رمضان سے معتلق 50 سوالات - شیخ ابو ذید ضمیر حفظہ اللہ

[محمد عامر یونس]

Ramadhan se mutalliq 50 Sawalat | Abu Zaid Zameer

Follow Abu Zaid Zameer on Twitter:


http://www.twitter.com/abuzaidzameer

Join our YouTube Channel: Complete lectures :

http://www.youtube.com/islamiclecturesn...

 

[محمد عامر یونس]

رمضان میں لوٹ سیل ایک نیکی کا بدلہ دس سے سات سو گنا تک

سیدنا ابوہریرہ رضی اللہ عنہ بیان کرتے ہیں کہ رسول اللہ رسول اﷲ صلی اللہ علیہ وسلم نے فرمایا:
​

’’ابن آدم کا ہر (نیک) عمل بڑھا دیا جاتا ہے، اس طرح کہ ایک نیکی کا بدلہ دس گنا سے لے کر سات سو گنا تک بڑھا دیا جاتا ہے، سوائے روزے کے، اللہ تعالیٰ فرماتا ہے، وہ (خالصتاً) میرے لیے ہے اور میں ہی اس کا اجر دوں گا، اس لیے کہ ابن آدم میری رضا کے لیے اپنی شہوت اور اپنے کھانے پینے کو چھوڑتا ہے۔ روز دار کو دو خوشیاں حاصل ہوتی ہیں، ایک خوشی جب وہ روزہ افطار کرتا ہے اور دوسری خوشی جب اس کی اس کے پروردگار سے ملاقات ہوگی اور روزہ دار کے منہ کی بو اللہ تعالیٰ کے نزدیک کستوری کی خوشبو سے زیادہ پاکیزہ ہے۔

*******مسلم: ۱۶۴/ ۱۱۵۱******​

 

[محمد عامر یونس]

روزہ دار کے لیے جائز اُمور کا بیان

​

حالت روزہ میں بغیر مبالغہ کے کلی کرنا اور ناک میں پانی چڑھانا جائز ہے۔

​

​

*******ابوداؤد : ۲۳۸۵******

​

بھول کر کھا پی لینے سے روزہ نہیں ٹوٹتا، رسول ﷲ صلی اللہ علیہ وسلم نے فرمایا:

’’جب کوئی بھول کر کھا پی لے تو وہ اپنا روزہ پورا کرے، کیوں کہ اسے اﷲ تعالیٰ نے کھلایا پلایا ہے۔‘‘

​

******بخاری : ۱۹۳۳******​

​

 

[محمد عامر یونس]

ایک ہم مسلہ جو اکثر کو معلوم نہیں ہوتا

حالت جنابت میں سحری کھا کر روزہ رکھ لینا اور بعد میں غسل کرنا جائز ہے، سیدہ عائشہ رضی اللہ عنہا اور سیدہ ام سلمہ رضی اللہ عنہا بیان کرتی ہیں کہ بعض دفعہ فجر ہو جاتی اور آپ صلی اللہ علیہ وسلم اپنی کسی بیوی کے ساتھ صحبت کی وجہ سے جنبی ہوتے، پھر آپ صلی اللہ علیہ وسلم غسل فرماتے ہیں اور آپ روزے سے ہوتے تھے۔

*********بخاری: ۱۹۲۵، ۱۹۲۶۔ مسلم: ۱۱۰۹، ۱۱۱۰*********​

 

[محمد عامر یونس]

روزہ دار کے لیے حرام افعال کا بیان

​

روزہ دار کے لیے غیبت کرنا، لڑائی، جھگڑا کرنا، جھوٹ بولنا اور گالی دینا بدرجہ اولیٰ ناجائز ہیں

رسول ﷲ صلی اللہ علیہ وسلم نے فرمایا:

’’جس شخص نے جھوٹ بولنا اور اس پر عمل کرنا نہ چھوڑا تو اﷲ تعالیٰ کو کوئی ضرورت نہیں کہ ایسا شخص اپنا کھانا پینا چھوڑ دے۔‘‘

*******بخاری: ۱۹۰۳*******


اور آپ صلی اللہ علیہ وسلم نے فرمایا:

’’اگر تم میں سے کوئی روزے دار ہو تو اسے چاہیے کہ فحش گوئی نہ کرے اور نہ شور مچائے اور اگر کوئی اسے گالی دے، یا اس سے لڑنا چاہے تو اسے یہ جواب دے کہ میں روزہ دار ہوں۔‘‘

*******بخاری: ۱۹۰۴******​