وعلیکم السلام ورحمتہ اللہ وبرکاتہ،
اگر نئی ونڈو کی انسٹالیشن کے بعد درج ذیل دو سافٹ ویئرز انسٹال کر لئے جائیں اور ویب سائٹ براؤزنگ کے لئے موزیلا فائر فاکس یا کروم استعمال کیا جاتا رہے تو وائرس آنے کے امکانات نہ ہونے کے برابر رہ جاتے ہیں۔ دو سافٹ ویئرز یہ ہیں:
ؑEset Smart Security -- یہ اینٹی وائرس ہے اور سسٹم پر نہ ہونے کے برابر بوجھ ڈالتا ہے۔ خودکار وائرس سگنیچر اپ ڈیٹس کے ساتھ میں نے جتنے بھی دیگر اینٹی وائرس استعمال کئے ہیں، اسے بہترین پایا ہے۔ یہ اپنے انٹیلی جنٹ سسٹم کے تحت خود کار طور پر اپنی لاجکس کو بہتر بناتا رہتا ہے۔ لیکن بہرحال ہر ایک کی ترجیحات الگ ہو سکتی ہیں۔ اگر آپ کی ترجیح کوئی دوسرا اینٹی وائرس ہے تو اسے ہمیشہ فعال رکھیں۔
USB Disk Security: یہ صرف یو ایس بی کے ذریعے سے آنے والے وائرسز کو روکتا ہے۔ اور چھوٹا سا بہت بہترین سافٹ ویئر ہے۔ ہمارے کمپیوٹرز میں عموماً وائرس یا تو انٹرنیٹ سے آتا ہے جسے فائر فاکس یا کروم اور ای سیٹ اسمارٹ سکیورٹی روک سکتے ہیں۔ اور دوسرے یو ایس بی سے اکثر وائرس پھیلتے ہیں جسے یہ سافٹ ویئر بآسانی روک لیتا ہے۔
ان کے ڈاؤن لوڈ لنکس کے لئے مجھے ذاتی پیغام کر لیں یا گوگل پر یہ نام لکھ کر اور اس کے بعد rapidshare لکھ کر سرچ کر لیں۔