ٹی ٹی پی نے مذاکرات ختم کرنے کا اعلان کر دیا

[بخاری سید]

کراچی ... کالعدم تحریک طالبان پاکستان نے امریکی ڈرون حملے میں حکیم اللہ محسود کے نائب ولی الرحمان کی ہلاکت کی تصدیق کردی، احسان اللہ احسان کا کہنا ہے کہ حکومت سے مذاکرات ختم کرنے کا اعلان کرتے ہیں۔ ترجمان طالبان احسان اللہ احسان کے مطابق منگل اور بدھ کی درمیانی شب امریکی جاسوس طیاروں کے شمالی وزیرستان کے علاقے میران شاہ میں حملے کے نتیجے میں ولی الرحمان ہلاک ہوگئے تھے۔ انہوں نے کہا کہ ولی الرحمان کی ہلاکت پر پاکستان حکومت سے مذاکرات ختم کرنے کا اعلان کرتے ہیں۔ دوسری جانب امریکی نیوز ایجنسی کے مطابق پاکستانی انٹیلی جنس حکام کا کہنا ہے کہ انہیں ملنے والی اطلاعات کے مطابق ڈرون حملے میں ہلاک ہونے والے طالبان کے اہم کمانڈر ولی الرحمان کی میران شاہ کے قریب تدفین بدھ اور جمعرات کی شب کردی گئی ۔ امریکی نیوز ایجنسی کے مطابق طالبان کے 2 جنگجووٴں نے بتایا کہ ولی الرحمان کو میران شاہ کے قریب قبرستان میں سپرد خاک کیا گیا اور تدفین میں وہ بھی شریک تھے۔ ولی الرحمان پاکستان کے ساتھ امن مذاکرات کا حامی تھا جو میران شاہ میں ایک گھر پر ڈرون حملے میں ساتھیوں سمیت ہلاک ہوگیا تھا۔ تاہم امریکا نے اب تک ولی الرحمان کے ہلاک ہونے کی تصدیق نہیں کی ہے۔
لنک

 

[بخاری سید]

اس ڈرون حملہ کے بارے میں تھریڈ پہلے بھی بن چکا ہے تاہم اس خبر میں احسان اللہ احسان کی جانب سے مذاکرات ختم کرنے کی بات کی گئی ہے جس کی وجہ سے نیا تھریڈ بنایا گیا ہے اگر ساتھیوں کو اعتراض ہوا تو اس پوسٹ کو اس ہی تھریڈ میں شامل کر دیا جائے گا۔