کیا یہ ایک ہی شخص کے دو نام ہیں؟

[محمد ارسلان]

السلام علیکم
کیا یہ ایک ہی شخص کے دو نام ہیں یا علیحدہ علیحدہ شخصیت ہیں۔
علامہ ابن جوزی
علامہ ابن القیم جوزیہ
اور کیا یہ بھی ایک ہی شخص کے دو نام ہیں یا علیحدہ علیحدہ شخصیت ہیں۔
علامہ البانی
علامہ ناصر الدین البانی

 

[ابو تراب]

ایک ہی شخص کے دو نام ہیں- شارٹ کٹ ہیں-

 

[محمد ارسلان]

لیکن "تلبیس ابلیس" میں تو امام ابن الجوزی کے بارے میں لکھا ہے۔

آپ کا نام عبدالرحمن ہے،لقب جمال الدین،کنیت ابوالفرج اور ابن الجوزی کے نام سے مشہور ہیں۔(تلبیس ابلیس،صفحہ٣)

 

[muneebanjum]

لیکن "تلبیس ابلیس" میں تو امام ابن الجوزی کے بارے میں لکھا ہے۔

تلبیس ابلیس کے مصنف عبد الرحمن بن علي بن محمد ابوالفرج ابن الجوزی معروف محدث ہیں- آپ کی معروف تصانیف میں المغني في التفسير،المنتظم في تأريخ الأمم، الموضوعات الكبرى،التحقيق سیرت العمرین وغیرہ-
تین مشھورابن الجوزی ہیں-
١-ابوالفرج ابن الجوزی
٢-ابن قیم الجوزی
٣-سبط ابن الجوزی (ابوالفرج ابن الجوزی کے پوتے جودراصل شیعہ تھا مگر حنفی مشھور ہیں-شیعہ اس کو سنی ظاہر کرکے اپنے حق میں حوالے دیتے ہیں)
جبکہ ابن قیم الجوزی کسی تعارف کےمحتاج نہیں-

جزاک اللہ

 

[محمد ارسلان]

شکریہ

 

[انس]

امام ابن قیم الجوزیۃ ﷫ کو ’جوزی‘ کہنا مناسب نہیں، کیونکہ ’جوزی‘ آپ کی نسبت نہیں بلکہ ’الجوزیۃ‘ مدرسہ کا نام تھا، جس کے مہتمم آپ کے والد صاحب رحمہما اللہ تھے، اسی لئے آپ کو ابن قیم الجوزیۃ (یعنی جوزیہ کے ذمّہ دار کے بیٹے) کہا جاتا ہے، البتہ کبھی مختصرا آپ کو ابن القیم بھی کہہ دیا جاتا ہے، ابن القیم الجوزیہ کہنا بھی صحیح نہیں (کیونکہ مضاف پر ’ال‘ نہیں آتا۔) ویسے آپ کا اصل نام محمد بن ابو بکر ہے۔
واللہ تعالیٰ اعلم!

 

[محمد ارسلان]

جزاک اللہ خیرا انس بھائی جان

 

[طالب نور]

جب ابن قیم کہا جائے تو اس سے مراد امام ابن قیم رحمہ اللہ مراد ہوتے ہیں جو امام ابن تیمیہ رحمہ اللہ کے مشہور شاگرد تھے جبکہ اگر ابن جوزی کہا جائے تو اس سے مراد تلبیس ابلیس کے مصنف مراد ہوتے ہیں جو مشہور محدث گزرے ہیں۔

 

[محمد ارسلان]

اچھا تو امام ابن قیم صاحب امام ابن تیمیہ صاحب کے شاگرد تھے۔معلومات کے لیے شکریہ۔

 

[عمر السلفی۔]

امام ابن الجوزی رحمہ اللہ ایک موضوع حدیث پر تبصرہ کرتے ہوئے فرماتے ہیں :

"اس حدیث کو موسی بن قیس نے گھڑا ہے، یہ غالی رافضی تھا۔ اس کا لقب ”عصفور الجنة“ (جنت کی چڑیا) تھا حالانکہ وہ ”حمير النار“ (جہنم کا گدھا) ہو گا، ان شاء اللہ".

(كتاب الموضوعات : 382/1)