تم انکی آگ سے نہ روشنی لینا!

[اخت ولید]

بسم اللہ الرحمٰن الرحیم​

السلام علیکم ورحمۃ اللہ وبرکاتہ​

تم انکی آگ سے نہ روشنی لینا​

بھلے لوگو!​

شکستہ موتیوں سے اپنے دامن کو بچا رکھنا​

ذرا اس دام ہم رنگ زمیں سے​

اپنی پروازیں​

جدا رکھنا!​

بھلے لوگو!​

تمہارے آشیانے کے بہت ہیں قیمتی تنکے​

تو ان کی آگ سے ہرگز​

کبھی مت روشنی لینا!​

کہ یہ شعلے۔۔۔۔​

تمہارے کھیت کی سب کھیتیاں ویران کر دیں گے​

فرشتوں کی صفوں میں خود تمہیں انجان کر دیں گے​

اترتے تھے کبھی افلاک سے جو نصرتیں لے کے​

وہی اک ضرب سے اپنی​

تمہاری بستیوں کی بستیاں سنسان کر دیں گے!​

بھلے لوگو!​

تمہیں معلوم بھی ہے یہ​

وہ راضی ہو نہیں سکتے کبھی تم سے​

تو پھر کیونکر۔۔۔​

تمہیں ان کی مروت کا کبھی احساں اٹھاتے ہو​

کبھی خرمن کے جلنے کا انہیں قصہ سناتے ہو​

سنانے کے لیے جاتے ہو لیکن سن کے آتے ہو!​

کہیں تہوار ہو ان کا تو پھر شمعیں جلاتے ہو​

جہنم میں وہ جائیں گر تو سکتے میں تم آتے ہو​

مسلمانوں کے زخموں پر نمک کی تہہ جماتے ہو​

اجاڑا جس نے مسلم کو۔۔۔۔۔​

اسی قتال کو پھر منصف دوراں بناتے ہو​

عبث خود کو تھکاتے ہو!​

بھلے لوگو؟​

​

میرے ایمان کے ساتھی​

از:احسن عزیز رحمہ اللہ​

 

[نسرین فاطمہ]

شئیرنگ کا شکریہ بہنا