۲۳۔ اپنی غلطیوں کا اعتراف کرنا: ۔ اسعد الزوجین

[محمد آصف مغل]

۲۳۔ اپنی غلطیوں کا اعتراف کرنا:

ایک عرب شاعر کہتا ہے:

کون ہے جس کی ساری علامتیں خوش کرنے والی ہوتی ہیں۔ آدمی کے بڑے پن کے یہی بہت ہے کہ اس کے عیوب انگلیوں پے گنے جائیں۔

انسان کا غلطی کرنا کوئی عیب نہیں ہے بلکہ بعض اوقات غلطی عمل اور اجتہاد کی دلیل ہوتی ہے کیونکہ جو کام نہیں کرتا وہی غلطی نہیں کرتا لیکن ہاں غلطی پر اصرار اور اس کا اعتراف نہ کرنا یہ یقینا ایک بڑا عیب ہے۔ کیونکہ غلطی کمزور یا نقص کی دلیل نہیں۔ اس لئے اگر میاں بیوی میں سے کسی سے بھی غلطی ہو بھی جائے تو اسے چاہیے کہ تکبر و غرور نہ کرے اور نہ ہی اپنے شریکِ حیات کو الزام دے بلکہ غلطی کا اعتراف کرے اور اس کی اصلاح کے لئے کوشش کرے۔ اس کے بالمقابل دوسرے کو چاہیے کہ وہ اپنے ساتھی کی معذرت قبول کرے کیونکہ ازدواجی زندگی کو اگر آگے بڑھانا مقصود ہے تو ایسی چھوٹی موٹی غلطیوں کو درگزر کرنا ہی پڑتا ہے۔