فتویٰ اور مفتی

[سرفراز فیضی]

قال شيخ الإسلام ابن تيمية: (فليس لأحد من خلق الله كائناً من كان أن يبطل قولاً أو يحرم فعلاً إلا بسلطان الحجة والبرهان)
شیخ الاسلام ابن تیمیۃ رحمہ اللہ فرماتے ہیں:
اللہ کی کسی مخلوق کےلیے خواہ وہ کوئی ہو حلال نہیں کہ بغیر کسی دلیل اور حجت کے وہ کسی قول کو باطل یا کسی فعل کوحرام قرار دے ۔
مجموع الفتاوى: 3/245

 

[سرفراز فیضی]

فتویٰ دینے کی جرات

ومن كلمات سحنون - رحمه الله -: (أجرأ الناس على الفتيا أقلهم علماً)
فتویٰ دینے میں سب سے زیادہ بے باک وہی ہوتا ہے جو سب سے کم علم ہوتا ہے۔
السير: 12/63

 

[سرفراز فیضی]

فتویٰ دینے کا اہل

قال مالك - رحمه الله - عن نفسه: (ما أفتيت حتى شهد لي سبعون أني أَهْلٌ لذلك)
امام مالک فرماتے ہیں میں نے میں نے کوئی فتویٰ نہیں دیا یہاں تک ٧٠ لوگوں نے میرے حق میں گواہی دے دی کہ میں فتوی دینے کا اہل ہوں۔
السير: 8 /48

 

[سرفراز فیضی]

بے علم مفتی

وقـال مـالك - رحمه الله -: (بكى ربيعة يوماً بكاء شديداً، فقيل له: أمصيبة نزلت بك؟ قال: لا! ولكن استُفتي من لا علم عنده، وظهر في الإسلام أمر عظيم)
مالک کہتے ہیں ایک مرتبہ ربیعہ بہت روئے ۔ لوگوں نے پوچھا: کیا کوئی مصیبت لاحق ہے ۔ فرمایا: نہیں ، اس بات پر رو رہا ہوں کہ ایسے لوگوں سے فتوی پوچھا جارہا ہے جن کے پاس علم نہیں ہے ۔ اور یہ اسلام کے لیے بہت خطرناک بات ہے ۔
الباعث، لأبي شامة، 174

 

[سرفراز فیضی]

قَالَ رَبِيعَةُ: وَلَبَعْضُ مَنْ يُفْتِي هَا هُنَا أَحَقُّ بِالسَّجْنِ مِنَ السُّرَّاقِ "
جامع بيان العلم وفضله (2/ 1225)
ربیعہ فرماتے ہیں:یہاں بعض فتوی دینے والے ایسے بھی ہیں جو چور سے بھی زیادہ قید کیے جانے کے مستحق ہیں۔