کیا یہ نبی کریمﷺ کی بے ادبی اور گستاخی ہے؟!!

[انس]

[video=youtube;0VzXQYj62v8]http://www.youtube.com/watch?v=0VzXQYj62v8[/video]

 

[محمد ارسلان]

جی انس بھائی جان یہ رسول اللہ صلی اللہ کی گستاخی اور بے ادبی ہے یہ عورت چاہے جس مکتبہ فکر سے تعلق رکھتی ہے پھر بھی اس طریقہ سے رسول اللہ صلی اللہ علیہ وسلم کو تھانیدار کہنا بے ادبی ہے۔جس رسول پر اللہ رب العالمین درود بھیجے اس ہستی کے بارے میں ایسا کہنا خود بتائیے کتنی بے ادبی ہے۔

یوں تو سارے نبی محترم ہیں مگر
سرور انبیاء تیری کیا بات ہے(صلی اللہ علیہ وسلم)

 

[انس]

حالانکہ

1. یہ الفاظ در اصل اس محترم خاتون (میمونہ ملک مرتضیٰ) کے ذاتی نہیں بلکہ اللہ تعالیٰ کے مبارک الفاظ کا ترجمہ ہے۔ اگر ترجمہ گستاخی ہے تو اصل متن کو کیا کہیں گے؟!!
2. اس میں نبی کریمﷺ کیلئے کسی صفت کی نفی ہو رہی ہے نہ کہ اثبات کہ اسے ’گستاخی‘ باور کرانے کی کوشش کی جائے۔
3. اگر کسی نبی یا ولی پر کوئی سنگین الزام مثلاً ’مجنون‘ یا ’ساحر‘ لگایا جائے تو اگر ’زید‘ اس کی نفی کرے تو کہ وہ نبی یا ولی مجنون یا جادوگر نہیں، تو کیا ’زید‘ کو گستاخ کہا جائے گا؟!!
4. اگر آیتِ کریمہ ﴿ لست عليهم بمصيطر ﴾ کا ترجمہ ’’آپ ان پر داروغہ یا تھانیدار نہیں۔‘‘ کرنا گستاخی ہے تو پھر درج ذیل ترجمے کیا ہیں:
   تم کچھ ان پر کڑ وڑا (ضامن) نہیں ... احمد رضا خان
   آپ ان پر جابر و قاہر (کے طور پر) مسلط نہیں ہیں ... طاہر القادری
   آپ ان پر کوئی داروغہ نہیں ہیں ۔۔۔ احمد علی
   تم ان پر داروغہ نہیں ہو ۔۔۔ جالندھری
   آپ کچھ ان پر داروغہ نہیں ہیں ۔۔۔ محمد جونا گڑھی
   
   آیت کریمہ ﴿ وما أنت عليهم بجبار ﴾ ... سورة ق کا ترجمہ
   اور کچھ تم ان پر جبر کرنے والے نہیں ... احمد رضا خان بریلوی
   اور آپ اُن پر جبر کرنے والے نہیں ہیں ... طاہر القادری
   
   آیت کریمہ ﴿ مَا أَنتَ بِنِعْمَةِ رَبِّكَ بِمَجْنُونٍ ﴾ ... سورة القلم کا ترجمہ
   تم اپنے رب کے فضل سے مجنون نہیں ... احمد رضا خان
   (اے حبیبِ مکرّم!) آپ اپنے رب کے فضل سے (ہرگز) دیوانے نہیں ہیں ... طاہر القادری
   
   آیت کریمہ ﴿ وَمَا هُوَ بِقَوْلِ شَاعِرٍ ۚ قَلِيلًا مَّا تُؤْمِنُونَ * وَلَا بِقَوْلِ كَاهِنٍ ۚ قَلِيلًا مَّا تَذَكَّرُونَ ﴾ ... سورة الحاقة کا ترجمہ
   اور وہ کسی شاعر کی بات نہیں کتنا کم یقین رکھتے ہو (٤١) اور نہ کسی کاہن کی بات کتنا کم دھیان کرتے ہو ... احمد رضا خان
   اور یہ کسی شاعر کا کلام نہیں (کہ اَدبی مہارت سے خود لکھا گیا ہو)، تم بہت ہی کم یقین رکھتے ہو، (٤١) اور نہ (یہ) کسی کاہن کا کلام ہے (کہ فنی اَندازوں سے وضع کیا گیا ہو)، تم بہت ہی کم نصیحت حاصل کرتے ہو ... طاہر القادری
   
