گرمیوں کے مشروبات

[اخت ولید]

کیسے ہیں اراکین؟؟اچھا اچھا۔۔گرمی میں گزران ہو رہی ہے۔۔ایک سورج کی پیداوارگرمی،دوسری واپڈا کی پیداوارگرمی اور ان دو گرمیوں سے پیدا شدہ تیسری ہماری ذاتی گرمی۔۔تین تین گرمیاں جھیلنا ایسا "سوکھا" بھی نہیں ہے):
اطباء گرمی دور کرنے،صحت مند اور بیماریوں سے دور دور رہنے کے لیے پندرہ سے بیس گلاس پانی تجویز کرتے ہیں۔۔اس قدر سادہ پانی پینا خاصا مشکل ہوتا ہے۔۔جبکہ یہ بھی حقیقت ہے کہ پانی کے بغیر چارہ نہیں!!ان شاء اللہ ایک ہفتے کی مسافت پر رمضان ہے،سحری و افطاری میں اور بعد بھی پانی کی کمی کو پورا کرنا ضروری ہو گا۔
اسی سلسلے میں اس دھاگے کا آغاز کیا گیا ہے کہ یہاں ہم گرمیوں کے سادہ ٹھنڈے مشروبات کی تراکیب شئیر کریں گے تا کہ دوران رمضان و غیر رمضان ہم سب ان تراکیب سے فائدہ اٹھائیں اور شئیرنگ کرنے والے اراکین کو دعائیں دیں:)
​

 

[اخت ولید]

سب سے پہلا سادہ ،کم قیمت اورمشہور ترین مشروب" تازہ تازہ ٹھندا پانی":)

 

[aziz khan]

ھاھاھاھا

 

[نسرین فاطمہ]

سب سے پہلا سادہ ،کم قیمت اورمشہور ترین مشروب" تازہ تازہ ٹھندا پانی":)

سادہ کم قیمت اور مشہور ترین مشروب کی ترکیب بھی تو شئیر کریں نا بہن۔۔۔

 

[اخت ولید]

سادہ کم قیمت اور مشہور ترین مشروب کی ترکیب بھی تو شئیر کریں نا بہن۔۔۔

پانی کی ترکیب؟؟؟؟؟؟؟؟؟؟؟؟؟؟؟یہ تو اللہ سبحانہ وتعالٰی نے بنا بنایا تحفتا دے دیا ہے۔۔۔تاہم جنہیں ہر کام خود کرنے کا شوق ہے وہ لیبارٹری میں H2O کی ترکیب لڑا لیں۔۔نتائج کا ذمہ دار صرف اور صرف مذکورہ شخص ہو گا!!:)

 

[اخت ولید]

کچی لسی

گرمیوں میں کئی اقسام کی لسی خصوصا پنجاب میں برغبت پی جاتی ہے۔۔لسی کی انہیں اقسام میں سے ایک قسم سادہ،جھٹ پٹ بننے والی"کچی لسی" کی ہے۔کڑکتی گرمی میں پینے سے گرمی دور ہوتی ہے،نمکیات کی کمی پوری ہے اور بی پی لو یا گرمی کے مارے آنے والی نیند کو دور بھگاتی ہے۔تاہم یاد رکھیے ہر چیز کی زیادتی نقصان دیتی ہے،اعتدال سے استعمال کریں۔
ایک گلاس دودھ میں قریبا 3 سے چار گلاس (حسبِ پسند پانی کی مقدار کم زیادہ کی جاسکتی ہے)سادہ پانی ڈالیں اورحسب ذائقہ نمک اور کُٹی برف شامل کر لیں۔

 

[رضا میاں]

منرل واٹر بنانے کے لئے درکار ہے:

• ایک لیٹر پانی۔
• 1/8 چائے کا چمچ میگنیزیم سلفیٹ (magnesium sulfate)
• 1/8 چائے کا چمچ کیلسیم کلورائیڈ (calcium chloride)

 

[اخت ولید]

فالسے کا شربت

کٹھے میٹھےفالسے گرمیوں میں فرحت بخشتے ہیں اور گرمی دور کرتے ہیں۔پاکستان کے کچھ علاقوں میں خاصے مہنگے ہیں۔جنوبی پنجاب میں سستے ملتے ہیں۔فالسے کےسکوائش،شربت بنانے کی کئی تراکیب ہیں ،جن میں سے ایک آسان سی ترکیب درج ذیل ہے:
فالسہ:1 پاؤ
چینی:حسب پسند
نمک:حسب ذائقہ
فالسے کو دھو کر ایک گلاس پانی کے ساتھ بلینڈر میں بلینڈ کر لیں۔

پھر اسے چھلنی یا باریک رومال کی مدد سے اچھی طرح چھان لیں ۔1 کپ پانی میں حسب پسندچینی اور نمک حل کریں ۔ چھنےہوئے فالسے کے رس میں حسب ضرورت ٹھنداپانی(1پاؤ فالسے میں 4 سے 5 گلاس پانی شامل کیا جا سکتا ہے) اور چینی والا پانی شامل کر لیں۔۔پسند کریں تو ذرا سی کالی مرچ بھی شامل کر لیں۔​

آسانی کے لیےفالسے کو پانی کے ساتھ بلینڈ کر نے کے بعد چھان کر آئس کیوبز وغیرہ میں بھر کر فریز بھی کیا جا سکتا ہے،بوقت ضرورت پانی میں چینی،نمک حل کر کے کیوبز شامل کر لیں۔

 

[اخت ولید]

روح افزا،جام شیریں وغیرہ بناتے ہوئے اس میں لیموں کا رس شامل کرنے سے شربت خوش ذائقہ ہو جا تا ہے۔

 

[ماریہ انعام]

السلام علیکم ورحمۃ اللہ وبرکاتہ

لیموں کی سکنجبین بنا کر اس میں سیون اپ شامل کر لیں ۔۔۔۔انتہائی لذیذ لیمونیڈ تیار ہے