میں نے سیدنا عثمان پر اور انہوں نے رسول اللہ پرجھوٹ نہیں بولا

[ابو عکاشہ]

عن أبان بن عثمان يقول سمعت
عثمان يعني ابن عفان يقول
سمعت رسول الله صلی الله عليه وسلم يقول
من قال بسم الله الذي لا يضر مع اسمه شي في الأرض ولا في السما وهو السميع العليم ثلاث مرات
لم تصبه فجأة بلا حتی يصبح
ومن قالها حين يصبح ثلاث مرات لم تصبه فجأة بلا حتی يمسي
و قال فأصاب أبان بن عثمان الفالج
فجعل الرجل الذي سمع منه الحديث ينظر إليه
فقال له ما لک تنظر إلي
فوالله ما کذبت علی عثمان
ولا کذب عثمان علی النبي صلی الله عليه وسلم
ولکن اليوم الذي أصابني فيه ما أصابني
غضبت فنسيت أن أقولها

سیدنا ابان بن عثمان رحمہ اللہ کہتے ہیں
کہ میں نے سیدنا عثمان رضی اللہ تعالیٰ عنہ بن عفان سے سنا کہ انہوں نے فرمایا کہ میں نے
رسول اللہ صلی اللہ علیہ وآلہ وسلم کو یہ فرماتے ہوئے سنا کہ
جس نے تین مرتبہ یہ دعا پڑھی۔
بِسْمِ اللَّهِ الَّذِي لَا يَضُرُّ مَعَ اسْمِهِ شَيْئٌ فِي الْأَرْضِ وَلَا فِي السَّمَائِ وَهُوَ السَّمِيعُ الْعَلِيمُ۔
اللہ کے نام کے ساتھ شروع کرتا ہوں کہ جس کے نام کی برکت سے زمین و آسمان کی کوئی چیز نقصان نہیں پہنچا سکتی اور وہی سننے والا جاننے والا ہے۔
اسے کوئی ناگہانی مصیبت نہیں پہنچے گی صبح تک۔
اور جس نے یہ کلمات صبح تک تین بار کہے تو شام تک اس کو کوئی ناگہانی مصیبت نہیں پہنچے گی
راوی کہتے ہیں کہ ابان بن عثمان کو فالج ہوگیا
تو ایک شخص جس نے ان سے یہ حدیث سنی تھی انہیں (حیرت سے) دیکھنے لگا
تو ابان نے اس سے فرمایا کہ تجھے کیا ہوگیا کہ اس طرح میری طرف دیکھتا ہے
پس اللہ کی قسم میں نے سیدنا عثمان اور
سیدنا عثمان رضی اللہ عنہ نے
رسول اللہ صلی اللہ علیہ وآلہ وسلم پر جھوٹ نہیں باندھا
لیکن جس روز مجھے یہ فالج کا حملہ ہوا
اس روز میں غصہ میں تھا اور یہ دعا پڑھنا بھول گیا تھا۔
سنن ابوداؤد:جلد سوم:حدیث نمبر 1678
یہ حدیث جامع ترمذی اور سنن ابن ماجہ میں بھی موجود ہے اور ترمذی رحمہ اللہ نے اسے حسن غریب صحیح کہا ہے ۔البانی رحمہ اللہ نے بھی اسے صحیح کہا ہے
مسند احمد میں بھی یہ حدیث سیدنا عثمان بن عفان رضی اللہ عنہ سے مروی ہے
الراوي: عثمان بن عفان المحدث:أحمد شاكر - المصدر: مسند أحمد - الصفحة أو الرقم: 1/221
خلاصة حكم المحدث: إسناده صحيح