یہود ونصارى تاریخ کے آئینہ میں

[کلیم حیدر]

کتاب کا نام:

یہود ونصارى تاریخ کے آئینہ میں

تاليف:

علامہ ابن قیم الجوزی رحمۃ اللہ علیہ

مترجم:

زبیر احمد

نظر ثانی :

شفیق الرحمن ضیاء اللہ مدنی

مختصر تبصرہ:
زیرنظر کتاب" هداية الحيارى في أجوبة اليهود والنصارى " اسلام کے خلاف یہود ونصاری کے جھوٹے پروپیگنڈوں کا نہایت مدلّل اور مسکت جواب ہے- اس کتاب کے مصنف حافظ ابوبکرابن القیم الجوزى رحمۃ اللہ علیہ اسلامی دنیا میں ایک مجدّد کی حیثیت سے تسلیم کیے جاتے ہیں- وہ اپنے استاد شیخ الاسلام ابن تیمیہ رحمہ اللہ کے علوم وفنون کے حقیقی ترجمان ،جامع عالم،اسلام کے بہترین مناظراور زبردست صاحب قلم مجتہد اور محدّث تھے-اپنی اس کتاب میں انہوں نے یہود ونصارىٰ کے ایک ایک اعتراض کا بخیہ اُدھیڑ کر رکھ دیا ہے ساتھ ساتھ توراۃ وانجیل پر اپنے گہرے مطالعے کی وجہ سے یہودیوں اور عیسائیوں کی کتب سماویہ میں باطل تحریفات کا پردہ ایسے دل نشیں انداز میں فاش کیا ہے کہ کتاب پڑھ کرجہاں اسلام کی حقانیت کا نقش دل پر جم جاتا ہے وہیں یہودونصارى کی ضلالت پر مہرلگادی ہے- اس کتاب سے اسلامی شریعت کے اُن بنیادی مسائل پر نہایت تحقیقی انداز میں روشنی پڑتی ہے جو ہمارے مدارس اوردینی حلقوں میں فراموش کردیے گئے ہیں- آج ساری دنیا میں یہودیوں اور عیسائیوں اور دوسری اسلام دشمن طاقتوں نے متحد ہو کراسلام پریلغارکررکھی ہے اور اسلام کو ایک وحشى دین کی صورت میں پیش کرنے کی مذموم کوشش کی جارہی ہے-اس کتاب کے مطالعے سے ان تمام جھوٹے پروپیگنڈوں کی قلعى کھل جائے گی اور پڑھنے والوں کے دلوں پراسلام کی حقانیت کا نقش دوام ثبت ہوجائے گا-اسلام کا تقابلی مطالعہ کرنے والوں کیلئے یہ کتاب ایک رہنما اورحق کی معلّم ثابت ہوگی-

کتاب انتہائی فنى اور تحقیقی ہونے کے باوجود اس کے ترجمہ کی زبان نہایت آسان اورعام فہم ہے- قابل مباركباد ہیں زبیراحمد صاحب جنہوں نے کتاب کے ترجمہ کا حق ادا کردیا ہے- امید ہے کہ یہ مفید کتاب علمی اوردینی حلقوں میں محبت اور عقیدت کی نظرسے پڑھی جائے گی-

ڈاؤنلوڈ لنک