سی ایس ایس کے بارے میں معلومات درکار ہیں۔۔۔

[طارق راحیل]

سی ایس ایس جو کہ پاکستان میں مقابلے (Competition) کا امتحان ہے۔
میں اس کے بارے میں جاننا چاہتا ہوں۔ اگر کسی دوست نے سی ایس ایس کی تیاری کی ہے یا پھر امتحان دیا ہے تو وہ بہتر معلومات دے سکتا ہے۔
دراصل میں جاننا چاہتا ہوں کہ یہ کیسے اور کب ہوتا ہے؟
پیپر کس طرز کے ہوتے ہیں اور کتنے ہوتے ہیں؟
کس زبان میں ہوتا ہے (انگلش یا اردو)؟
قابلیت کہاں تک ضروری ہےاور جنرل نولیج کہاں تک دیکھا جاتا ہے؟
عمر کتنی ہونی چاہئے۔ اور باقی ضروری معلومات۔۔۔

 

[ابن عبدالقیوم]

اس ویب سائٹ پر آپکو تمام معلومات مل جائیں گی - ان شاء اللہ

http://www.cssforum.com.pk/

 

[Dua]

جزاک اللہ خیرا بھائی۔
میں آج اس پر ہی تھریڈ لگانے والی تھی۔یہ معلومات تو مجھے بھی مطلوب تھیں۔
شکریہ

 

[رضا میاں]

یہ کس قسم کا امتحان ہے؟

 

[Dua]

http://www.css.com.pk/index.htm
اس ویب سائٹ پر مفید معلومات ملی ہیں۔
یہ مشکل ہے اور قوانین بھی سخت ہیں۔
کوئی بتا سکتا ہے کہ یہ اسامیاں کونسی ہوتی ہیں ، جو اس امتحان میں کامیابی کے بعد امیدوار کو دی جاتی ہیں؟؟

 

[یوسف ثانی]

سول سروسز کا امتحان پاس کرنے والوں کو براہ راست گریڈ سترہ میں سرکاری ملازمت دی جاتی ہے۔ یہ بیوروکریٹس (نوکر شاہی) والی اسامیاں ہوتی ہیں، جو مشتہر نہیں ہوتیں بلکہ سول سروس کا امتحان پاس کرنے والوں کو براہ راست ملتی ہیں۔ سول سروسز والے ہی ڈپٹی کمشنر، کمشنر، سیکریٹری وغیرہ کے علاوہ فارن سروسز اور سفارتخانوں میں تعینات ہوتے ہیں۔ اسی کو عرف عام میں ”اسٹیبلشمنٹ“ بھی کہا جاتا ہے۔ کہتے ہیں کہ یہی لوگ مملکت کے ”اصل حکمران“ ہوتے ہیں۔ سیاسی یا فوجی حکومتیں انہی پر ”انحصار“ کرنے پر مجبور ہوتی ہیں۔ یہی لوگ کسی بھی حکومت کو کامیاب یا ناکام کرنے میں اہم کردار ادا کرتے ہیں۔ انہیں پولس کے اعلیٰ عہدوں پر بھی تعینات کیا جاتا ہے۔
اس امتحان میں بیٹھنے کی واحد شرط صرف گریجویٹ ہونا کافی ہے۔ خواہ آپ سادہ بی اے ہوں یا ڈاکٹر، انجینئر یا کچھ اور، بس گریجویٹ ہوں۔ کچھ کوچنگ سینٹرز اس امتحان کی تیاری بھی کرواتے ہیں۔ لوگ ایک ایک دو دو سال کی تیاری کرتے ہیں اس امتحان میں کامیاب ہونے کے لئے۔

 

[نسرین فاطمہ]

میرے بھائی سی ایس ایس میں ایگزام دینے اور پاس ہونے کے باجود آج تک سرکاری ملازمت سے محروم ہیں کیونکہ اپائٹمنٹ کے لئے لاکھوں میں رشوت طلب کی گئی ۔ اور بھائی رشوت دینے کو تیار نہ ہوئے۔

 

[یوسف ثانی]

میرے بھائی سی ایس ایس میں ایگزام دینے اور پاس ہونے کے باجود آج تک سرکاری ملازمت سے محروم ہیں کیونکہ اپائٹمنٹ کے لئے لاکھوں میں رشوت طلب کی گئی ۔ اور بھائی رشوت دینے کو تیار نہ ہوئے۔

بہت افسوس ہوا یہ سن کر۔ یہ تو معلوم تھا کہ متعلقہ شعبہ میں اسامیاں (یا کوٹہ) کم ہونے اور پاس ہونے والوں کی تعداد زیادہ ہونے کے سبب اکثر سی ایس ایس پاس نوجوان ویٹنگ لسٹ میں سالوں تک نوکری کے منتظر رہتے ہیں۔ یہ بھی معلوم تھا کہ پاس ہونے کے بعد اپائنمنٹ کے حصول کے لئے سفارش اہم کردار ادا کرتی ہے۔ لیکن یہ نہیں معلوم تھا کہ لاکھوں میں رشوت بھی لی جاتی ہے۔
تاہم یہ سن کر کوئی ”حیرت“ نہیں ہوئی کہ جس معاشرے میں سرکاری اسکول ٹیچری کے لئے (منتخب ہونے کے بعد) لاکھوں طلب کئے جائیں، وہاں سی ایس ایس پاس کو اپائنمنٹ کے لئے پیسے کیوں نہ طلب کئے جائیں کیونکہ نوکر شاہی کی یہ اسامیاں تو ”نوٹ چھاپنے کی مشینوں“ کے لئے مشہور ہیں (الا ماشا ء اللہ)۔

 

[ابن عبدالقیوم]

میرے بھائی سی ایس ایس میں ایگزام دینے اور پاس ہونے کے باجود آج تک سرکاری ملازمت سے محروم ہیں کیونکہ اپائٹمنٹ کے لئے لاکھوں میں رشوت طلب کی گئی ۔ اور بھائی رشوت دینے کو تیار نہ ہوئے۔

جی بہن بجا فرمایا آپ نے- 5 سال پہلے میں نے بھی پلان کیا تھا کہ سی ایس ایس کرنا ہے اور معلومات جمع کی لیکن آخر میں یہی پتا چلا کہ پاس ہو بھی جاؤ لیکن "پرچی" یا "رشوت کے بغیر ملازمت ملنا ممکن نہیں - اور میرے پاس دونوں ہی نہیں تھے تو ساری پلاننگ ڈسٹ بن میں ڈال دی :-) ہاں البتہ اگر کسی کو اس کے Past Paper چاہیئے تو مجھ سے ای میل پر طلب کر سکتا ہے -