جمعہ کے دن موت کی فضیلت، عذاب قبر سے نجات

[علی عامر]

اس حدیث کا کیا حکم ہے؟

رسول كريم صلى اللہ عليہ وسلم كا فرمان ہے:

" جو شخص بھى جمعہ كى رات يا جمعہ والے دن فوت ہوتا ہے اللہ تعالى اسے قبر كےفتنہ سے محفوظ ركھتا ہے"

مسند احمد حديث نمبر ( 6546 ) جامع ترمذى حديث نمبر ( 1074 ) علامہ البانى رحمہ اللہ تعالى كہتے ہيں: يہ حديث اپنے سب طرق كے ساتھ حسن يا صحيح ہے.

 

[کفایت اللہ]

تمام طرق ضعیف ہیں ۔
تعدد طرق سے حسن بننے کے قابل نہیں ۔
ہدایۃ الرواۃ میں علامہ البانی رحمہ اللہ نے مسنداحمد کی ایک حدیث کو حسن کہا ہے۔لیکن وہ بھی ضعیف ہے۔
معاوية بن سعيد التجيبي کے بارے میں کہا جاتا ہے کہ انہیں ابن حبان نے ثقہ کہا ہے اور ایک جماعت نے ان سے روایت کی ہے اس لئے یہ حسن الحدیث ہے۔
لیکن دوسری طرف امام درقطنی سے اس کی تضعیف ثابت ہے۔[من تكلم فيه الدارقطني في كتاب السنن من الضعفاء والمتروكين والمجهولين 3/ 133]
اس لئے اس روای کے حسن الحدیث ہونے کی قطعا کوئی گنجائش نہیں ہے۔
اور ترمذی کی جو منقطع روایت طبرانی وغیرہ میں موصولا مروی ہے وہ بھی ضعیف ومنکر ہے۔