جو ہم نے گھر میں اب ڈالا ہے آٹا

[عابدالرحمٰن]

جو ہم نے گھر میں اب ڈالا ہے آٹا
وہ حاصلؔ دیکھنے والا ہے آٹا
کچھ ایسی سختیاں گزری ہیں اس پر
تھا پہلے لال اب کالا ہے آٹا
یہاں ادنیٰ کے بھی لالے پڑے ہیں
وہ کہتے ہیں بہت اعلیٰ ہے آٹا
حکومت پانی پانی ہو گئی ہے
سو پوری قوم کا گیلا ہے آٹا
بدل دیجے مثالِ ''جوئے شیر'' اب
بہت مشکل سے اب ملتا ہے آٹا
سبھی حسرت سے اس کو تک رہے ہیں
جو خوش قسمت کہ لے آیا ہے آٹا
ہر اک اب دوسرے سے پوچھتا ہے
کہیں کیا آپ نے دیکھا ہے آٹا
امانِ جاں اگر مقصود ہے تو
نہ کہنا اب بہت مہنگا ہے آٹا
جنابِ صدر کا فرمان ہے یہ
ہمارے ملک میں سستا ہے آٹا
بشکریہ:شاہین اقبال اثر

 

[محمد وقاص گل]

ماشاءاللہ بہت خوب۔۔۔

 

[محمد آصف مغل]

کچھ ایسی سختیاں گزری ہیں اس پر
تھا پہلے لال اب کالا ہے آٹا
یہاں ادنیٰ کے بھی لالے پڑے ہیں
وہ کہتے ہیں بہت اعلیٰ ہے آٹا

کیا کہنے۔ بہت خوب جناب۔ واقعی ہمارے ساتھ پچھلے رمضان میں ایسا ہی ہوا تھا۔ رمضان پیکج کا آٹا ہمیں محلے کی دکان سے مل گیا جسے کھانا بھی دشوار ہو گیا اور پھینکنا بھی۔ بس اللہ ہی کی پناہ ہے۔