نبی صلی اللہ علیہ وسلم کھانا کیسے کھاتے تھے

[محدث میڈیا]

1- نبی کریم صلی اللہ علیہ وسلم کھانا شروع کرنے سے پہلے بسم اللہ پڑھا کرتے تھے-
(صحیح سنن ترمذي: 1857 )
2- آپ صلی اللہ علیہ وسلم دائيں ہاتھ سے کھانا کھانے کا حکم دیتے تھے۔ (صحیح مسلم: 2020 )
3- آپ صلی اللہ علیہ وسلم کھانے کے بعد درج ذیل دعا پڑھا کرتے تھے:
((الْحَمْدُ لِلَّهِ كَثِيرًا طَيِّبًا مُبَارَكًا فِيهِ غَيْرَ مَكْفِيٍّ وَلَا مُوَدَّعٍ وَلَا مُسْتَغْنًى عَنْهُ رَبَّنَا))-
(صحیح البخاری: 5458)
4- آپ صلی اللہ علیہ وسلم نے کبھی بھی کھانے میں عیب نہیں نکالا، اگر دل چاہتا توکھا لیتے ورنہ چھوڑ دیتے۔ (صحیح مسلم: 2064)
5- آپ صلی اللہ علیہ وسلم کھانے کی تعریف بھی کیا کرتے تھے-
(صحیح مسلم: 2052)
6- بعض اوقات نبی صلی اللہ علیہ وسلم اپنے مہمانوں کوبار بار کھانا پیش کرتے تھے، جیسے فیاض کیا کرتے ہیں۔
(صحیح البخاری: 6452)
7- کسی کے ہاں دعوت کھانے کے بعد اسے درج ذیل الفاظ میں دعا دیا کرتے تھے:
((اللَّهُمَّ بَارِكْ لَهُمْ فِيمَا رَزَقْتَهُمْ، وَاغْفِرْ لَهُمْ وَارْحَمْهُمْ)) (صحیح مسلم: 2042)
8- بعض لوگوں نے آپ سے عرض کیا کہ ہم کھانے کے باوجود سیر نہیں ہوتے، آپ صلی اللہ علیہ وسلم انہیں فرمایا: شاید کہ تم الگ الگ کھاتے ہو؟ انہوں نے کہا: جی ہاں، آپ نے فرمایا: اکٹھے کھایا کرو، اور اللہ نام لے کر کھایا کرو تمھارے کھانے میں برکت ڈال دی جائے گی- (صحیح سنن أبي داود: 3764، صحیح سنن ابن ماجہ: 3286)
9- آپ صلی اللہ علیہ وسلم ٹیک لگا کر نہیں کھاتے تھے- (صحیح البخاری: 5398 )
10 – آپ صلی اللہ علیہ وسلم اپنی تین انگلیوں سے کھاتے تھے، اور کھانے کے بعد اپنے ہاتھ کو چاٹ لیا کرتے تھے۔ (صحیح مسلم: 2032)