعود کی مشہور روایت ذکر کرکے بتارہے ہیں کہ اس میں عاصم بن کلیب ہیں جو منفرد ہوں تو حجت نہین دوسرے سفیان الثوری مدلس ہیں-پہر سینے پر ہاتہ باندہنے کی روایت کا کلپ ہے جس مین یہی دونون راوی ہے- پہر وہ دیوبندی سواک کرتا ہے کہ دیکہئے دونون جگہ راوی یکساں ہونے کے باوجود اہل حدیث اہنے مطلب کی روایت کو صحیح اور خلاف کو صعیف قرار دے رہے ہیں-
براہ کرم اس کا جواب عطا فرمائیں

 

[کفایت اللہ]

یہ کوئی تضاد نہیں ہے بلکہ الگ الگ لوگوں کی الگ الگ تحقیق ہے۔
جن کی نظر میں عاصم بن کلیب کا تفرد اور سفیان ثوری کا عنعنہ مضر ہے وہ رفع الیدین سے متعلق حدیث ابن مسعود کو ضعیف کہتے ہیں اور سینے پر ہاتھ باندھنے والی روایت کو شواہد کی بناپر صحیح مانتے ہیں ۔
اورجن کی نظر میں عاصم بن کلیب کا تفرد اور سفیان ثوری کا عنعنہ مضر نہیں وہ سینے پر ہاتھ باندھنے کی حدیث کو سندا صحیح مانتے ہیں اور رفع الیدین سے متعلق حدیث کو جرح مفسر اور راوی کے وہم کی وجہ سے ضعیف مانتے ہیں ۔

یہاں تضاد کہا ں ہے؟
تضاد تب ہوگا جب ایک ہی شخص سے دو ایسی متضاد باتیں پیش کی جائیں جس میں سے کسی ایک سے بھی اس شخص کا رجوع ثابت نہ ہو۔

مختلف لوگوں کی الگ الگ تحقیق لیکر تضاد ثابت کرنا بہت بڑا عجوبہ ۔اس طرح احناف کا تعاقب کیا جائے تو ان کے تضاد کا انبار لگایا جاسکتا ہے۔