قواعد زبان قرآن (اپ ڈیٹ)جلد 2

[عبد الرشید]

کتاب کا نام

قواعد زبان قرآن –اپ ڈیٹ(حصہ دوم)

مصنف کا نام

خلیل الرحمن چشتی

ناشر

الفوز اکیڈمی،اسلام آباد

تبصرہ

مولانا حمید الدین فراہی نے علم نحو کی اہمیت کو پیش نظر رکھتے ہوئے ’اسباق النحو‘ کے نام سے کتاب لکھ کر مدارس کے طلباء کے لیے مناسب سہولت فراہم کی۔ لیکن ایک عام طالب علم کے لیے اس سے استفادہ کرنا دشوار ہے۔ مولانا خلیل الرحمٰن چشتی نے اسی مشکل کو سامنے رکھتے ہوئے ’قواعد زبان قرآن‘ کے نام سے مولانا فراہی کی کتاب کو نہایت سہل انداز میں ترتیب دیا اور جا بجا قرآنی مثالوں کے ذریعے عربی زبان کے قواعد سمجھانے کی کامیاب کوشش کی ہے۔ مولانا نے جدید طریقہ تدریس کے پیش نظر پہلے اصول بتایا ہے پھر مثال دی ہے اور آخر میں چند مثالوں کی تحلیل کر دی گئی ہے تاکہ طالب علم کو اصول و قواعد سمجھنے میں کسی قسم کی مشکل کا سامنا نہ کرنا پڑے۔ کتاب کو اس انداز سے مرتب کیا گیا ہے کہ تعلیم یافتہ طبقہ استاد کے بغیر خود مشقوں کو حل کر سکے۔
اس کتاب قواعد زبان قرآن (اپ ڈیٹ)حصہ دوم کو آن لائن پڑھنے یا ڈاؤن لوڈ کرنے کے لیے یہاں کلک کریں

 

[شاکر]

درج بالا کتاب کافی عرصہ قبل کتاب و سنت ڈاٹ کام پر پبلش کی گئی تھی لیکن غلطی سے کافی صفحات اسکین ہونے سے رہ گئے تھے اور ناقص پی ڈی ایف اپ لوڈ ہو گئی تھی۔ جو احباب کبھی یہ کتاب ڈاؤن لوڈ کر بھی چکے ہوں تو ان سے گزارش ہے کہ دوبارہ ڈاؤن لوڈ کر لیں کیونکہ اب الحمدللہ تمام صفحات درست اسکین کر کے پی ڈی ایف بنائی گئی ہے۔ جزاکم اللہ۔