بچپن کی نظمیں

[مشکٰوۃ]

میرا خدا

جس نے بنائی دنیا
جس نے بسائی دنیا
ہاں وہ مرا خدا ہے

مجھ کو بھی زندگی دی
تجھ کو بھی زندگی دی
ہاں وہ مرا خدا ہے

اُس نے بنائے سارے
یہ چاند اور تارے
سورج کو روشنی دی
پھولوں کو تازگی دی
ہاں وہ مرا خدا ہے

لیتا ہوں نام اُس کا
کرتا ہوں اُس کی پوجا
وہ میرا رہنما ہے
وہ میرا آسرا ہے
ہاں وہ مرا خدا ہے​

 

[مشکٰوۃ]

چندا ماموں

چندا ماموں دور کے
بڑے پکائیں بور کے
آپ کھائیں تھالی میں
ہم کو دیں پیالی میں
پیالی گئی ٹوٹ
چندا ماموں گئے روٹھ
پیالی لائیں اور
چندا ماموں آئیں دوڑ​

 

[مشکٰوۃ]

سوہنی دھرتی

سوہنی دھرتی ! اللہ رکھے قدم قدم آباد
قدم قدم آباد تجھے، قدم قدم آباد

تیرا ہر اِک ذرہ ہم کو اپنی جان سے پیارا
تیرے دم سے شان ہماری تجھ سے نام ہمارا
جب تک ہے یہ دنیا باقی ہم دیکھیں آزاد تجھے
سوہنی دھرتی اللہ رکھے قدم قدم آباد
قدم قدم آباد تجھے، قدم قدم آباد

دھڑکن دھڑکن پیار ہے تیرا قدم قدم پر گیت رے
بستی بستی تیرا چرچا نگر نگر اے میت رے
جب تک ہے یہ دنیا باقی ہم دیکھیں آزاد تجھے
سوہنی دھرتی اللہ رکھے قدم قدم آباد
قدم قدم آباد تجھے، قدم قدم آباد

تیری پیاری سج دھج کی ہم اتنی شان بڑھائیں
آنے والی نسلیں تیری عظمت کے گُن گائیں
جب تک ہے یہ دنیا باقی ہم دیکھیں آزاد تجھے
سوہنی دھرتی اللہ رکھے قدم قدم آباد
قدم قدم آباد تُجھے، قدم قدم آباد ​

 

[نسرین فاطمہ]

چندا ماموں

چندا ماموں دور کے
بڑے پکائیں بور کے
آپ کھائیں تھالی میں
ہم کو دیں پیالی میں
پیالی گئی ٹوٹ
چندا ماموں گئے روٹھ
پیالی لائیں اور
چندا ماموں آئیں دوڑ​

ہم ایسے کہتے تھے ۔۔۔۔۔
لائیں گے نئی پیالیاں
بجا بجا کے تالیاں
منے کو منائیں گے
دودھ ملائی کھائیں گے

 

[مشکٰوۃ]

کھیرا

منے نے کھیرا
چاقو سے چیرا
منے کی بہنیں
منے کے بھائی
منے کی خالہ
منے کی تائی
منے کا نوکر
منے کا نائی
ہر ایک آیا
یوں غُل مچایا
منے نے کھیرا
چاقو سے چیر​

 

[مشکٰوۃ]

منا

چمچہ لمبا،تھالی گول
بندر لے کر آیا ڈھول
پیڑ پہ ناچا کالا ناگ
چوہا گاتا آیا راگ
چاند پہ جا کر کودا شیر
بلی کھا گئی سارے بیر
چمچہ تھالی لے گیا ساتھ
منا رہ گیا خالی ہاتھ:)
​

 

[مشکٰوۃ]

ہم ہیں بچے پاکستانی
ہر دم محنت کرنے والے
محنت کا دم بھرنے والے
ہم ہیں بچے پاکستانی

کام کریں سب مل جُل کر ہم
آپ سنواریں اپنا گھر ہم
ہم ہیں بچے پاکستانی

سچی بات پہ ہم اَڑ جائیں
حق کی خاطر ہم لَڑ جائیں
ہم ہیں بچے پاکستانی​

 

[مشکٰوۃ]

ہمدردی
ٹہنی پہ کسی شجر کی تنہا
بلبل تھا کوئی اداس بیٹھا
کہتا تھا کہ رات سر پہ آئی
اڑنے چگنے میں دن گزارا
پہنچوں کس طرح آشیاں تک
ہر چیز پہ چھا گیا اندھیرا
سن کر بلبل کی آہ و زاری
جگنو کوئی پاس ہی سے بولا
حاضر ہوں مدد کو جان و دل سے
کیڑا ہوں اگرچہ میں ذرا سا
کیا غم ہے جو رات ہے اندھیری
میں راہ میں روشنی کروں گا
اللہ نے دی ہے مجھ کو مشعل
چمکا کے مجھے دیا بنایا
ہیں لوگ وہی جہاں میں اچھے
آتے ہیں جو کام دوسروں کے​

 

[اخت ولید]

صبح ہوا جب نور کا تڑکا
سو کر اٹھا اچھا لڑکا

غسل کیا،پھر ناشتا کھایا
بستہ اپنی بغل دبایا

پھر مکتب کا رستہ پکڑا
راہ میں اس کو ملا اک مرغا

مرغا بولا"آؤ کھیلیں"
شور مچائیں اور ڈنٹر پیلیں

لڑکا بولا"او بھائی مرغے!"
کھیلنے کا یہ وقت نہیں ہے

میں اب پڑھنے جاتا ہوں
مرغا بولا"ککڑوں کڑوں"

خیر سے پھر آگے کو بڑھا وہ
جلدی جلدی چلنے لگا وہ

پیڑ پہ چڑیاں بول رہی تھیں
اڑنے کو پر تول رہی تھیں

لڑکا ان کے پاس سے گزرا
گزرا تو،بولی اک چڑیا

آہا بھیا! آؤ کھیلیں
آج ذرا سکول نہ جاؤ

لڑکا بولا"پیاری چڑیا"
کھیل سے ہے پڑھنا اچھا

میں اب پڑھنے جاتا ہوں
چڑیا بولی"چوں چڑ چوں"
​

حفیظ جالندھری​