   آیت کریمہ ﴿ وَلَوْ أَشْرَكُوا لَحَبِطَ عَنْهُم مَّا كَانُوا يَعْمَلُونَ َ ﴾ ... سورة الأنعام کا ترجمہ (واضح رہے کہ یہ آیت کریمہ اٹھارہ کے قریب انبیاء کرام﷩ کے متعلّق ہے)
   اور اگر وہ شرک کرتے تو ضرور ان کا کیا اکارت جاتا ... احمد رضا خان
   اور اگر (بالفرض) یہ لوگ شرک کرتے تو ان سے وہ سارے اعمالِ (خیر) ضبط (یعنی نیست و نابود) ہو جاتے جو وہ انجام دیتے تھے ... طاہر القادری
5. اگر یہ ترجمہ ’’آپ ان پر داروغہ یا تھانیدار نہیں۔‘‘ کرنا گستاخی ہے تو جنت اور جہنم کے نگران فرشتوں (رضوان اور مالک﷩) کو داروغہ کہنا کیسا ہے؟!! کیا یہ ان کی گستاخی نہیں؟!! کیا فرشتوں کی گستاخی جائز ہے؟!!
   آیت کریمہ ﴿ وَقَالَ الَّذِينَ فِي النَّارِ لِخَزَنَةِ جَهَنَّمَ ادْعُوا رَبَّكُمْ يُخَفِّفْ عَنَّا يَوْمًا مِّنَ الْعَذَابِ ﴾ ۔۔۔ سورة المؤمن کا ترجمہ
   اور جو آگ میں ہیں اس کے داروغوں سے بولے اپنے رب سے دعا کرو ہم پر عذاب کا ایک دن ہلکا کردے ... احمد رضا خان
   اور آگ میں پڑے ہوئے لوگ دوزخ کے داروغوں سے کہیں گے: اپنے رب سے دعا کرو کہ وہ کسی دن تو ہم سے عذاب ہلکا کر دے ... طاہر القادری
   
   آیت کریمہ ﴿ وَسِيقَ الَّذِينَ اتَّقَوْا رَبَّهُمْ إِلَى الْجَنَّةِ زُمَرًا ۖ حَتَّىٰ إِذَا جَاءُوهَا وَفُتِحَتْ أَبْوَابُهَا وَقَالَ لَهُمْ خَزَنَتُهَا سَلَامٌ عَلَيْكُمْ طِبْتُمْ فَادْخُلُوهَا خَالِدِينَ ﴾ ... سورة الزمر کا ترجمہ
   اور جو اپنے رب سے ڈرتے تھے ان کی سواریاں گروہ گروہ جنت کی طرف چلائی جائیں گی، یہاں تک کہ جب وہاں پہنچیں گے اور اس کے دروازے کھلے ہوئے ہوں گے اور اس کے داروغہ ان سے کہیں گے سلام تم پر تم خوب رہے تو جنت میں جاؤ ہمیشہ رہنے ... احمد رضا خان
   (ویسے بھی ان آیاتِ کریمہ میں فرشتوں کیلئے داروغے کی صفت کا اثبات ہے، نفی نہیں) کیا پھر بھی یہ گستاخی نہیں؟!! ما لكم كيف تحكمون

اللہ تعالیٰ ہماری اصلاح فرمائیں اور ہم سے ناحق تشدد اور غلو کو ختم کردیں! آمین یا رب العٰلمین!

 

[محمد ارسلان]

جزاک اللہ خیرا انس بھائی جان ۔آپ نے بہت اچھی وضاحت کی ۔آپ کی وضاحت سے پہلے میری زہنیت کچھ اور تھی اب بہت کچھ سمجھ آ گیا ہے۔
اسی طرح فرعون کی لاش کے بارے میں بھی آپ کی تحریر پڑھ کر پہلے میری زہنیت اور تھی اور اب اور ہے۔میں وہ آپ کی پوسٹ ڈھونڈنے کی کوشش کر رہا ہوں لیکن مل نہیں رہی۔

 

[انس]

جزاک اللہ خیرا انس بھائی جان ۔آپ نے بہت اچھی وضاحت کی ۔آپ کی وضاحت سے پہلے میری زہنیت کچھ اور تھی اب بہت کچھ سمجھ آ گیا ہے۔
اسی طرح فرعون کی لاش کے بارے میں بھی آپ کی تحریر پڑھ کر پہلے میری زہنیت اور تھی اور اب اور ہے۔میں وہ آپ کی پوسٹ ڈھونڈنے کی کوشش کر رہا ہوں لیکن مل نہیں رہی۔

جزاکم اللہ خیرا!
فرعون کی لاش کے متعلق میری تحریر کا لنک یہ ہے۔

 

[طالب نور]

یہ مفتی صاحب جو ایک غلط لفظ کی نفی کو گستاخی بنانے پر تلے ہیں۔ ان کی ساری گفتگو سنیے اور پھر نبی صلی اللہ علیہ وسلم کو راعی قرار دینے پر یہودیوں کو گستاخ اور احمد رضا کا دفاع دیکھئے آپ کو صاف معلوم ہو جائے گا کہ یہ احباب کس دوغلی پالیسی پر عمل پیرا ہیں۔۔۔؟

تنبیہہ: پوسٹ میں کچھ الفاظ تبدیل کئے گئے ہیں۔ ۔ازراہ کرم تھوڑی سی نرمی ۔انتظامیہ

 

[محمد ارسلان]

جزاکم اللہ خیرا!
فرعون کی لاش کے متعلق میری تحریر کا لنک یہ ہے۔

جزاک اللہ خیرا انس بھائی جان

 

[Barakah]

انس نضر بھائی آپنے بہت اچھی رہنمائی کی ہے ۔ جزاک اللہ خیراً