موٹاپے سے بچئے۔ ۔ اسعد الزوجین

[محمد آصف مغل]

موٹاپے سے بچئے

بعض بیویاں شادی کے بعد اپنا خیال رکھنا چھوڑ دیتی ہیں اور شادی کو چند سال نہیں گذرتے کہ ان کا بدن فربہ ہونا شروع ہو جاتا ہے۔ اور اس کی وجہ یہ ہوتی ہے کہ انہیں گھر میں زیادہ کام کرنے کا موقعہ نہیں ملتا یا وہ باقاعدگی سے ورزش نہیں کرتیں یا ان کے اوقات کا واحد مصرف کھانا اور سونا ہی ہوتا ہے حتی کہ وہ پھیل کر موٹی ہو جاتی ہیں۔ یہاں تک کہ خود شوہر انہیں کہیں لے کر جانے سے شرماتے اور کتراتے ہیں چاہے وہ کوئی عام تقریب ہو یا کوئی خاص موقع۔ پھر وہ وقت بھی آتا ہے جب شوہر متنفر ہونا شروع ہو جاتے ہیں کیونکہ ان کا بھاری بھر کم وجود دیکھنے میں کہیں سے بھی اچھا نہیں لگتا۔

اس لئے بیوی کوچاہئے کہ وہ ایسے موٹاپے سے بچے جو اسے شوہرکی نظروں میں گرا دے۔ اور پہلے ہی سے ہوشیار رہے اور ڈائیٹ پلان پر عمل کرے۔ زیادہ سے زیادہ چلے کیونکہ پیدل چلنا جسم کے لئے مفید ہے جبکہ موٹاپا جسم کے لئے بہت ہی نقصان دہ ہے۔ ذیل میں ہم موٹاپے کے چند نقصانات کا ذکر کر ہے ہیں۔ (اخبار الریاض۔ اتوار ۱۶ شوال ۱۴۲۵ھ عدد (۱۳۳۰۹)

۱۔ شوگر کے مرض کا باعث بنتا ہے۔
۲۔ جسم کو زیادہ محنت کرنا پڑتی ہے جس کے باعث جوڑوں کا درد اور کمر کا درد رہتا ہے۔
۳۔ دل کو تھکاتا ہے۔
۴۔ بلڈ پریشر کو بڑھاتا ہے۔
۵۔ نظامِ ہضم کو متاثر کرتا ہے جس سے کھٹی ڈکاریں آتی ہیں۔
۶۔ پیروںکے جوڑوں میں درد شروع ہو جاتا ہے۔
۷۔ جسم میں روغنیات اور کولیسٹرول کی زیادی ہو جاتی ہے جو دل اور اس کی رگوں کے لئے خطرناک ثابت ہو سکتا ہے۔
۸۔ بعض ہارمونز کے کام میں خلل پڑ سکتا ہے۔

 

[محمد آصف مغل]

اب میں آپ کو پیدل چلنے کے فوائد گنوانا چاہتا ہوں
۱۔ جو پیدل چلنا چھوڑ دیتا ہے اس کے جوڑوں میںدرد ہونے لگتا ہے۔
۲۔ پیدل چلنے سے دورانِ خون میںبہتری آتی ہے اور دل اور پھیپھڑوں کوفائدہ پہنچتا ہے۔
۳۔ پیدل چلنا زائد انرجی جلا کر بدن کی چستی اور خوبصورتی برقرار رکھتا ہے۔
۴۔ پٹھوں کو مضبوط کرتا ہے۔ دورانِ خون کے نظام کوبہتر بناتاہے۔ اورجسم میں آکسیجن کی مقدار میں اضافہ کرتاہے۔
۵۔ موٹاپا، شوگر، بریسٹ کینسر، قولون اور دیگر دل کی بیماریوں کے اثرات کم کرتا ہے۔
۶۔ ہڈیوں کو مضبوط کرتا ہے اور انہیں کمزور ہونے سے بچاتا ہے۔
۷۔ نفسیاتی پریشر، فکر، پریشانی اور روزانہ کی تھکاوٹ سے چھٹکارا پانے میں مفید ہے۔
۸۔ زیادہ وزن سے نجات دلاتا ہے اور جسم میں موجود فاضل چربی اور چکنائی کو پگھلاتاہے۔

 

[بابر تنویر]

محترم بھائ محمد آصف مغل میرے خیال میں تو موٹاپا مرد و زن دونوں کے لیۓ ہی یکساں برا ہے۔ دونوں ہی کو اس سے بچنا چاہیۓ۔

 

[محمد آصف مغل]

جی بالکل بجا فرمایا آپ نے۔ متناسب جسم صحت کی بہت بڑی علامت سمجھی جاتی ہے۔ اس کے لئے کوشش بھی کرنی چاہیے۔
بارک اللہ لکم فی الدنیا و الآخرۃ